اسلام آباد (پی پی آئی)وفاقی حکومت نے سرکاری ملازمین کی ای میلز ہیک ہونے کے خدشے کے پیش نظر تمام متعلقہ وزارتوں اور محکموں کو الرٹ جاری کردیا۔ ہیکرز کی طرف سے سرکاری ملازمین کی ای میلز ہیک کیے جانے کا خدشہ ظاہر کیا گیا ہے، جس کے باعث وفاقی حکومت نے تمام سرکاری ملازمین کو ای میل کمیونیکیشن محفوظ بنانے کی ہدایت کی ہے،پی پی آئی کے مطابق اس سلسلے میں وفاقی حکومت نے تمام متعلقہ وزارتوں اور محکموں کو مراسلہ ارسال کر دیا۔وفاقی حکومت کی جانب سے جاری کردہ مراسلہ میں کہا گیا ہے کہ مخصوص سول اور ملٹری حکام کو ای میلز، فشنگ ٹیکنیکس کے ذریعے نشانہ بنایا جاسکتا ہے، مذکورہ ای میلز عہدے اور نام کے ساتھ اصلی کی طرح تشکیل دے کر بھجوائی جاتی ہیں، نتیجے کے طور پر ای میل موصول کرنے والا ٹریپ ہوجاتا ہے۔معلوم ہوا ہے کہ مراسلہ میں آفیشل ای میلز کو محفوظ بنانے کی تجاویز بھی دیتے ہوئے وفاقی حکومت کا کہنا ہے کہ کمزور پاس ورڈز استعمال نہ کریں، پاس ورڈ تبدیل کرتے رہیں، غیر متعلقہ افراد کو ای میل آئی ڈی دینے سے گریز کیا جائے، آفیشل ای میلز کیلئے ذاتی اکاؤنٹ استعمال نہ کیا جائے۔وفاقی حکومت نے مراسلہ میں احتیاطی تدابیر کے طور پر یہ بھی کہا ہے کہ موبائل فونز پر آفیشل ای میلز کا استعمال نہ کریں، ایسی ای میلز جن کے ساتھ کوئی لنک کا مواد منسلک ہوں انہیں کھولنے سے گریز کیا جائے، مشکوک ای میلز کا جواب یا کسی لنک پر کلک نہ کریں اور لائسنس یافتہ اینٹی وائرس کا استعمال کرکے آفیشل ای میلز کو محفوظ بنایا جا سکتا ہے۔
انڈر 19ایشیا کپ : روایتی حریف پاکستان اور بھارت آج آمنے سامنے ہونگے
فارمولا ون کے عالمی چیمپئن مائیکل شوماکر اسکیئنگ کے دوران شدید زخمی
پاکستان بیڈمنٹن فیڈریشن کو 6ماہ میں الیکشن کرانے کی ہدایت
ورلڈ ٹینس : عالمی نمبر ایک نڈال کو سیمی فائنل میں اپ سیٹ شکست
سال 2013 میں پاکستان کی کھیلوں میں کارکردگی ملی جلی رہی:رپورٹ
پہلے ٹیسٹ میں فتح کے عزم کے ساتھ میدان میں اتریں گے : مصباح
تازہ ترین خبریں
- April 22, 2026
اشتہار
تازہ ترین
پاکستانی جیلوں میں نائجیرین، انڈین، بنگلہ دیشی، برطانوی، ایرانی، ماریشس اور چینی شہری مقید
