کراچی (پی پی آئی)مہاجر اتحاد تحریک اور مہاجر صوبہ ہماری منزل تحریک کے بانی و چیئرمین ڈاکٹر سلیم حیدر نے کہا ہے کہ کچے کے ڈاکو اس وقت تک گرفتار نہیں کئے جاسکتے جب تک ان کے سرپرست شہروں میں آباد پکے کے ڈاکوؤں کو گرفتار نہیں کیا جاتا۔ کراچی اور حیدرآباد کو مکمل طور پر ڈاکوؤں کے رحم وکرم پر چھوڑ دیا گیا ہے، وردی اور بغیر وردی کے ڈاکو سارا دن شہروں کو لوٹ رہے ہیں، تاجروں اور عام شہریوں کو ڈاکوؤں نے یرغمال بنایا ہوا ہے۔ پی پی آئی کے مطابق انہوں نے کہاکہ پیپلزپارٹی کے کئی قومی و صوبائی ارکان اسمبلی ڈاکوؤں کی سرپرستی میں ملوث ہیں جبکہ اکثر و بیشتر پیپلز پارٹی پر علیحدگی پسند، سندھو دیش کی حمایت اور کچے میں آباد ڈاکوؤں اور اغوا برائے تاوان کی سرپرستی کرنے اور ان کو اپنے مفادات کیلئے استعمال کرنے کے الزامات لگتے رہے ہیں۔ ڈاکٹر سلیم حیدر نے نگراں حکومت اور خاص طور پر مختلف اداروں سے تعلق رکھنے والے پالیسی سازوں سے دردمندانہ اپیل کی کہ وہ اس گھمبیر صورتحال سے کراچی اور حیدرآباد کے بے بس و مظلوم عوام کو نجات دلائیں۔ ڈاکٹر سلیم حیدر نے کہا کہ کراچی اور حیدرآباد میں قتل، ڈکیتی و لوٹ مار کرنے والے ڈاکو اب اس حد تک بے لگام ہوچکے ہیں کہ راہ چلتی خواتین اور بچے بھی ان سے محفوظ نہیں ہیں۔ انہوں نے کہا کہ اب تو یہ صورت حال ہے کہ گلیوں، محلوں اور گھروں میں گھس کر کھلے عام وارداتیں کی جارہی ہیں اور عوام کا کوئی پرسان حال نہیں ہے۔ ڈاکٹر سلیم حیدر نے کہا کہ مہاجر قوم پہلے ہی معاشی بدحالی کا شکار ہے اوپر سے کراچی اور حیدرآباد میں وردی اور بغیر وردی کے ڈاکوؤں نے ان کا جینا دو بھر کیا ہوا ہے۔ مہاجر اتحاد تحریک اور مہاجر صوبہ ہماری منزل تحریک کے بانی و چیئرمین نے کہا افسوس کا مقام ہے کہ کراچی، حیدرآباد کی پولیس اور انتظامیہ میں ایک بھی مقامی افسر نہیں سب دیہی علاقوں سے لاکر یہاں لگائے گئے ہیں جو دھڑلے سے جرائم پیشہ افراد اور ڈاکوؤں کی سرپرستی کر رہے ہیں، ان سے جواب طلبی اور باز پرس کرنے والا بھی کوئی نہیں ہے۔ ڈاکٹر سلیم حیدر نے کہا کہ کراچی اور حیدرآباد کے ٹیکس پر پورا ملک مستفید ہوتا ہے اگر یہاں کے تاجروں اور شہریوں کو تحفظ فراہم نہیں کیا جاتا تو پھر یہ تاجر اور شہری ٹیکس نہ دینے کا اپنا حق استعمال کرنے پر مجبور ہوجائیں گے۔
سری لنکا کے نئے کوچ کو سابق کوچ کے منصوبوں پر عمل پیرا ہو نا ہو گا : ممبر کوچ تلاش کمیٹی سنتھ جے سوریا
سکھر: پاک نیوی میں بھرتی کے لیے 31اکتوبرکو آخری تاریخ مقرر
