ننکانہ صاحب)پی پی آ ئی)محکمہ تعلیم ننکانہ نے پبلک اور پرائیویٹ سکولوں کیلئے موسم سرما کے اوقات کار تبدیل کرددیئے،جن پر(آج)16اکتوبر سے عمل درآمد ہوگا،نئے اوقات کار15اپریل2024ء تک نافذ العمل رہیں گے،سی ای او ایجوکیشن ننکانہ صاحب احسن فرید کی طرف سے نوٹیفکیشن جاری کردیا گیا،جسکے مطابق بوائز سکول صبح 8.30بجے کھلیں گے اور2.30بجے بند ہوں گے،گرلز سکول 8.15بجے کھلیں گے اور2.15بجے بند ہوں گے،جمعہ کے روز بوائز سکول 12.00 بجے اور گرلز سکول 11.45بجے بند ہوں گے،ڈبل شفٹ والے سکول پہلی شفٹ کیلئے 8.00بجے کھلیں گے اور 12.30 بجے بند ہوں گے،دوسری شفٹ کیلئے 1.00بجے کھلیں گے اور5.30بجے بند ہوں گے،جمعہ کے روز پہلی شفٹ8.00بجے سے 12.00 بجے تک ہوگی،دوسری شفٹ2.30بجے سے 5.30بجے تک ہو گی۔
سیمی فائنل میں ہار پرسابق جنوبی افریقی بیٹسمین کا کوچ اور کپتان پرشدید تنقید
انگلینڈ کے کلب کی پاکستانی اسٹریٹ چائلڈ ٹیم کومعاہدے کی پیش کش
میرپور خاص سول اسپتال میں گائینی آپریشن کی بندش، مریض مشکلات کا شکار
میرپورخاص ایکشن کمیٹی کا واپڈا کے خلاف احتجاج کی دھمکی
میر پور خاص کے محکمہ آب پاشی کے ملازمین کا ایکسین کے خلاف احتجاج
پاکستان میں صحت کے میدان میں ہنگامی اقدامات کی ضرورت ہے: وائس چیئر مین ہلال احمر
تازہ ترین خبریں
- April 23, 2026
- April 22, 2026
- April 22, 2026
اشتہار
تازہ ترین
فیفا ورلڈ کپ2026 کوالیفائر، کمبوڈین فٹبال ٹیم پاکستان پہنچ گئی
لاہور(پی پی آ ئی) فیفا ورلڈ کپ2026 کوالیفائر کھیلنے کے لئے کمبوڈین فٹبال ٹیم پاکستان پہنچ گئی۔فیفا ورلڈ کپ2026 کوالیفائر میں شمولیت کے لئے کمبوڈیہ کی فٹبال ٹیم پاکستان پہنچ گئی، کمبوڈین ٹیم براستہ بنکاک، وفاقی دارالحکومت اسلام آباد پہنچی ہے۔ واضح رہے کہ پاکستان اور کمبوڈیا کے مابین ہوم لیگ 17 اکتوبر کو اسلام آباد میں شیڈول ہے۔
انتظامیہ کا ن لیگ کو مینار پاکستان پر جلسے کی اجازت دینے کا فیصلہ
لاہور)پی پی آ ئی) ضلعی انتظامیہ نے 21 اکتوبر کو نواز شریف کی آمد پر مسلم لیگ ن کو مینار پاکستان پر جلسے کی اجازت دینے کا فیصلہ کیا ہے۔ضلعی انتظامیہ کا کہنا ہے کہ مسلم لیگ ن کو مینار پاکستان پر جلسہ کرنے کی اجازت دی جا سکتی ہے، ڈسٹرکٹ انٹیلی جنس کمیٹی کا اجلاس آئندہ دو روز میں ہوگا، مسلم لیگ ن کو مینار پاکستان گراؤنڈ میں جلسہ کرنے کی اجازت شرائط کیساتھ دی جائے گی۔دوسری جانب پی ٹی آئی کو جلسے کی اجازت کے حوالے سے انتظامیہ کا مؤقف ہے کہ تحریک انصاف کی درخواست کا بغور جائزہ لیا لیکن جلسے کی اجازت ملنا مشکل ہے۔انتظامیہ کا کہنا ہے کہ تحریک انصاف جہاں جلسہ کرنا چاہتی ہے وہاں جلسے کی اجازت دینا ممکن نہیں، تحریک انصاف اگر بڑے گراؤنڈ میں جلسہ کرنا چاہتی ہے تو پھر غور کیا جا سکتا ہے۔
