لاہور(پی پی آئی) پاکستان مسلم لیگ (ن) پنجاب کی سیکرٹری اطلاعات عظمیٰ بخاری نے کہا ہے کہ نوازشریف کی وطن واپسی سے فتنہ فساد پارٹی خوفزدہ ہے۔پی پی آئی کے مطابق انہوں نے خواتین کارکنان سے گفتگو میں کہا کہ ہم کسی کو میدان سے باہر سے نکالنے کے حق میں نہیں لیکن سیاستدانوں اور دہشتگردوں میں تفریق ضروری ہے، انہوں نے کہا کہ پی ٹی آئی نے وفاق اور صوبوں کو لڑایا،سیاسی انتقام لیا یہی سبب ہے کہ آج وہ مکافات عمل کا شکار ہے۔
سابق فاسٹ بولر کارٹنی والش دوبارہ ایکشن میں دکھائی دیں گے
آسٹریلین اوپن :ڈیوڈ فیریر اور لی ناکی چوتھے راونڈ میںرسائی ہوگئی
آسٹریلین اوپن :روجر فیڈرر اور شراپووا کی پری کوارٹر فائنل میںرسائی
ارجنٹائن ڈاکار ریلی : 12ویں مرحلے میں پیٹر ہانسل اور مارک کوما کی کامیابی
پی سی بی چیئرمین ذکاءاشرف نے قانونی مشیر تفضل رضوی کو معطل کردیا
بھارت نے دنیائے کرکٹ کو تقسیم کرنے کی گھناونی سازش تیار کرلی
تازہ ترین خبریں
ساؤتھ ایئر کے ملک گیر وسیع علاقائی فضائی نیٹ ورک کا آغاز
(July 22, 2026)
وانا میں سیکیورٹی فورسز کے ذریعہ بڑی دہشت گردی کی سازش ناکام
(July 18, 2026)
- April 25, 2026
- April 23, 2026
اشتہار
تازہ ترین
لداخ الیکشن میں بی جے پی کی شرمناک شکست پرمودی کو کڑی تنقید کا سامنا
سری نگر(پی پی آئی) بھارت کے زیر قبضہ جموں و کشمیرکے لداخ خطے میں خود مختار پہاڑی ترقیاتی کونسل کے انتخابات میں بھارتیہ جنتا پارٹی کو جس شرمناک شکست کا سامنا کرنا پڑاہے اس پر بی جے پی کے جائزہ اجلاس میں بھاجپا کی لیڈر شپ نے مسلمان مخالف پالیسیوں پر نریندر مودی کو کڑی تنقید کا نشانہ بنایا اور تسلیم کیا کہ کشمیر کی مسلم اور سکھ آبادی بھارتیہ جنتا پارٹی کو پسند نہیں کرتی۔پی پی آئی کے مطابق بھارت کے زیر قبضہ جموں و کشمیرکے لداخ خطے میں خود مختار پہاڑی ترقیاتی کونسل کے انتخابات میں بھارتی حزب اختلاف کے اتحاد کو چھ نشستوں میں سے پانچ پر کامیابی ملی ہے جبکہ بی جے پی صرف ایک سیٹ بمشکل حاصل کر سکی ہے۔ انتخاب میں کانگریس نے تین، نیشنل کانفرنس نے دو اور بی جے پی نے ایک سیٹ جیتی ہے۔
نوازشریف ملکی ترقی کا آزمودہ برانڈ، جب سب فیل ہو جاتے ہیں تو نواز شریف آتا ہے:مریم نواز
لاہور(پی پی آئی)مسلم لیگ ن کی سینئر نائب صدرمریم نواز نے کہا ہے کہ نوازشریف ملکی ترقی کا آزمودہ برانڈ ہے، جب سب فیل ہو جاتے ہیں تو نواز شریف آتا ہے۔ لاہور کے قومی و صوبائی اسمبلیوں میں یونین کونسلوں کے عہدیداروں اور کارکنوں سے مرحلہ وار ملاقاتوں کے موقع پر انھوں نے کہا کہ نوازشریف ملکی ترقی کا آزمودہ برانڈ ہے، جب سب فیل ہو جاتے ہیں تو نواز شریف آتا ہے، اللہ تعالی کے کرم سے پھر سب ٹھیک کرے گا نوازشریف، چھ سال بعد نوازشریف قوم کوپورا سچ بتائے گا تو سارے پراپگنڈے اور جھوٹے بیانیے دفن ہوجائیں گے۔