کراچی (پی پی آئی)پاکستان کے پہلے رومانوی چاکلیٹی ہیرو کہلانے والے مرحوم اداکار وحید مراد کی بیوہ سلمیٰ مراد کی جو جمعہ کو کراچی میں انتقال کر گئی تھیں ہفتہ کے روزتدفین 14 اکتوبر ڈیفینس ہاوسنگ اتھارٹی (ڈی ایچ اے) کے قبرستان میں کی گئی۔پی پی آئی کے مطابق رپورٹس ہیں کہ سلمیٰ مراد طویل العمری کے باعث متعدد طبی مسائل کا شکار تھیں وحید مراد نے کیریئر کے آغاز میں ہی سلمیٰ مراد سے 1960 کے بعد شادی کی تھی اور دونوں کو تین بچے تھے، جس میں سے ایک بیٹی پیدا ہوتے ہی انتقال کر گئی تھیں جبکہ عالیہ مراد اورعادل مرادپسماندگان میں شامل ہیں۔
ٹائیگر ووڈز پہلی مرتبہ بھارت میں اپنے جوہر دکھائیں گے
آئی پی ایل 7:کیوی آل راﺅنڈر کورے اینڈرسن کی قیمت دو لاکھ ڈالر مقرر
ایشین ٹینس چیمپئن شپ کیلئے قومی تربیتی کیمپ کا آغاز اتوار کو ہوگا
4قومی گالفر انٹرنیشنل ٹورنامنٹ میں شرکت کیلئے چین جائیں گے
آئی پی ایل 7:یوراج سنگھ ،سہواگ اوریوسف پٹھان کی دوکروڑ روپے قیمت مقرر
بنگلہ دیشن پریمیئر لیگ فکسنگ کیس :مشرفی مرتضیٰ ٹربیونل کے سامنے پیش
تازہ ترین خبریں
- April 22, 2026
اشتہار
تازہ ترین
نیب ترامیم کے خلاف فیصلہکالعدم قرار دینے کی نجی درخواست سپریم کورٹ میں دائر
اسلام آباد (پی پی آئی)قومی احتساب آرڈیننس (این اے او) کو غیر قانونی قرار دینے والے 15 ستمبر کے فیصلے کو چیلنج کرنے کے حکومتی فیصلے کے فوراً بعد اس فیصلے کو کالعدم قرار دینے کی ایک نجی درخواست سپریم کورٹ میں دائر کردی گئی۔پی پی آئی کے مطابق پیپلزپارٹی کے سینیٹر فاروق ایچ نائیک کے ذریعے نظرثانی کی درخواست عبدالجبار نامی ایک شہری کی جانب سے دائر کی گئی, جو قانونی چارہ جوئی کے پچھلے مرحلے میں نہ تو فریق تھے اور نہ ہی کسی سیاسی جماعت سے تعلق رکھتے ہیں، لیکن نیب ترمیمی فیصلے سے براہ راست متاثر ہوئے کیونکہ ان کے خلاف نیب ریفرنس زیر التوا ہے۔جمعرات کو اٹارنی جنرل منصور عثمان اعوان نے صحافیوں کو بتایا تھا کہ نگران حکومت 15 ستمبر کے فیصلے کے خلاف اپیل دائر کرے گی، جوکہ سابق چیف جسٹس عمر عطا بندیال کی جانب سے جاری کردہ آخری حکم تھا۔چونکہ مختصر حکم کے تحت سپریم کورٹ (پریکٹس اینڈ پروسیجر) ایکٹ 2023 کو برقرار رکھا گیا ہے، اس لیے اس قانون کے نافذ ہونے کے دن کے بعد آرٹیکل 184(3) کے تحت جاری کیے گئے سپریم کورٹ کے تمام فیصلے، نیب آرڈیننس میں ترامیم کے فیصلے سمیت اپیل کے قابل ہیں۔