سندھ حکومت کی لا پر وائی سے حیدر آباد گندگی اور مسائل کا گڑھ بن گیا ہے : حق پرست اراکین اسمبلی
سندھ حکومت صوبے میں اصلاحات کے بجائے لوگوں میں نفرتیں پیدا کر رہی ہے : نادر اکمل لغاری
صنعت کاروں کی آلائش ٹھکانے لگائے جانے کے باوجودچونے کا اسپرے نہ ہونے پر تشویش
مہران یونیورسٹی آف انجینئرنگ اینڈ ٹیکنالوجی جام شورو کا داخلہ ٹیسٹ 27اکتوبر کو ہو گا
تازہ ترین خبریں
اشتہار
تازہ ترین
انسداد پولیو کی قومی مہم2 اکتوبر سے شروع ہو گی،تیاریاں جاری
حیدرآباد(پی پی آئی) انسداد پولیو کی قومی مہم2 اکتوبر سے 8 اکتوبر 2023 تک چلائی جائے گی تاکہ مستقبل کے معماروں کو ہمیشہ کی معذوری سے بچایا جا سکے،اس سلسلہ میں ایک اجلاس کمشنر حیدر آباد خالد حیدر شاہ کی زیر صدارت منعقد ہوا جسمیں گزشتہ پولیو مہم کی کارکردگی کا جائزہ لیا گیا۔اس موقع پر متعلقہ افسران کو ہدایت کی گئی کہ آئندہ پولیو مہم کے دوران سو فیصد نتائج حاصل کرنے کیلئے اپنا بھر پور کردار ادا کریں یہ ہدایت بھی دی گئی کہ انسداد پولیو مہم کے دوران کم کارکردگی والی یو سیز کی کارکردگی کو مزید بہتر بنایا جائے- اور پولیو کے قطرے نہ پلوانے والے والدین کو بھی آمادہ کریں تاکہ تمام بچے پولیوجیسے موذی مرض سے محفوظ رہ سکیں –
دنیا بھر میں مقیم جونا گڑھ کے باشندوں نے”یوم الحاق پاکستان” منایا
ستمبر15 کی تاریخ ہمیں ریاست جونا گڑھ کی پاکستان سے الحاق کی یاد دلاتی ہے۔ ریاست جونا گڑھ کے نائب دیوان معین خان نے پی پی آئی کو بتایا کہ15 ستمبر 1947کو محسن پاکستان نواب جونا گڑھ مہابت خانجی اور بانی پاکستان قائم اعظم محمد علی جناح کے درمیان الحاق کا معاہدہ ہوا۔ جس کو انسٹرومنٹس آف ایکسیشن کہتے ہیں۔ جس کے تحت نواب صاحب نے اپنی ریاست کا الحاق جس کا شمار ہندوستان کی عظیم اور امیر ترین ریاستوں میں ہوتا تھا۔ اسلام اور پاکستان کی محبت کی خاطر پاکستان کے ساتھ کر دیا لیکن9نومبر 1947 کو ہندوستان کی فوج نے اس ریاست پر حملہ کر کے کشمیر کی طرح غاصبا نہ قبضہ کر لیا۔ اس وقت کے وزیر خارجہ سر ظفر اللہ خاں نے یو این او میں ریاست کشمیر کے ساتھ ریاست جونا گڑھ کا معاملہ اٹھایا جو آج تک سکیورٹی کونسل کے سردخانوں میں ہے۔محسن پاکستان نواب مہابت خانجی کے اس تاریخ ساز فیصلے نے پاکستان کی معیشت کو سہارا دیا اور ریاست جونا گڑھ کی تاجر برادری نے نواب صاحب کے اس فیصلے پر لبیک کرتے ہوئے پاکستان ہجرت کی جبکہ سردار ولب بھا ئی پٹیل نے جس کا تعلق خود گجرات سے تھا ان کو روکنا چاہاتا کہ پاکستان کی معیشت اپنے پاؤں پر کھڑی نہ ہو سکے۔