پی پی آئی کے مطابق مریم نوازشریف نے کہا کہ کارکردگی میں نہ ہرا سکے تو جھوٹے الزام لگا کر، دھاندلی اور طاقت سے نواز شریف کو میدان سے ہی نکال دیا، اللہ تعالی نوازشریف کو پھر واپس لے آیا، نوازشریف کو نکالنے والے نظام سے ہی نکل گئے، یہ ہے اللہ کا نظام، چھ سال تک جھوٹوں کو جھوٹ بولنے کی کھلی آزادی تھی جس سے ذہن گمراہ ہوئے، نوازشریف، ان کے خاندان، ان کی جماعت کو جھوٹے پراپگنڈے، بے بنیاد مقدمات سے ستایا گیا۔مسلم لیگ ن کی سینئرنائب صدرنے کہا کہ نوازشریف 2017 میں گیا تو ملک کیا تھا اور چھ سال بعد آج ملک کیا سے کیا ہوگیا، نوازشریف کو ہربارحالات نے آزمایا اور نوازشریف ہر بار سرخرو ہوا،نوازشریف کے دورمیں مہنگائی 47 سال کی کم ترین سطح پر تھی،65 لاکھ سے زائد لوگوں کو روزگار ملا
”را“ کے 5 مبینہ ایجنٹ جسمانی ریمانڈ پر پولیس کے حوالے
اسلام آباد (پی پی آئی) انسداد دہشتگردی کی خصوصی عدالت نے ”را“ کے پانچ مبینہ ایجنٹس کو 4 روزہ جسمانی ریمانڈ پر پولیس کے حوالے کردیا۔ مقدمے کی سماعت جج ابوالحسنات محمد ذوالقرنین نے کی، پی پی آئی کے مطابق دوران سماعت پولیس کی جانب سے بھارتی خفیہ ایجنسی را سے فنڈنگ کے الزام میں گرفتار 5 ملزمان معیز احمد، مہران یونس، فیضان کیانی، ارسلان واجد اور نعمان ستار کے جسمانی ریمانڈ کی استدعا کی گئی جسے عدالت نے منظور کرلیا۔
تلاش کریں
خبریں
سابق فاسٹ بولر کارٹنی والش دوبارہ ایکشن میں دکھائی دیں گے
(January 21, 2014)
سینٹ جارج: سابق ویسٹ انڈین فاسٹ بولر کارٹنی والش نے آئندہ ماہ سیلبرٹی کرکٹ میچ میں شرکت کی تصدیق کردی ۔ یہ یادگار میچ 9فروری کو پروگریس پارک سینٹ اینڈریو میں گرینیڈا کے 40ویں یوم آزادی کی مناسبت سے شیڈول کیا گیا ہے ۔
آسٹریلین اوپن :ڈیوڈ فیریر اور لی ناکی چوتھے راونڈ میںرسائی ہوگئی
(January 18, 2014)
میلبورن: اسپین کے ڈیوڈ فیریر اور چین کی لی نا آسٹریلین اوپن ٹینس ٹورنامنٹ کے چوتھے راونڈ میں پہنچ گئیں۔ سیزن کے پہلے گرینڈ سلیم کے تیسرے راونڈ میں اسپینش سٹار ڈیوڈ فیریر نے فرانس کے جیریمی چیرڈی کو دو گھنٹے بارہ منٹ کے مقابلے کے بعد سٹریٹ سیٹس میں شکست دی۔ ڈیوڈ فیریر کی فتح کا اسکور چھ دو اور سات چھ رہا۔ خواتین سنگلز کے تیسرے راونڈ میں چین کی لی نا نے جمہوریہ چیک کی لوسی سیفاروواکو سخت مقابلے کے بعد زیر کیا۔ لی نا کو ایک چھ، سات چھ اور چھ تین سے فتح ملی۔
آسٹریلین اوپن :روجر فیڈرر اور شراپووا کی پری کوارٹر فائنل میںرسائی
(January 18, 2014)
میلبورن: سابق عالمی چیمپئن روجر فیڈرر اور روس کی ماریہ شراپوا آسٹریلین اوپن ٹینس ٹورنامنٹ کے پری کوارٹر فائنل میں پہنچ گئیں۔ سیزن کے پہلے گرینڈ سلیم میں مینز سنگلز کے تیسرے راونڈ میں سوئس سٹار روجر فیڈرر اور روس کے طےموراز کے مد مقابل ہوئے۔ سترہ بار کے گرینڈ سلیم چیمپئن فیڈرر کو کمزور حریف کے خلاف ایک گھنٹے اور اکتالیس منٹ کے مقابلے کے بعد کامیابی حاصل ہوئی۔ سوئس سٹار روجر فیڈرر کی فتح کا اسکور چھ دو، چھ دو اور چھ تین رہا۔ ویمنز سنگلز میں سابق عالمی نمبر ایک ماریہ شراپوا نے تیسرے راونڈ میں فرانس کی الیزے کورنیٹ کو چھ ایک اور سات چھ سے شکست دی۔