فلسطین کو ہر طرح کی امداد فراہم کرنے کیلئے تیار ہیں، نگران وزیر خارجہ
اسلام آباد)پی پی آ ئی)نگران وزیر خارجہ جلیل عباس جیلانی نے کہا ہے کہ اسرائیلی حملوں کی شدید مذمت کرتے ہیں، فلسطین کو ہر طرح کی امداد فراہم کرنے کیلئے تیار ہیں۔پریس کانفرنس کرتے ہوئے نگران وزیر خارجہ جلیل عباس جیلانی نے کہا کہ شہری آبادی پر حملوں اور غزہ کے محاصرے کی پر زور مذمت کرتے ہیں، اسرائیل فلسطین بارے اقوام متحدہ کی قراردادوں کا احترام کرے، اسرائیل 6 دہائیوں سے زائد عرصے سے فلسطین میں مظالم ڈھا رہا ہے۔انہوں نے کہا کہ پاکستان ہمیشہ سے مسئلہ فلسطین پر واضح مؤقف رکھتا ہے، اسرائیلی حملوں میں معصوم فلسطینی خواتین اور بچے مارے جا رہے ہیں، پاکستان 1967ء سے قبل کی سرحدیں، القدس الشریف دارالحکومت کے ساتھ آزاد فلسطینی ریاست چاہتا ہے۔نگران وزیر خارجہ نے کہا کہ غزہ میں فلسطینی بجلی، پانی، خوراک جیسی بنیادی ضروریات سے محروم ہیں، او آئی سی کا خصوصی اجلاس 18 اکتوبر کو جدہ میں ہوگا۔ان کا کہنا تھا کہ نگران وزیراعظم چینی صدر کی دعوت پر چین کا دورہ کر رہے ہیں، وہ چینی قیادت سے ملاقات کریں گے جس میں باہمی دلچسپی کے امور پر تبادلہ خیال ہوگا۔جلیل عباس جیلانی نے کہا کہ نگران وزیراعظم کے دورہ چین کے دوران باہمی تعاون کے اہم منصوبوں پر دستخط ہوں گے، سی پیک سے خطے کے دیگر ملکوں کو بھی فائدہ ہوگا، دورہ چین سے پاکستان کے معاشی حالات بہتر کرنے میں بھی مدد ملے گی۔انہوں نے مزید کہا کہ پاکستان اور افغانستان میں تعلقات کی خرابی کی خبروں کی تردید کرتا ہوں۔
تلاش کریں
خبریں
سیمی فائنل میں ہار پرسابق جنوبی افریقی بیٹسمین کا کوچ اور کپتان پرشدید تنقید
(April 8, 2014)
جوہانسبرگ: سابق جنوبی افریقی بیٹسمین ڈیرل کولینن نے ٹی ٹوئنٹی ورلڈ کپ کے سیمی فائنل میں بھارت سے ہا ر کا ذمہ دارکوچ اور کپتان کو قرار دیا ہے جبکہ سابق کوچ کیپل ویسلز کا کہنا ہے کہ ٹیم کو مختصر فارمیٹ کے لیے الگ کوچ کی ضرورت ہے۔ سابق بیٹسمین ڈیرل کولینن نے جنوبی افریقی کوچ رسل ڈومینگو اور کپتان فیف ڈوپلیسی پر تنقید کر تے ہوئے کہا کہ کسی بھی بڑے ٹورنامنٹ کے سیمی فائنل میںبھارت سے شکست کا یہ 11واں موقع ہے ۔