جونا گڑھ کی تاجربرادری نے پاکستان کی نوزائیدہ معیشت کو سنبھالا جس میں آدم جی، دادا فیملی، داؤ داور رنگوں والا خاندان سرفہرست ہیں۔پٹنی برادری کے محمد انور پٹنی کا کہنا ہے کہ ہم حکومت پاکستان کے شکر گزار ہیں جس نے ریاست جونا گڑھ کو اپنے سیاسی نقشے میں شامل کر لیا اور ہمقابل فخر مسلح افواج کا شکر یہ ادا کرتے ہیں جنہوں نے ہمیشہ ہمیں سپورٹ کیا۔ جونا گڑھ کی نوجوان نسل اپنے نئے نواب علی مرتضی خانجی کی قیادت میں مسلح افواج کے ساتھ ہے اور کشمیر اور جونا گڑھ کیلئے کسی بھی قربانی سے دریغ نہیں کرے گی۔
کہاں ہے امن و امان؟ قبائلی علاقہ اور صوبہ جل رہا ہے:مولانا فضل الرحمان
اسلام آباد (پی پی آئی)جمعیت علمائے اسلام کے سربراہ مولانا فضل الرحمان نے امن و امان کی صورتحال پر بات کرتے ہوئے کہا کہ قبائلی علاقہ اور صوبہ جل رہا ہے اورعوام جن سے امید لگائے بیٹھے ہیں ان کے پاس حالات سے نمٹنے کی صلاحیت نہیں۔ پی پی آئی کے مطابق مستونگ میں حافظ حمد اللہ پر ہونے والے حملے میں مولانا فضل الرحمان نے کہا کہ باجوڑ جلسے میں میرے 70 ساتھی شہید ہوئے اور مستونگ میں حافظ حمداللہ کو نشانہ بنایا گیا۔ انہوں نے کہا کہ 12 آپریشن کیے گئے، قبائل نے گھربار چھوڑے، کہاں ہے امن و امان؟ قبائلی علاقہ اور صوبہ جل رہا ہے، ہم نے کوئی فرقہ وارانہ جنگ نہیں لڑی، نہ ہی کسی کا خون بہانا کبھی بھی جائز قرار دیا۔ مولانا فضل الرحمان کا مزید کہنا تھا کہ سیاسی محاذ پر اپنی لڑائی جاری رکھیں گے، عوام نے بھی اپنی سمت ٹھیک رکھنی ہے، عوام جن سے امید لگائے بیٹھے ہیں ان کے پاس حالات سے نمٹنے کی صلاحیت نہیں، پاکستان کو منصوبہ بندی کے تحت دلدل میں دھکیلا گیا۔
تلاش کریں
خبریں
سری لنکا کے نئے کوچ کو سابق کوچ کے منصوبوں پر عمل پیرا ہو نا ہو گا : ممبر کوچ تلاش کمیٹی سنتھ جے سوریا
کولمبو: سری لنکا کرکٹ ٹیم کے سابق کپتان ، موجودہ چیئرمین سیلیکشن اورممبر کوچ تلاش کمیٹی سنتھ جے سوریا نے کہا ہے کہ سری لنکا کو ایک ایسے کوچ کی ضرورت ہے جو گراہم فورڑ کے شروع کئے گئے منصوبوں کو پایہ تکمیل تک پہنچائے نہ کہ نئے منصوبے شروع کرے۔سری لنکاکے کوچ گراہم فورڑ نے جنوری 2014میں معاہدے کی تکمیل کے ساتھ ہی مستعفی ہو نے کا اعلان کیا تھا ،سری لنکاکرکٹ بورڑ کواس سلسلے میں اب تک گیارہ درخواستیں موصول ہو چکیں ہیں لیکن بورڑ نے بہترین انتخاب کے لئے وسیع جال بچھا یا ہے ،انڈیا کرکٹ ٹیم کے سابق کوچ گریگ چیپل بھی ان افراد میں شامل تھے جنھوںنے بورڑ سے اس معاملے پر بات کی تھی لیکن چیپل چند خاندانی وجوہات کے باعث دستبر دار ہو گئے ۔