ا اسلام آباد (پی پی آئی)آبادی کے لحاظ سے پاکستان کے سب سے بڑے صوبہ پنجاب کی جیلوں میں غیرملکی قیدیوں کی تعداد 150 کے قریب پہنچ گئی ہے۔محکمہ جیل خانہ جات کے اعدادوشمار میں یہ بات سامنے آئی ہے کہ ان قیدیوں میں سے کئی ایسے ہیں جن کی سزائیں پوری ہو چکی ہیں لیکن اس کے باوجود وہ رہا نہیں ہو سکے۔ اعدادوشمار کے مطابق ان جیلوں میں سب سے زیادہ افغان شہری قید ہیں جن کی تعداد 92 ہے۔ ان کے علاوہ نائجیرین، انڈین، بنگلہ دیشی، برطانوی، ایرانی، ماریشس اور چینی شہری بھی قیدیوں میں شامل ہیں۔ حکام کے مطابق ’ان غیرملکیوں میں کم سے کم 38 قیدی ایسے ہیں جو اپنی سزائیں پوری کر چکے ہیں تاہم اس کے باوجود بھی وہ رہا نہیں ہو سکے۔‘ پاکستان نے 2021 میں ایلین ایکٹ کے نام سے ایک قانون پاس کیا تھا جس کے ذریعے غیرملکی قیدیوں کی جیلوں سے رہائی کے عمل میں آسانی پیدا کی گئی تھی۔ نئے قانون سے پہلے غیرملکی قیدیوں کو سزا پوری ہونے کے بعد صرف ایف آئی اے اور وزارت خارجہ کے ذریعے رہا کیا جاتا تھا۔تاہم اب کوئی بھی پاکستانی شہری سزا پوری کرنے والے غیرملکی قیدی کی شخصی ضمانت دے کر اسے رہا کروا سکتا ہے، لیکن تاحال اس قانون کا فائدہ ان قیدیوں تک نہیں پہنچ سکا۔
سندھ بھرمیں آشوب چشم کی وبا ایک بار پھرتیزی سے پھیلنے لگی
سکھر(پی پی آئی) سندھ بھرمیں آشوب چشم کی وبا ایک بار پھرتیزی سے پھیلنے لگی ہے۔ سرکاری و نجی ہسپتالوں میں مریضوں کی تعدادمیں اضافہ ہونے لگا ہے۔ ماہر امراض چشم ڈاکٹر شاہ نواز منعمی نے پی پی آئی کو بتایا کہ اس بیماری سے صحت یاب ہونے میں دس سے پندرہ روز لگ جاتے ہیں۔ ایسے مریضوں کو لوگوں سے ملنے میں احتیاط کرنی چاہئے کیونکہ یہ بیماری ہوا اور سانس کے ساتھ بھی پھیلتی ہے۔ مریض کا تولیہ الگ کر دینا چاہئے اور بچوں کو مریض سے دور رکھا جائے۔ پی پی آئی کے مطابق ماسک پہننے اور سینی ٹائزر کے استعمال سے بھی اس بیماری کے اثرات سے پچا جا سکتا ہے۔
نواز شریف کا سیاسی بیانیہ پر نظر ثانی سے انکار، شہباز نرم موقف پر قائل کرنے میں ناکام
پی پی آئی) لندن میں مقیم نواز شریف نے ایک مرتبہ پھر اپنے سیاسی بیانیے پر نظر ثانی سے انکار کر دیا ہے ن لیگ کے قریبی ذرائع کا سدعویٰ ہے کہ مسلم لیگ ن کی سیاسی تاریخ میں پہلی مرتبہ مصالحانہ کے بجائے جارحانہ گروپ کی جیت ہو گئی، مسلم لیگ ن کے قائد نوازشریف نے واضح کیا کہ پارٹی کڑے احتساب کا جارحانہ بیانیہ لے کر ہی انتخابی میدان میں اترے گی۔نواز شریف نے کہا کہ بات میری ذات کی ہوتی تو اور بات تھی، یہاں بات ملک اور ملک میں بسنے والے کروڑوں شہریوں کی ہے، ملک کے خلاف سازش میں جنہوں نے حصہ ڈالا سب کو بے نقاب کرنا چاہیے۔