کولینن نے کوچ اور کپتان پر شدید تنقید کرتے ہوئے کہا کہ جنوبی افریقی کرکٹ بورڈ کو جلد احساس ہوگا کہ کپتان اور کوچ دونوں ٹیم کو آگے نہیں بڑھنے دے رہے ہیں ، جنوبی افریقا نے صرف ایک دفعہ 1998کی چمپیئنز ٹرافی جیتی تھی، کولینن نے کہا کہ ٹیم کی ہار کی اصل وجہ اے بی ڈی ولیئر کو دیر سے بیٹنگ کے لیے بھیجنا اور ڈیل اسٹین کو وقت پر بولنگ نہ دینا تھی۔دوسری جانب جنوبی افریقا کے سابق کوچ کیپل ویسلز کا کہنا ہے کہ ٹیم کو مختصر فارمیٹ کے لیے الگ کوچ کی ضرورت ہے ۔ انھوں نے کہا ہے کہ کرسٹل کی تیکنیک ناکام ہو گئیں اور مستقبل کے لیے ایک نئے کوچ کی ضرورت ہے ،سیمی فائنل کے دوران جس طرح ٹیم کو چلا یا جا رہا تھا اس سے واضح ہے کہ اس کے اثرات کھلاڑیو ں پر نہیں پڑ رہے تھے۔
انگلینڈ کے کلب کی پاکستانی اسٹریٹ چائلڈ ٹیم کومعاہدے کی پیش کش
(April 8, 2014)
کراچی: انگلینڈ کے مسلم فٹ بال کلب نے اسٹریٹ چائلڈ فٹ بال ورلڈ کپ میں تیسری پوزیشن حاصل کرنے والے پاکستانی ٹیم کے چار کھلاڑیوں کو معاہدے کی پیشکش کردی۔برازیل کے شہر ریو ڈی جنیرو میں اسٹریٹ چلڈرن فٹبال ورلڈ کپ میں پاکستان کا پرچم سر بلند کرنے والے چار کھلایوڑں کپتان سمیر، اورنگزیب، رازق اور شعیب اور کوچ راشد کو لندن کے مسلم کلب نے معاہدے کی پیشکش کی ہے۔
میرپور خاص سول اسپتال میں گائینی آپریشن کی بندش، مریض مشکلات کا شکار
(April 8, 2014)
میر پور خاص: سول اسپتال میر پور خاص میں پچھلے ایک ہفتے سے گائینی کے چھوٹے بڑے آپریشن نہ ہونے کی وجہ وے مریض مشکلات کا شکار ہیں۔ ڈویثرنل ہیڈ کوارٹر میرپورخاص کے سول اسپتال میں گائنا کا لوجسٹ کی پوسٹ خالی ہونے سے خواتین مریضوں کو علاج کیلئے سخت پریشانی کا سامنا ہے جبکہ پچھلے ایک ہفتے سے گا ئنی کے تمام آپریشن بند کر دیئے گئے ہیں،آپریشن کی بندش کی وجہ اسپتال میںتعینات لیڈی ڈاکٹروںکی آپریشن کرنے کیلئے تیار نہیں ہونا بتائی جا رہی ہے ۔واضح رہے کہ اسپتال میں یومیہ سات سے آٹھ گائنی کے آپریشن کئے جاتے تھے ۔ذرائع کے مطابق پرائیوٹ اسپتال میں زیادہ تر سول اسپتال کی لیڈی ڈاکٹر ہی گائنی کے کیس کر رہی ہیں ،سول سرجن کی بے انتظامی کے باعث اسپتال کا پورا نظام درہم برہم ہو گیا ہے۔
میرپورخاص ایکشن کمیٹی کا واپڈا کے خلاف احتجاج کی دھمکی
(April 8, 2014)