لیکن عبدالجبار نے نظرثانی کی درخواست دائر کرتے ہوئے کہا کہ سپریم کورٹ نے انہیں سنے بغیر نیب ترامیم کے خلاف فیصلہ دیا کیونکہ وہ سپریم کورٹ میں عمران خان (نیب ترمیم) کیس کی آئینی پٹیشن نمبر 2021 میں فریق نہیں تھے، علاوہ ازیں سپریم کورٹ نے اس معاملے کا فیصلہ سناتے ہوئے انہیں کوئی نوٹس جاری نہیں کیا۔درخواست میں استدعا کی گئی کہ آئین کے آرٹیکل 184 (3) کے تحت عدالت عظمیٰ کے دائرہ اختیار کا استعمال ذمہ داری سے کیا جانا چاہیے لیکن نیب ترمیمی کیس کا فیصلہ سناتے ہوئے اس اصل دائرہ اختیار کو استعمال نہیں کیا گیا۔درخواست میں روشنی ڈالی گئی کہ 15 ستمبر کے فیصلے میں پارلیمانی جمہوریت کے بنیادی اصولوں اور قانون سازی کو ختم کرنے کے لیے قائم کردہ اصولوں پر غور کیے بغیر قانون سازی کے ایک حصے (نیب آرڈیننس میں ترامیم) کو آئین کے خلاف قرار دیا گیا ہے۔درخواست میں مزید کہا گیا کہ 15 ستمبر کے فیصلے نے پارلیمنٹ کے قانون سازی کے اختیارات کو کم کر دیا ہے حالانکہ یہ پارلیمنٹ ہی ہے جس نے قومی احتساب آرڈیننس 1999 کو نافذ کیا تھا اور یہ پارلیمنٹ ہی فیصلہ کرتی ہے کہ اس میں کب اور کس طرح ترمیم یا ردوبدل کرنا ہے۔درخواست میں موقف اختیار کیا گیا کہ یہ فیصلہ اس بات کے ادراک میں بھی ناکام رہا کہ پارلیمنٹ کی جانب سے قومی احتساب آرڈیننس میں کی گئی ترامیم نے کسی جرم کو قانون کی گرفت سے ازاد نہیں ہٹایا بلکہ اسے متعلقہ حکام تک پہنچانے کی راہ ہموار کی ہے۔درخواست میں کہا گیا 15 ستمبر کے فیصلے کے ذریعے سپریم کورٹ نے ’قانون ساز‘ اور ’پالیسی میکر‘ کی جگہ لی جو اس کے دائرہ اختیار سے باہر ہے۔درخواست میں استدلال کیا گیا کہ سپریم کورٹ کا فیصلہ متضاد تھا اور قانون کی غلط تشریح پر مبنی تھا۔
لاگت میں کمی کے باوجود ’ایم ایل ون‘ منصوبہ آئی ایم ایف کی منظوری سے مشروط
کراچی (پی پی آئی)کراچی سے پشاور تک 1726کلومیٹر پر محیط مین لائن –ون (ایم ایل ون) ریلوے منصوبے پر عمل درآمد عالمی مالیاتی اداریکی منظوری اور وزارت خزانہ کی چین سے 6 ارب 67 کروڑ ڈالر قرض کے لیے خودمختار گارنٹی فراہم کرنے سے مشروط ہے، حالانکہ منصوبے کے لاگت میں 32 فیصد کمی کی گئی ہے۔پی پی آئی کے مطابق فریم ورک معاہدے پر مئی 2017 میں دستخط کیے گئے تھے، قومی اقتصادی کونسل کی ایگزیکٹو کمیٹی (ایکنک) نے اگست 2020 میں منصوبے کی لاگت کا تخمینہ 9 ارب 80 کروڑ ڈالر لگایا تھا۔