انہوں نے کہا کہ موجودہ معاشی صورتحال کے ذمہ دار وہی عناصر ہیں جنہوں نے 2017 میں ملکی ترقی کیخلاف سازش کی، سازشی عناصر کو ہر صورت میں قانون کے کٹہرے میں لانا ہو گا۔مسلم لیگ ن کے ذرائع کے مطابق نواز شریف کے موقف کی لندن میں موجود لیگی رہنماؤں نے بھی کھل کر حمایت کی، مریم نواز نے بھی نواز شریف کے موقف کا ساتھ دیا۔ شہباز شریف اپنے بھائی کو نرم موقف اختیار کرنے پر قائل نہ کر سکے۔
تلاش کریں
خبریں
انڈر 19ایشیا کپ : روایتی حریف پاکستان اور بھارت آج آمنے سامنے ہونگے
دبئی: انڈر19 ایشیا کپ میں آج (منگل )روایتی حریف پاکستان اور بھارت مدمقابل ہوں گے۔متحدہ عرب امارات میں جاری انڈر نائنٹین کرکٹ ٹیموں کا ایشیا کپ جاری ہے،گروپ اے کی ٹیمیں پاکستان اور بھارت کی انڈر نائنٹین ٹیمیں آج میدان میں اتریں گی۔ گروپ مرحلے میں ابھی تک کے پوائنٹ ٹیبل پر بھارت سرفہرست ہے جبکہ روایتی حریف پاکستان کا دوسرا نمبر ہے ، جونیئر ٹیموں کے ایشیا کپ کا ٹائٹل مقابلہ چار جنوری کو شارجہ میں کھیلا جائے گا۔
فارمولا ون کے عالمی چیمپئن مائیکل شوماکر اسکیئنگ کے دوران شدید زخمی
پیرس: فارمولا ون کے سابق عالمی چیمپئن جرمن ڈرائیور مائیکل شوماکر اسکیئنگ کرتے ہوئے زخمی ہو کر اسپتال پہنچ گئے۔ اسکیئنگ کرتے سات بار کے سابق عالمی چیمپئن ایف ون ڈرائیور مائیکل شوماکر زخمی ہو گئے۔ دنیا بھر کے تیز ترین ٹریکس پر فارمولا ون کاروں میں اپنی صلاحتیں اور مہارتیں دکھانے والے کھلاڑی اسکیئنگ میں اناڑی ثابت ہوئے زخمی مائیکل شوماکر کو ابتدائی امداد دینے کے بعد اسپتال منتقل کر دیا گیا۔ مقامی انتظامیہ کا کہنا ہے کہ حادثے کی تحقیقات کر رہے ہیں
پاکستان بیڈمنٹن فیڈریشن کو 6ماہ میں الیکشن کرانے کی ہدایت
لاہور: بیڈمنٹن ورلڈ فیڈریشن نے پاکستان بیڈمنٹن فیڈریشن کو آئینی باڈی قرار دیتے ہوئے چھے ماہ کے اندر الیکشن کرانے کی ہدایت کر دی۔ پاکستان بیڈمنٹن فیڈریشن کا ایگزیکٹو باڈی اور جنرل کونسل کا اجلاس لاہور میں ہوا۔ فیڈریشن کے صدر میاں افتخار کا کہنا تھا کہ بیڈمنٹن ورلڈ فیڈریشن کی جانب سے پاکستان بیڈمنٹن فیڈریشن کو آئینی باڈی تسلیم کرنے کے فیصلے کو سراہتے ہیں۔ بیڈمنٹن کی بہتری کے لیے ہر ممکن قدم اٹھائیں گے۔ اس حوالے سے ایگزیکٹو باڈی میں خواتین کی نمائندگی سے بہتری کی جانب سفر کا آغاز کر دیا ہے۔ 28 سے 31 جنوری کو راولپنڈی میں رینکنگ بیڈمنٹن چمپئین شپ کا انعقاد کریں گے جبکہ مارچ میں نیشنل بیڈمنٹن چمپئین شپ کا انعقاد کیا جائے گا۔