میر پور خاص: میرپور خاص ایکشن کمیٹی کی جانب سے واپڈا و لوڈ شیڈنگ کا نظام درست کر نے کے لیے 24گھنٹے کا الٹی میٹم دے دیا۔میرپورخاص ایکشن کمیٹی کے چیئر مین اظہر عباس نے اپنے ایک بیان میں کہا کہ واپڈانے 24 گھنٹے میں ظالمانہ لوڈ شیڈنگ کا خاتمہ نہ کیا تو ضلع بھر میں واپڈا کے خلاف احتجاجی مہم کا آ غاز کر دیا جائے گا ۔
میر پور خاص کے محکمہ آب پاشی کے ملازمین کا ایکسین کے خلاف احتجاج
(April 8, 2014)
میرپور خاص: میر پورخاص کے محکمہ آبپاشی کے ملازمین نے ایکسین جمڑاﺅ ڈویژن کے خلاف پریس کلب کے سامنے علامتی بھوک ہڑتالی کیمپ گاڑ دیا ۔ایریگیشن فیلڈ لیبر یونین کی جانب سے ایکسین جمڑاﺅ ڈویثرن کے خلاف پریس کلب کے سامنے علامتی بھوک ہڑتال اور احتجاج کیا گیا ،مظاہرین کو خطاب کرتے ہوئے پیپلز لیبر بیورو کے ضلعی صدر جاوید بلوچ نے کہا کہ ایکسین جمڑاﺅ من پسند ریٹائرڈ دروغو کو دو جگہ تعینات کر کے کمائی کا ذریعہ بنا لیا ہے اور ریٹائرڈ دروغو کو ٹھیکے دے کر قومی دولت کو دونوں ہاتھوں سے لوٹا جا رہا ہے ،انھوں نے کہا کہ مذکورہ ایکسین نے60 ملازمین کو برطرف کر کے ان کی جگہ من پسند افراد کو ملازمتیں فروخت کر دی ہیں ،انھوں نے مطالبہ کیا کہ بر طرف ملازمین کو فوری بحال کیا جائے اور ایکسین جمڑاﺅ ڈویثرن کو فوری تبدیل کیا جائے ورنہ احتجاج کا دائرہ وسیع کیا جائے گا ۔
پاکستان میں صحت کے میدان میں ہنگامی اقدامات کی ضرورت ہے: وائس چیئر مین ہلال احمر
(April 8, 2014)
میرپورخاص: پاکستان میں صحت کی صورت حال تشویشناک حد تک خراب ہے ، جیسے بہتر کرنے کیلئے ہنگاہی نوعیت کے اقدامات کی ضرورت ہے ان خیالات کااظہار انجمن ہلال احمر سندھ کے وائس چیئر مین رئیس احمد خان نے میرپورخاص یوتھ ڈیولپمنٹ ایکٹیوسٹ کے زیر اہتمام عالمی یوم صحت کے حوالے سے منعقدہ تقریب سے خطاب کرتے ہوئے کیا،انھوں نے کہا کہ ملک وقوم کو درپیش مسائل اور مشکلات پر قابو پانے کے لیے صحت مند معاشرے اور ماحول کا کردار اہم ہے ،جس کے لئے صحت کے شعبے کو جدید خطوط پر استوار کرنے کے ساتھ ساتھ اس میں سرمایہ کاری اور بجٹ میں اضافے جیسے اقدامات وقت کی اہم ضرورت ہے ،تاکہ شہری اور دیہی سطح پر یکساں طور پر لوگوں کو صحت کی سہولتیں پہچائی جاسکیں ،انھوں نے مزید کہا کہ پاکستان میں سماجی اداروں کے تحت صحت عامہ کی صورت حال تسلی بخش بنانے کے لیے کام ہو رہا ہے ،اس موقع پر روٹری کلب مینگو سٹی میرپورخاص کے صدر غضنفر علی خان ،مس نباہت عاقلین ،ربیعہ خالد اور دیگر مقررین نے خطاب کیا۔