جے سو ریا نے کہا کہ سری لنکا کی ٹیم سے بڑے کھلاڑیوں کی متوقع ریٹائر منٹ سے پیدا ہونے خلا کو پر کرنے کے لئے منتخب کا روں نے 2013میں نوجوان خون کو ٹیم کا حصہ بنا یا ہے ،نئے کوچ کو طویل مدتی منصوبے کوتکمیل تک پہنچانے کی ہامی بھر نی ہو گی جس کا آغاز ہم کر چکے ہیں۔ ہمیں چند نوجوان کھلاڑی ملے ہیں اب دیکھنا یہ ہے کہ اگلے چند سالوں تک کیسی کارکر دگی دکھا تے ہیں ، جے سوریا نے کہا کہ ہمیں ایک ایسے کوچ کی تلاش ہے جونوجوان کھلاڑیوںکے ساتھ سخت محنت کر سکے اور انھیں بہترین نتائج کے لئے تیار کرے اورجانتا ہو کہ ان کھلاڑیوں کوکیسے متحرک کیا جا سکتا ہے۔فورڈ نے پچھلے دو سالوں کے دوران ٹیم کے ساتھ ناقابل فراموش کام کیا ہے، انھوں نے سینئر کھلاڑیوں کو ان کی مشکلات دور کرنے کے لئے بھی مدد کی ، جے سوریا کا کہنا تھا کہ بدقسمتی سے سری لنکا کرکٹ فورڑ کو معاہدے کی تکمیل کے بعد کام جاری رکھنے کے لئے رضامند نہیں کر سکی تاہم نئے کوچ کو فورڑ کی صلاحیتوں کا حامل ہونا چاہیے ، ان کا کہنا تھا کہ گراہم فورڈ نے ٹیم کے ہر کھلاڑی کے ساتھ انفرادی طور پر محنت کی اور ہمیں اسی طرح کے کوچ کی ضرورت ہے ،انھوں نے نوجوان کھلاڑیوںپر بہت اچھا کام کیا ہے ،جے سوریا نے یہ بھی کہاکہ نئے کوچ کو سری لنکاکے تہذیب و تمدن سے بھی آگاہ ہونا چاہیے ،ہمیں مقامی کوچ کی بھی تلاش ہے ہم انھیںدیکھیں گے ان کی کارکر دگی کو بھی جانچیں گے کیونکہ انھیں بھی موقع دیا جا سکتا ہے ،کوچ سلیکشن کمیٹی کی مییٹنگ اب کمیٹی کے چیئر مین رنجیت فرنینڈو کی بنگلا دیش سے واپسی پر اکتوبر کے آخر میں ہو گی، کمیٹی کو جنوری میں فورڑ کے جگہ خالی کرنے سے پہلے نیا کوچ مقرر کرنا ہے ،تاہم فرنینڈو اور جے سوریا دونوںنے اس خواہش کا اظہار کیا ہے کہ جلد ہی کو چ کا تقرر عمل میں لایا جائے گا۔
سکھر: پاک نیوی میں بھرتی کے لیے 31اکتوبرکو آخری تاریخ مقرر
سکھر: پاک نیوی بھرتی مرکز سکھر نے نیوی میں بھرتی کی تاریخ 31اکتوبر تک بڑھا دی ہے ۔پاکستان نیوی بھرتی مرکزسکھر کے آفیسر انچارج کمانڈر محمد علی بھٹی نے کہاہے کہ پاکستان نیوی میں بطور کیڈٹ ٹرم 2014 اے میں بھرتی 14سے 31اکتوبر 2013 تک جاری رہے گی۔ایسے غیر شادی شدہ نوجوان جنھوں نے 60% نمبروں کے ساتھ انٹر پاس کیا ہو،عمریکم جولائی2014کو ساڑھے16سال سے21سال کے درمیان ہو اور قدکم از کم 5.4″ ہو وہ اپنے قریبی پاکستان نیوی بھرتی مرکز سے رابطہ کرکے پاک نیوی میں شمولیت اختیار کرسکتے ہیں۔