ورلڈ ٹینس : عالمی نمبر ایک نڈال کو سیمی فائنل میں اپ سیٹ شکست
ابوظہبی: عالمی نمبر ایک اسپینش سٹار رافیل نڈال کو ورلڈ ٹینس چیمپئن شپ کے سیمی فائنل میں ہم وطن حریف ڈیوڈ فیریر سے اپ سیٹ شکست ہوگئی۔ فائنل میں فیریر کا مقابلہ نوواک جوکووچ سے ہوگا۔ ابوظہبی میں جاری ٹینس چیمپئن شپ کے سیمی فائنل میں ٹاپ سیڈ رافیل نڈال کو ڈیوڈ فیریر سے شکست کا سامنا ہوا۔ اسپین کے ڈیوڈ فیریر نے ہم وطن حریف رافیل نڈال کو سٹریٹ سیٹس میں چھ چار اور چھ چار سے زیر کر کے فائنل میں جگہ پکی کی۔ دوسرے سیمی فائنل میں سربین سٹار نوواک جوکووچ نے دفاعی چیمپئن فرانس کے جو ویلفریڈ سونگا کو سخت مقابلے کے بعد شکست دی۔ ورلڈ نمبر ٹو نوواک جوکووچ کی فتح کا اسکور سات چھ اور چھ تین رہا۔
سال 2013 میں پاکستان کی کھیلوں میں کارکردگی ملی جلی رہی:رپورٹ
کراچی: سال2013 میں پاکستان کی ون ڈے کرکٹ میں کارکردگی شاندار رہی، گرین شرٹس نے جنوبی افریقہ کیخلاف پہلی بار ون ڈے سیریز جیتی۔ ٹیسٹ میں زمبابوے کی کمزور ٹیم کے خلاف شکست ہوئی۔ قومی ہاکی ٹیم تاریخ میں پہلی بار ورلڈ کپ سے ہی باہر ہو گئی۔ اسنوکر میں پاکستان نے ورلڈ ٹیم اور سکس ریڈ بال چیمپئین شپ جیتی۔ دو ہزار تیرہ ٹیسٹ کرکٹ میں پاکستان کیلئے مشکل سال ثابت ہوا۔ قومی ٹیم نے تین ٹیسٹ سیریزکھیلیں، ایک میں شکست ہوئی جبکہ دو برابر رہیں۔ جوہانسبرگ ٹیسٹ میں قومی ٹیم اپنی تاریخ کے کم ترین اسکور 49 رنز پر آﺅٹ ہوئی۔ زمبابوے نے پاکستان کو دوسرے ٹیسٹ میں چوبیس رنز سے شکست دے کراپ سیٹ کیا۔ ون ڈے میں پاکستان کی کارکردگی شاندار رہی۔ گرین شرٹس نے مصباح الحق کی قیادت میں نو ون ڈے سیریزکھیلیں جس میں سے آٹھ میں فتح حاصل کی۔ جنوبی افریقہ کو اس کی سرزمین پر پہلی بار شکست دی۔ پاکستان نے اس سال سب سے زیادہ آٹھ ٹی ٹوئنٹی میچز میں کامیابی حاصل کی۔ ون ڈے میں انفرادی کارکردگی کے لحاظ سے مصباح الحق اور محمد حفیظ قابل ذکر رہے۔ مصباح نے کیلنڈر ائیر میں1373 رنز اسکورکرنے کے علاوہ سب سے زیادہ نصف سنچریوں کا ریکارڈ بھی بنا ڈالا۔ سعید اجمل اس سال ون ڈے میں سب سے زیادہ وکٹیں حاصل کرنے والے بالرر ہے۔ انہوں نے ون ڈے، ٹیسٹ اور ٹی ٹوئنٹی میں وکٹوں کی سنچری بھی مکمل کی۔ ہاکی میں پاکستان ٹیم بدترین کارکردگی کا مظاہرہ کرتے ہوئے تاریخ میں پہلی بار ورلڈ کپ کیلئے کوالیفائی نہ کرسکی۔ پاکستان جونیئر ٹیم نے ورلڈ کپ میں نویں پوزیشن حاصل کی۔ اسنوکر میں محمد آصف اور محمد سجاد نے پاکستان کیلئے ورلڈ ٹیم چیمپئین شپ اور سکس ریڈ چیمپئین شپ جیتی لیکن آصف ورلڈ چیمپئین شپ میں اپنے اعزاز کا دفاع نہ کرسکے۔ کبڈی میں پاکستان نے بھارت میں کھیلے گئے ورلڈ کپ میں دوسری پوزیشن حاصل کی۔ فائنل میں اسے بھارت کے ہاتھوں شکست ہوئی۔ پاکستان نے پہلی بار ورلڈ یوتھ اسکریبل چیمپئین شپ جیتی۔ دبئی میں ہونے والی چیمپئین شپ میں سولہ ممالک کے ایک سو چھتیس پلئیرز میں پاکستان کے معیذاللہ بیگ نے پہلی اور جویریہ مرزا نے دوسری پوزیشن حاصل کی۔ دو ہزار تیرہ میں کرکٹ، ہاکی اور دیگرکھیلوں کو تنازعات کا سامنا بھی رہا۔ اسلام آباد ہائی کورٹ نے چئیرمین پی سی بی ذکاءاشرف کے انتخاب کوکالعدم قرار دیا۔ حکومت نے نجم سیٹھی کو قائم مقام چیئرمین مقررکیا لیکن ان کی تقرری بھی چیلنج کردی گئی۔ پاکستان ہاکی فیڈریشن کے انتخابات کو سابق اولمپئینز کی بڑی تعداد نے غیرمنصفانہ قرار دیتے ہوئے مستردکردیا۔ قاسم ضیاءکی جگہ اختر رسول فیڈریشن کے نئے صدر بن گئے۔
پہلے ٹیسٹ میں فتح کے عزم کے ساتھ میدان میں اتریں گے : مصباح
ابو ظہبی : پاکستانی ٹیم نے سری لنکا کو ون ڈے سیریز میں ہرانے کے بعد ٹیسٹ سیریز میں بھی زیر کرنے کے لیے کمر کس لی ،کپتان مصباح الحق نے پہلا ٹیسٹ بھی جیتنے کے عزم کا اظہار کر دیا۔ابوظہبی میں قومی ٹیم ٹیسٹ سیریز سے قبل مختصر ٹریننگ کیمپ میں حصہ لے گی،کھلاڑی کوچ ڈیو واٹمور کی زیر نگرانی بیٹنگ ، بولنگ اور فیلڈنگ میں موجود خامیوں کو دور کریں گے۔ ناقص پرفارمنس کی وجہ سے جنوبی افریقہ کے خلاف ٹیسٹ سیریز سے ڈراپ ہونے والے آل راونڈر محمد حفیظ نے ون ڈے سیریز میں شاندار تین سنچریاں جڑ کر ناقدین کے منہ تو بند کیے ہی تھے،اب انہیں ٹیسٹ ٹیم کا حصہ بھی بنایا گیا ہے۔قومی ٹیم کے کپتان مصباح الحق کا کہنا ہے کہ محمد حفیظ ٹیسٹ سیریز میں بھی کار آمد ثابت ہونگے۔انہوں نے کہا کہ ایک روزہ میچوں کی سیریز جیتنے کے بعد ٹیم کا مورال بلند ہے،کھلاڑی سیریز کے پہلے میچ میں فتح کے عزم کے ساتھ میدان میں اتریں گے۔کپتان کے مطابق ٹیم نئے سال کا جشن فتح کے ساتھ منانے کی خواہش مند ہے۔دوسری جانب آئی لینڈرز بھی ون ڈے سیریز میں ناکامی کو بھلا کر ٹیسٹ میں کامیابی کے لیے پرامید ہیں۔پاکستان اور سری لنکا کے درمیان تین ٹیسٹ میچوں کی سیریز کا پہلا میچ اکتیس دسمبر سے ابوظہبی میں شروع ہو گا۔