تاہم یہ منصوبہ اتار چڑھاؤ کا شکار رہا، اب توقع ہے کہ پاکستان اور چین باضابطہ اعلان کریں گے اور نگران وزیر اعظم انوار الحق کاکڑ کے بیجنگ کے آئندہ دورے کے دوران دستخط متوقع ہیں گا، جہاں وہ بیلٹ اینڈ روڈ انیشیٹو (بی آر آئی) کانفرنس میں پاکستان کی نمائندگی کریں گے۔منصوبے کی لاگت نظرثانی کے بعد اب دونوں فریقین کی جانب سے 6 کروڑ 67 لاکھ ڈالر کر دی گئی ہے، اگر 25-2024 کے بجٹ میں رقم مختص کی گئی، اور عالمی بولی کا عمل وقت پر مکمل کیا گیا، تو منصوبے کا پہلا مرحلہ اگلے برس شروع ہو سکتا ہے۔اس منصوبے میں اہم تبدیلی ٹرینوں کی رفتار کو 160 کلومیٹر فی گھنٹہ سے کم کر کے 120 کلومیٹر فی گھنٹہ اور 140 کلومیٹر فی گھنٹہ کے درمیان کرنا ہے۔لاگت کو کم کرنے کے لیے پروجیکٹ کے ڈیزائن سے کئی پل، انڈر پاسز اور فلائی اوور ختم کر دیے جائیں گے، جبکہ انڈر پاسز اور فلائی اوور شہروں اور قصبوں تک محدود ہوں گے۔نظرثانی شدہ پروجیکٹ کو تین مرحلوں میں بھی لاگو کیا جائے گا، جس کا آغاز 2 اب 70 کروڑ ڈالر کے پیکیج ون سے ہوگا، جو پانچ سال میں مکمل ہوگا، اسی طرح 2 ارب 60 کروڑ ڈالر کے ساتھ دوسرا پیکیج کے 7 سال میں مکمل ہوگا، اور ایک ارب 40 کروڑ ڈالر مالیت کا پیکیج 3 چار سال میں مکمل کیا جائے گا۔
گلگت میں کراچی اور فیصل آباد کے 2 سیاح موٹرسائیکل گہری کھائی میں گرنے سے جاں بحق
کراچی.گلگت (پی پی آئی) گلگت کے سیاحتی مقام نلتر میں موٹرسائیکل گہری کھائی میں جا گری جس کے نتیجے میں کراچی اور فیصل آباد کے 2 سیاح جاں بحق ہو گئے۔ پی پی آئی کے مطابق نلتر کے علاقے میں سیاح موٹر سائیکل پر سیروتفریح میں مصروف تھے کہ ایک موڑ مڑتے ہوئے توازن برقرار نہ رکھ سکے اور سامنے کھائی میں گرتے چلے گئے۔ حادثے میں موٹرسائیکل پر سواردونوں سیاح جاں بحق ہو گئے جن کا تعلق فیصل آباد اور کراچی سے بتایا گیا ہے۔پولیس نے ریسکیو اہلکاروں کی مدد سے لاشیں کھائی سے نکلوا کر تھانہ نومل منتقل کر دی ہیں۔
تلاش کریں
خبریں
ٹائیگر ووڈز پہلی مرتبہ بھارت میں اپنے جوہر دکھائیں گے
(January 31, 2014)
نئی دہلی: عالمی نمبر ایک گالفر ٹائیگر ووڈ ز پہلی مرتبہ بھارت میں اپنے کھیل کا مظاہرہ کریں گے ۔ ٹائیگر ووڈز دبئی ڈیزرٹ کلاسک میں شرکت کے بعد آئندہ ماہ 4فروری کو موٹر سائیکل ساز ادارے کی دعوت پر مختصر دورے پر بھارتی دارلحکومت نئی دہلی آئیں گے اور دہلی گالف کلب میں اپنی مہارت کے جوہر دکھائیں گے ۔
آئی پی ایل 7:کیوی آل راﺅنڈر کورے اینڈرسن کی قیمت دو لاکھ ڈالر مقرر
(January 31, 2014)
