کراچی: مہاجرقومی مومنٹ کے رہنما آفتاب حسن نے کراچی پریس کلب میں پریس کانفرنس کرتے ہوئے کہا کہ مہاجر قومی مومنٹ کے کارکنان اور ان کے اہل خانہ کے علاقوں سے جبری بے دخلی اوراعلیٰ عدالتی احکام پر صوبائی حکومت کی ہٹ دھرمی کے خلاف عدالت عظمٰی میں توہین عدالت کی درخوست دائر کر رہے ہیں۔ان کا کہنا تھا کہ پچھلے 11سالوں سے ہم دربدر گھوم رہے ہیں۔ہمارے سینکڑوں کارکنان پر جھوٹے مقدمات بنا کر اسیری کی زندگی گزارنے پر مجبور کیا گیا ۔ہماری خواتین کے ساتھ بد سلوکیاں کی گئیں،غیر قانونی طور پر ہمارے مرکز بیت الحمزہ کو مسمار کیا گیا۔ہم نے 21اکتوبر 2013کو عدالت عظمٰی میں کراچی بد امنی کیس ،نو گو ایریاز کے خاتمہ سمیت مہاجر خاندانوں کی بحفاظت گھروں پر واپسی کے لےے درخواست کی تھی جس پر چیف جسٹس آف پاکستان نے تمام بے دخل مہاجرین کوحکومت کی سرپرستی میں گھروں میں واپس لانے کی ہدایت کی تھی۔آفتاب حسن کا کہنا تھا کہ سابق سربراہ الیکشن کمیشن آف پاکستان فخرالدین جی ابرہیم نے ہمیں مکمل طور پر الیکشن میں حصہ لینے کی اجازت دی تھی لیکن گورنر عشر ت ا لعباد نے مہاجر قومی مومنٹ پر غیرقانونی پابندی لگا دی ان کا مزید کہنا تھا کہ ہم اس ملک کے شہری ہیں اور حکومت ہمیں دیگر شہریوں کی طرح مکمل آزادی دے۔

اسلام آباد: پاکستان ٹیلی کمیونیکیشن کمپنی لمیٹڈ ( پی ٹی سی ایل ) کی 19ویں سالانہ جنرل میٹنگ اسلام آباد میں منعقد ہوئی ۔ پی ٹی سی ایل بورڈ کے چیئرمین اخلاق احمد تارڑ نے اس موقع پربورڈ کے ارکان کی جا نب سے اپنے شئیر ہو لڈر ز کا پی ٹی سی ایل پراعتماد اورحمایت پرشکر یہ ادا کیا اور ملازمین کے عزم اور صارفین کی پی ٹی سی ایل کی خدما ت کے ساتھ وابستگی کو سراہا ۔اخلاق احمد تارڑ نے مزید کہا کہ اس عرصہ کے دوران مستحکم مالیاتی کارکردگی کمپنی کا منافع بڑھانے کے لیے اٹھائے گئے مختلف اقدامات کی کامیابی کا مظہر ہے ۔ پی ٹی سی ایل مجموعی کا ر گردگی کو مزید مستحکم بنانے کیلئے مستقبل میں بھی مواقع سے فائدہ اٹھانے کے سفر جاری رکھے گی،ہما رے ان اقداما ت کی بد ولت کمپنی کی آمدنی ، منافع اور وسائل میں اضافہ ہوگا اور حصص یافتگان کے محصولات پر بھی مثبت اثر پڑے گا ۔پی ٹی سی ایل کے صدر اور سی ای او ولید ارشید نے اجلاس سے خطاب کرتے ہوئے کہا کہ ہم اعلیٰ، جد ید حکمت عملی کے ذریعے کاروباری مواقع اور حصص یا فتگا ن کی قدر بڑ ھا نے کیلئے مسلسل کو شا ں ہیں ۔ پی ٹی سی ایل کے صدر اور سی ای او ولید ارشید نے مزید کہا کہ پی ٹی سی ایل ٹیلی کام کی صنعت کو درپیش چیلنجوں کا مقابلہ کرنے کیلئے مضبوط پوزیشن میں ہے جس کی بد ولت اپنے صارفین کی قدر بڑھانے کے ساتھ ساتھ معاشرے میں بھی تبد یلی لا رہے ہیں اور ہم مستقبل میں بھی منفردسہولیات اور اعلیٰ ترین سروسز کی فراہمی بھی جاری رکھیں گے ۔حصص یافتگان نے متفقہ طور پر31 دسمبر 2013 کوختم ہو نے والے سا ل کے ما لی نتا ئج سمیت ایجنڈے کے تمام آئٹمز کی منظوری دی ۔آخر میں چیئرمین پی ٹی سی ایل بورڈ اخلاق احمد تارڑ نے حصص یافتگان کا شکر یہ ادا کیا۔

کراچی: کراچی پولیس کے اسپیشل انویسٹی گیشن یونٹ نے لانڈھی میں کارروائی کرتے ہوئے4رکنی ڈکیت گروہ کو سرغنہ سمیت گرفتار کرلیا۔پولیس کا کہنا ہے کہ کارروائی خفیہ اطلاع پر کی گئی ۔ملزمان دیگر جرائم کے علاوہ بینک ڈکیتی میں بھی ملوث تھے۔گروہ میں سرغنہ ساجد علی کے علاوہ عمران،اعجاز اور عمران عرف منا شامل ہیں ۔پولیس کا کہنا ہے کہ ملزما ن کے قبضے سے لوٹ ہوئی رقم اورچھینی ہوئی موٹرسائیکلیںاور اسلحہ برآمد ہوا ہے۔

