اسلام آباد (پی پی آئی) انسداد دہشتگردی عدالت میں سابق وزیر مملکت شیریں مزاری کی صاحبزادی ایمان مزاری کی درخواست ضمانت پر سماعت ہوئی۔پی پی آئی کے مطابق انسداد دہشت گردی عدالت کے ڈیوٹی جج راجہ جواد عباس نے درخواست ضمانت پر سماعت کی اور بغیر کارروائی سماعت 28 اگست تک ملتوی کر دی۔ عدالت نے اگلی سماعت پر ایمان مزاری کی درخواست پر دلائل طلب کر لئے۔ بتایا گیا ہے کہ انسداد دہشت گردی جج ابوالحسنات ذوالقرنین کی رخصت کے سبب سماعت ڈیوٹی جج نے کی۔
ابوغریب کے قیدیوں کو زرِ تلافی کی ادائیگی
’ہلاکتیں ناقابلِ قبول مگر حالات بگڑنے نہیں دے سکتے‘
تازہ ترین خبریں
- April 23, 2026
- April 22, 2026
- April 22, 2026
اشتہار
تازہ ترین
ناظم آباد میں شہری نے دوران ڈکیتی اسلحہ چھین لیا، ڈاکو برا بھلا کہتا ہوا پیدل فرار
کراچی (پی پی آئی)شہر قائد میں شہری نے ڈکیتی کے دوران بہادری دکھاتے ہوئے اسلحہ چھین لیا، موٹر سائیکل پر آیا ڈاکو نہتا ہوا تو برا بھلا کہتا ہوا پیدل ہی فرار ہو گیا۔پی پی آئی کے مطابق کراچی کے علاقے ناظم آباد میں موٹرسائیکل پر سوار ڈاکو نے شہری سے لوٹ مار کی کوشش کی تو شہری نے مزاحمت کی اور دھینگا مشتی کے دوران ڈاکو سے اسلحہ چھین لیا۔ ڈاکو نے اسلحہ شہری کے ہاتھ میں دیکھا تو گولی چلنے کے خوف سے اپنی موٹرسائیکل بھی نہ لی اور پیدل ہی بھاگ گیا، بھاگتے ہوئے شہری کو برا بھلا بھی کہتا رہا۔پی پی آئی کے مطابق پولیس نے واردات کا پتہ چلنے پر شہری کی درخواست پر رپورٹ درج کر لی۔
پشاور ہائیکورٹ کے نئے چیف جسٹس محمد ابراہیم خان نے حلف اٹھا لیا
پشاور (پی پی آئی) پشاور ہائیکورٹ کے نئے چیف جسٹس محمد ابراہیم خان نے عہدے کا حلف اٹھا لیا۔پی پی آئی کے مطابق گورنر خیبر پختونخوا حاجی غلام علی نے جسٹس محمد ابراہیم سے حلف لیا۔ تقریب میں نگران وزیراعلی خیبر پختونخوا اعظم خان بھی شریک ہوئے۔ اس موقع پر پشاور ہائیکورٹ کے دیگر اعلیٰ جج حضرات، سینئر وکلا سمیت وکلا تنظمیوں کے عہدے داران نے بھی شرکت کی۔
سائفر کیس میں شاہ محمود قریشی کے جسمانی ریمانڈ میں 3 روز کی توسیع