ویلنگٹن: آئی پی ایل سیزن سات کی نیلامی کے لئے کیوی آل راﺅنڈر کورے اینڈرسن کی بنیادی قیمت دو لاکھ ڈالرز سے کم رکھی گئی ہے ۔ابتداءمیں یہ خیال کیا جارہا تھا کہ گزشتہ ماہ میں شاندار پرفارمنس کی کارکردگی کے باعث ان کو مہنگے کھلاڑی کے طور پر فروخت کیا جائے گا لیکن ان کی ابتدائی قیمت صرف ایک کروڑ مقرر ہوسکی ہے ۔
ایشین ٹینس چیمپئن شپ کیلئے قومی تربیتی کیمپ کا آغاز اتوار کو ہوگا
(January 30, 2014)
اسلام آباد: ایشین ٹینس چیمپئن شپ کی تیاری کیلئے قومی کھلاڑیوں کا تربیتی کیمپ اتوار سے پی ٹی ایف دلاور عباس ٹینس کمپلیکس میں شروع ہوگا ۔ کیمپ میں مصحف ضیاءچیف کوچ کے فرائض سرانجام دیں گے جبکہ چار کوچز ان کی معاونت کریں گے جن میں جلیل خان ،خالد محمود خان ،معین خان اور راشد خان شامل ہیں ۔ تربیتی کیمپ میں جن کھلاڑیوں کومدعو کیا گیا ہے ان میں محمد مدثر ،زید مجاہد ،محمدمزمل ،سید نوفل کلیم ،امان عتیق،عبدالمجید ،طلحہ بن آصف ،حافظ ارباب علی ،ثاقب عمیر ،برکت اللہ ،الہام خان ،حمزہ ریحان ،میر شاہ زیب ،ماہین آفتاب اور علینا آفتاب شامل ہیں ۔
4قومی گالفر انٹرنیشنل ٹورنامنٹ میں شرکت کیلئے چین جائیں گے
(January 30, 2014)
اسلام آباد: مبریز احمد ،عمر کھوکھر ،علی آنش رحمان اور مریم نے آٹھویں فالڈو جونیئر گالف چیمپئن شپ کیلئے کوالیفائی کرلیا ۔ ایونٹ چین کے شہر مشن ہل میں منعقد ہوگا جس میں ایشیا پیسیفک ریجن سے 19ممالک کے گالفرز مختلف کیٹیگریز کے مقابلوں میں اپنی صلاحیتوں کے جوہر دکھائیں گے ۔
آئی پی ایل 7:یوراج سنگھ ،سہواگ اوریوسف پٹھان کی دوکروڑ روپے قیمت مقرر
(January 30, 2014)
ممبئی: ناقص کارکردگی کے باعث بھارتی کرکٹ ٹیم سے باہر ہونے کے باوجود بھارتی کھلاڑی وریندر سہواگ ،یوسف پٹھان اور یوراج سنگھ کی آئی پی ایل سیون کیلئے دو کروڑ روپے قیمت مقرر کی گئی ہے ۔واضح رہے کہ اس ایونٹ کیلئے 208کھلاڑیوں کی نیلامی کی جائے گی جس میں سے 46کھلاڑیوں کا تعلق بھارت سے ہوگا۔
بنگلہ دیشن پریمیئر لیگ فکسنگ کیس :مشرفی مرتضیٰ ٹربیونل کے سامنے پیش
(January 30, 2014)
ڈھاکا: بنگلہ دیش پریمیئر لیگ میں اسپاٹ فکسنگ کیس کی تحقیقات کیلئے بی سی بی کے تشکیل کردہ اینٹی کرپشن یونٹ کے سامنے فاسٹ بولر مشرفی مرتضیٰ بطور چشم دید گواہ پیش ہوئے ۔مشرفی تفتیشی حکام کے ساتھ تقریباً20منٹ تک رہے ۔مشرفی نے میڈیا کے نمائندوں کو تفصیلات بتانے سے اجتناب کیا ۔ واضح رہے کہ گزشتہ سال بی پی ایل میں ڈھاکا گلیڈی ایٹرز اور چٹاگانگ کنگز کے درمیان میچ پر فکسنگ کے الزامات عائد کیے گئے تھے ۔