ممبئی: کرکٹ لیجنڈ سچن ٹنڈولکر دبئی میں آئی پی ایل میں شرکت کے بعد بھارت کے عام انتخابات میںاپنا ووٹ کاسٹ کرنے ممبئی پہنچ گئے۔الیکشن کے دوران ممبئی میں سچن ٹنڈولکر کی41ویں سالگرہ منانے کے انتظامات بھی کئے گئے ہیںسچن ٹنڈولکر نے عوام سے الیکشن میں بھر پور حصہ لینے کی درخواست کی ہے۔ ان کا کہنا تھا کہ جس طرح ہررن میچ کے لئے اہم ہوتاہے بالکل اسی طرح ہر ووٹ الیکشن کے لےے ،کرکٹ لیجنڈ ٹنڈولکر بین الاقوامی کرکٹ سے 16نومبر 2013کو ریٹائرمنٹ کا اعلان کیا تھا۔

حیدر آباد: حیدرآباد الیکٹرک سپلائی کمپنی نے حیدرآباد میں واسا کے تین فلٹر پلانٹس سمیت15پمپنگ اسٹیشنز کو بلز کی عدم ادائیگی پر بجلی کی فراہم معطل کردی۔ حیدرآباد الیکٹرک سپلائی کمپنی نے حیدرآباد میں واسا کے تین فلٹر پلانٹس سمیت15پمپنگ اسٹیشنز کو بلز کی عدم ادائیگی پر بجلی کی فراہم معطل کردی ہے جس سے گلشن فاطمہ ‘ پریٹ آباد ‘ پھلیلی ‘ بھٹائی نگر اور دیگر کئی مقامات پر پانی کی فراہمی معطل ہو گئی، ایچ ڈی اے کے جام شورو روڈ پر واقع فلٹر پلانٹ کی بجلی کاٹتے وقت مبینہ طور پر ایک صوبائی وزیر کے مسلح افراد نے حیسکو کے ایس ڈی او مخدوم مدثر اور ان کی ٹیم کو یرغمال بنالیا جس کی اطلاع وزیر مملکت عابد شیر علی کو دی گئی، جنھوں نے آئی جی پولیس سندھ سے ٹیلی فون پر گفتگو کی اور کچھ دیر بعد مسلح افراد نے بجلی کی بحالی پر یرغمالیوں کو رہا کردیا تاہم مذکورہ واقعہ کی فوری طور پر کوئی ایف آئی آر درج نہیں ہو ئی ۔

حیدرآباد:  وزیر مملکت عابد شیر علی نے سینئر صحافی حامد میر پر حملے کی پر زور مذمت کی ہے۔ وزیر مملکت عابد شیر علی نے حیدرآباد میں پریس کانفرنس کے دوران ذرائع ابلاغ کے نمائندوں کے سوالات کے جوابات دیتے ہو ئے کہاکہ جیو کے اینکر پرسن حامد میر پر کئے جانے والے حملہ کی سخت مذمت کرتاہوں لیکن اس کی آڑ میں کسی کو قومی و حساس اداروں کے خلاف مہم چلانے کی حمایت نہیں کی جاسکتی ،انھوں نے کہاکہ حکومت نے حامد میر پر حملہ کی تحقیقات کے لیے جوڈیشل کمیشن قائم کردیا ہے لیکن جو کچھ آئی ایس آئی اور اس کے سربراہ کے بارے میں کہا گیا اس سے ملک کی جگ ہنسائی ہو ئی پڑوسی ملک کا میڈیا تو اسی کام پر لگ گیا ہے، انھوں نے کہاکہ عوام اور قومی اداروں کے درمیان نفرتیں پیدا کرنا ایک سازش ہے ہم قومی اداروں کے ساتھ ہیں ،جیو نے اگر پیمرا کے قوانین کی خلاف ورزی کی ہے تو اس کی درخواست وہاں موجود ہے وہی بہتر فیصلہ کریں گے ،انھوں نے کہاکہ یہ تاثر درست نہیںکہ وزیر اعظم میاں نواز شریف نے عمر چیمہ پر تشدد کے واقعہ پر آئی ایس آئی کو ہدف تنقید بنایا تھا ،انھوں نے کہا کہ جنرل (ریٹائرڈ) پرویز مشرف کا معاملہ عدالتوں میںہے وہ ملک سے باہر جائیں گے یا نہیں فیصلہ عدالت کرے گی، انھوں نے ایم کیو ایم اور پی پی کے سندھ میں دوبارہ اتحاد کو خوش آئند قراردیتے ہو ئے کہاکہ ان کی اتحادی حکومت نے ماضی میں بھی عوام کو کچھ نہیں دیا تھا، عابد شیر علی نے جیو کے اینکر پرسن حامد میر کی جلد صحت یابی کے لیے دعا بھی کروائی۔ علاوہ ازیں وزیر مملکت نے مسلم لیگ(ن) کے کارکنوں سے خطاب جبکہ مسلم لیگ(ن) لیڈیز ونگ کے ایک وفد سے ملاقات کی ۔