سندھ حکومت کی لا پر وائی سے حیدر آباد گندگی اور مسائل کا گڑھ بن گیا ہے : حق پرست اراکین اسمبلی
حیدرآباد: حکومتِ سندھ کی لاپروائی اور تعصب نے حیدرآباد شہر کو گندگی او رمسائل کا گڑھ بنادیاہے اور صحت و صفائی کی ناقص صورتحال کی وجہ سے شہر بھر میں ڈینگی اور ملیریا کے مریضوں کی تعداد میں اضافہ ہورہاہے۔ان خیالات کا اظہار متحدہ قومی موومنٹ حیدرآباد کے حق پرست اراکین قومی وصوبائی اسمبلی نے اپنے مشترکہ بیان میں شہر بھر میں ڈینگی اور ملیریا کے مریضوں کی بڑھتی ہوئی تعداد پر تشویش کااظہار کرتے ہوئے کیا۔ انہوں نے کہا کہ ماہ ستمبر سے نومبر تک مچھروں کی افزائش کا موسم ہے لیکن انتظامیہ کی نااہلی کی بدولت شہر میں مچھرمار اسپرے نہیں کیے جارہے ہیں ۔انھوں نے کہاکہ حکومت سندھ کی غفلت اور تعصب کی بنا پر حیدرآباد شہرکے فنڈ جاری نہ ہونا عوام کے مسائل میں مزید اضافہ کرنے کے مترادف ہے ، شہر میں اسپرے کرنا انتظامیہ کی ذمہ داری ہے لیکن انتظامیہ اپنے اس فرض میں مسلسل غفلت برت رہی ہے ۔انھوں نے کہاکہ حیدرآباد سٹی میں ڈینگی وائرس سے متاثرہ افراد کی تعداد دن بدن بڑھتی جارہی ہے مگر حیدرآباد شہر میں صحت و صفا ئی کے ناقص انتظامات کی وجہ سے شہر بھر کی گلیوں میں کچرے اور گندگی کے ڈھیر لگے ہوئے ہیں اور جگہ جگہ گندا پانی جمع نظر آتا ہے،انھوں نے کہاکہ حکومت سندھ تعصب سے بالاتر ہوکرسندھ کے شہری علاقوں کی عوام کے مسائل کے خاتمہ کے لیے عملی اقدامات کرے ۔
سندھ حکومت صوبے میں اصلاحات کے بجائے لوگوں میں نفرتیں پیدا کر رہی ہے : نادر اکمل لغاری
حیدرآباد: پاکستان تحریک انصاف سندھ کے صدر نادر اکمل لغاری نے کہا ہے کہ سندھ حکومت صوبے میںنئے اصلاحات رائج کرنے کے بجائے غیر دانش مندانہ فیصلے کرکے سندھ کے عوام میں نفرتیں پیدا کر رہی ہے۔ وہ پی ٹی آئی حیدرآباد کی جانب سے مسو بھرگڑی میں منعقدہ جلسہ سے خطاب کر رہے تھے ، اس موقع پر پی پی پی کے رہنما سید امداد علی شاہ جاموٹ نے پی پی پی چھوڑ کر اپنے ساتھیوں سمیت پی ٹی آئی میں شمولیت کا اعلان کیا، انہوں نے کہا کہ پی پی پی سندھ میں اپنی مرضی کی حلقہ بندیاں کر رہی ہے، جس کی وجہ سے سندھ کی عوام میں نفرتیں بڑھ رہی ہیں ، پی پی پی اور پی ایم ایل(ن)وراثت کی سیاست کرتی ہیں جبکہ پی ٹی آئی انتخابا ت پر یقین رکھتی ہے، اس لئے پی ٹی آئی کی مقبولیت میں اضافہ ہورہا ہے، ملک میں گڈ گورنس کی باتیں تو کی جا رہی ہیں، لیکن گڈ گورنس نام کی کوئی چیز نظر نہیں آتی، انھوں نے کہا کہ موجود ہ پی پی پی بھٹو کی نہیں بلکہ زرداری لیگ بن چکی ہے ، اس لئے آج لوگ پی پی پی کو چھو ڑ کر پی ٹی آئی میں شمولیت اختیار کر رہے ہیں۔