ارجنٹائن ڈاکار ریلی : 12ویں مرحلے میں پیٹر ہانسل اور مارک کوما کی کامیابی
(January 18, 2014)
بیونس آئرس: ارجنٹائن ڈاکار ریلی کے بارہویں مرحلے فرانس کے پیٹر ہانسل نے کار جبکہ اسپینش رائیڈر مارک کوما نے بائیک ایونٹس میں برتری حاصل کر لی۔ ارجنٹائن میں جاری ڈا کار ریلی کے بارہویں مرحلے میں بھی سنسنی خیز مقابلے ہوئے۔ دفاعی چیمپئن فرانسیسی ڈرائیوراسٹیفن پیٹر ہانسل نے شاندار کم بیک کیا۔ وہ بارہویں مرحلے میں مقررہ فاصلہ تین گھنٹے اڑتیس منٹ اور انیس سیکنڈز میں طے کر کے سر فہرست رہے۔ جس کے بعد پیٹر ہانسل نے ریس میں پانچویں فتح اپنے نام کر کے مجموعی طور پر برتری بھی حاصل کر لی ہے۔ ریس میں قطر کے نصیر ال عطیہ دوسرے اور اسپین کے نینی روما تیسرے نمبر پر موجود ہیں۔ بائیک ریس میں فرانس کے سائرل دسپریس کی پہلی پوزیشن رہی۔ ریس میں دوسرے نمبر پر آنیوالے اسپینش رائیڈر مارک کوما کا مجموعی طور پر ٹاپ پوزیشن پر قبضہ برقرار ہے۔
پی سی بی چیئرمین ذکاءاشرف نے قانونی مشیر تفضل رضوی کو معطل کردیا
(January 18, 2014)
لاہور: پاکستان کرکٹ بورڈ کے چیئرمین ذکاءاشرف نے قانونی مشیر تفضل رضوی کو عہدے سے معطل کردیا۔ تفضل رضوی نے چیف آپریٹنگ آفیسر سبحان احمد کو خط لکھا تھا کہ ذکاءاشرف کے بطور چیئرمین بحالی کے فیصلے میں چند قانونی پیچیدگیاں ہیں اور پی سی بی اس ے متعلق وزیراعظم سے ہدایات طلب کرے ۔ تفضل رضوی کے خط کے بعد ذکاءاشرف نے انہیں معطل کردیا ۔
بھارت نے دنیائے کرکٹ کو تقسیم کرنے کی گھناونی سازش تیار کرلی
(January 18, 2014)
لاہور: بھارت نے دنیائے کرکٹ کو تقسیم کرنے کی گھناونی سازش تیار کرلی۔ کرکٹ کے انتظامی امور بھارت، آسٹریلیا اور انگلینڈ تک محدود رکھنے کی رپورٹ تیار کرلی گئی۔ پاکستان سمیت ممبر ممالک میں بے چینی کی لہر دوڑ گئی۔آئی سی سی میں اپنی اجارہ داری کو مضبوط کرنے کے لئے بھارت نے نئی سازش تیارکی ہے۔ بھارت کی اس گھناونی سازش میں انگلینڈ اور آسٹریلیا بھی شامل ہیں،رپورٹ کے مطابق مستقبل میں کرکٹ کے انتظامی امور بھارت، آسٹریلیا اور انگلینڈ تک ہی محدود ہوجائیں گے۔اس رپورٹ سے پاکستان سمیت آئی سی سی کے ممبر ممالک میں بے چینی کی لہر دوڑ گئی ہے۔ رپورٹ میں دی جانے والی تجویز میں آئی سی سی کا چیئرمین، چیف ایگزیکٹو اور مالی امور کا سربراہ ان ہی تین ممالک سے ہوگا۔2017 اور 2021 میں ٹیسٹ چیمپئن شپ کی جگہ چیمپئنز ٹرافی کا انعقاد مجوزے میں شامل ہے۔ ان تجاویز پر 28اور29جنوری کو دبئی میں ہونے والے آئی سی سی کی سالانہ بورڈ میٹنگ میں غور کیا جائے گا۔ تجویز منظور ہوگئی تو پاکستان میں بین الاقوامی کرکٹ کی بحالی مشکل ہوجائے گی۔