انھوں نے کہا کہ سندھ میںاب ایم کیو ایم پی ٹی آئی کا مقابلہ نہیں کر سکتی، پی ٹی آئی کی مقبولیت میں تیزی سے اضافہ ہو رہاہے ۔
صنعت کاروں کی آلائش ٹھکانے لگائے جانے کے باوجودچونے کا اسپرے نہ ہونے پر تشویش
کراچی: کراچی کے صنعت کا روں آلائشیں ٹھکانے لگانے کے بعد اسپرے نہ ہونے پر تشویش کا اظہار کیا ہے ۔کورنگی ایسوسی ایشن آف ٹریڈاینڈ انڈسٹری کی لاءاینڈآرڈر سب کمیٹی کے چیئرمین ندیم خان نے شہر بھر میں عید قرباں پر کئے جانے والے جانوروں کی آلائشیں ٹھکانے لگائے جانے کے باوجودچونے کا اسپرے نہ ہونے پر تشویش کا اظہار کرتے ہوئے کہا کہ بلدیاتی اداروں نے اگر شہر بھر میں بہترین کارکردگی ضرور دکھائی ہے لیکن سڑکوں،فٹ پاتھوں اور چوراہوں پر کھالیں اور آلائشیں خریدنے والوں نے بہت سی آلائشوں کو وہیں چھوڑ دیا جنھیںاٹھانے کے بعد وہاں چونے کا چھڑکاﺅنہیں کیا گیا ہے اور اس بناءپر شہر میں بیماریاں پھیلنے کا خدشہ لاحق ہوگیا ہے۔انھوں نے کہا کہ عیدالاضحیٰ کے موقع پر کراچی میں امن وامان کی صورت حال بہتر رکھنے کے لیے رینجر اور پولیس کی بہترین کارکردگی پر اطمینان کا اظہارکیا ،انھوں نے کہا کہ صوبائی حکومت اور شہری وبلدیاتی انتظامیہ شہر بھر میں بدبو دور کرنے اور جراثیم کش اسپرے کرائے تاکہ شہری بیماریوں کی زد میں آنے سے بچ سکیں۔
مہران یونیورسٹی آف انجینئرنگ اینڈ ٹیکنالوجی جام شورو کا داخلہ ٹیسٹ 27اکتوبر کو ہو گا
جام شورو: مہران یونیورسٹی آف انجینئر نگ اینڈ ٹیکنالوجی جامشورو کے ڈائریکٹر ایڈمیشن نے اپنے ایک اعلامیہ میں تاکید کرتے ہوئے کہا ہے کہ مہران یونیورسٹی جامشورو شہید ذوالفقار علی بھٹو خیرپور میرس کیمپس میں داخلے کے لئے جن امیدواروں نے فارم جمع کرائے تھے ان امیدواروں کوپری انٹری ٹیسٹ کی ایڈمٹ سلپ ان کے دیئے گئے ایڈریس پر بھیج دی گئی ہیں جن امیدواروں کو کسی وجہ سے ایڈمٹ سلپ نہ مل سکی ہو تو وہ بروز جمعہ 25اکتوبر2013 تک ڈائریکٹر ایڈمیشن کے دفتر سے دفتری اوقات کار میں ایڈمٹ سلپ حاصل کریں۔ ایڈمٹ سلپ کے بغیر کسی بھی طالب علم کو ٹیسٹ میں شریک نہیں کیاجائے گا۔پری انٹری ٹیسٹ 27اکتوبر2013 بروز اتوار کو مہران یونیورسٹی جامشورو میں ہو گا۔