اسلام آباد (پی پی آئی)سائفر گمشدگی کیس میں آفیشل سیکرٹ ایکٹ عدالت نے شاہ محمود قریشی کا مزید 3 روزہ جسمانی ریمانڈ منظور کرلیا۔ایف آئی اے نے سابق وزیر خارجہ شاہ محمود قریشی کو 4 روزہ جسمانی ریمانڈ مکمل ہونے پر اسلام آباد کی آفیشل سیکرٹ ایکٹ عدالت میں پیش کیا، تفتیشی ٹیم کی جانب سے ملزم کے مزید 9 روزہ جسمانی ریمانڈ کی استدعا کی گئی۔پی پی آئی کے مطابق شاہ محمود قریشی کے وکیل شعیب شاہین نے جسمانی ریمانڈ کی مخالفت کردی۔ خصوصی عدالت کے جج ابوالحسنات ذوالقرنین نے دلائل سننے کے بعد ملزم کو مزید 3 روزہ جسمانی ریمانڈ پر ایف آئی اے کے حوالے کردیا۔شعیب شاہین ایڈووکیٹ نے جوڈیشل کمپلیکس کے باہر میڈیا سے گفتگو کرتے ہوئے کہا کہ شاہ محمود قریشی کا سائفر کے حوالے سے کیس لگا ہوا تھا، عدالت نے مزید دن کا جسمانی ریمانڈ دے دیا۔ذرائع کا کہنا ہے کہ تحریک انصاف کے اسلام آباد جلسے کا سارا ریکارڈ حاصل کرلیا گیا ہے اور ویڈیو و دیگر مواد کی مدد سے انکوائری آگے بڑھائی جائے گی۔سائفر گمشدگی کیس میں شاہ محمود قریشی کیخلاف مقدمہ نمبر 6/2023 ایف آئی اے انسداد دہشت گردی ونگ میں 15 اگست کو سیکریٹری داخلہ یوسف نسیم کھوکھر کی مدعیت میں درج کیا گیا تھا۔
تلاش کریں
خبریں
ملک کے بیشتر علاقوں میں عمومی طور پر گرم اور خشک موسم متوقع
(June 15, 2026)
پاک-ترک وزرائے خارجہ کا علاقائی امن کی پیش رفت پر تبادلہ خیال
(June 14, 2026)
ابوغریب کے قیدیوں کو زرِ تلافی کی ادائیگی
(January 9, 2013)
عراق کی ابو غریب جیل میں قیدیوں پر تشدد کے الزامات کا سامنا کرنے والی ایک نجی امریکی دفاعی کمپنی نے سابق قیدیوں کو زرِ تلافی کے طور پر پچاس لاکھ ڈالر ادا کیے ہیں۔ اس دفاعی کنٹریکٹر کی ذیلی کمپنی پر ابو غریب جیل میں قیدیوں پر تشدد کرنے کے الزامات ہیں۔ امریکی خبر رساں ادارے اے پی کو حاصل ہونے والی قانونی دستاویزات کے مطابق امریکی کمپنی اینجیلٹی ہولڈنگز نے ابو غریب جیل اور امریکہ کے زیر انتظام چلنے والے دیگر جیلوں کے اکہتر سابق قیدیوں کو ایل تھری نامی کمپنی کی جانب سے یہ معاوضہ ادا کیا۔ ایل تھری کمپنی نے عراق میں جنگ کے بعد امریکی فوج کے لیے مترجم کے طور پر کام کیا تھا۔ سال دو ہزار چار میں بغداد کی ابو غریب جیل میں قیدیوں پر تشدد کی تصاویر منظر عام آنے پر بین الاقوامی سطح پر سخت غم و غصے کا اظہار کیا گیا تھا۔ ایک اور نجی کمپنی سی اے سی آئی کو بھی متوقع طور پر اسی قسم کے الزامات پر عدالتی کارروائی کا سامنا کرنا پڑے گا۔ اس کمپنی نے امریکی فوج کو تفتیش کار مہیا کیے تھے۔ امریکی حکومت جنگ کے دنوں میں فوج کی کارروائی کی وجہ سے قانونی چارہ جوئی سے محفوظ ہے تاہم عدالتیں اب بھی اس بات کا جائزہ لے رہی ہیں کہ آیا نجی کمپنیوں کو بھی جنگ زدہ علاقوں میں اسی قسم کی استثنیٰ حاصل ہے۔ اینجیلٹی ہولڈنگز کی جانب سے زر تلافی ادا کرنا عراق جیل کے سابق قیدیوں کی جانب سے دفاعی ٹھیکیداروں کے خلاف دائر کردہ مقدمات میں پہلی کامیابی ہے۔ ایک سابق قیدی کے وکیل بہار اعظمی نے خبر رساں ایجنسی اے پی کو بتایا کہ تمام اکہتر قیدیوں کو معاوضہ ملے گا تاہم انہوں نے یہ نہیں بتایا کہ معاوضے کی رقم تقسیم کیسے کی جائے گی۔ انہوں نے بتایا کہ تصفیے کے معاہدے کے تحت معاملات کو خفیہ رکھا جائے گا۔ بہار اعظمی کے مطابق نجی کنٹریکٹرز ابو غریب جیل میں بدسلوکی کے سنگین واقعات میں ملوث تھے اور اب ہمیں خوشی ہوئی ہے کہ تصفیے کے وجہ سے ان میں سے کچھ کنٹریکٹرز کا احتساب ہوا اور متاثرین کو کچھ انصاف ملا۔
’ہلاکتیں ناقابلِ قبول مگر حالات بگڑنے نہیں دے سکتے‘
(January 9, 2013)
بھارت کے وزیرِ خارجہ سلمان خورشید کا کہنا ہے لائن آف کنٹرول کے قریب پاکستانی فوج کی مبینہ کارروائی میں دو بھارتی فوجیوں کی ہلاکت کا واقعہ ناقابلِ قبول ہے تاہم حالات کو مزید خراب ہونے دیا جا سکتا۔ اس سے قبل بھارتی حکام کی جانب سے کو اشتعال انگیز قرار دیتے ہوئے کہا گیا تھا کہ اس کارروائی کا ’متناسب‘ جواب دیا جائےگا جبکہ پاکستان کے عسکری حکام نے فائرنگ اور بھارتی فوجی کی ہلاکت کے الزامات مسترد کرتے ہوئے اسے بھارتی پروپیگنڈا قرار دیا ہے۔ بھارتی حکومت نے بدھ کو نئی دلی میں پاکستان کے ہائی کمشنر کو طلب کر کے اپنے دو فوجیوں کے مارے جانے کے واقعے پر احتجاج کیا ہے۔ بھارتی وزارت خارجہ کے ترجمان کے مطابق اس ملاقات میں خارجہ سیکرٹری رنجن متھائي نے ہائی کمشنر سلمان بشیر سے کہا ہے کہ بھارت اس طرح کے واقعات قطعاً برداشت نہیں کرے گا اور پاکستان کو کنٹرول لائن کا احترام کرنا ہوگا۔ ہمارے نامہ نگار کے مطابق بدھ کو پریس کانفرنس میں وزیرِ خارجہ نے کہا کہ ’اس واقعے کو مزید بڑھنے نہیں دیا جائے گا۔ ہماری جانب سے پاکستانی ہائی کمیشن کو گہری تشویش سے آگاہ کروا دیا گیا ہے۔ ہم ان کے رد عمل کا انتظار کریں گے لیکن یہ واقعہ ناقابل قبول ہے۔‘ انہوں نے اس سے قبل ایک مقامی ٹی وی سے بات کرتے ہوئے بھی کہا تھا کہ یہ ایک انتہائی حساس معاملہ ہے اور ’ہمیں تمام حقائق کو ذہن میں رکھنا ہوگا۔یہ کارروائی قیام امن کو پٹری سے اتارنے کی کوشش معلوم ہوتی ہے۔۔۔اور ہمیں ایسا راستہ تلاش کرنا ہوگا کہ مذاکرات کا عمل تباہ نہ ہو جائے۔‘ بھارتی وزیرِ دفاع اے کے انٹونی نے اس سلسلے میں بیان دیتے ہوئے کہا ہے کہ ’پاکستانی فوج کی کارروائی انتہائی اشتعال انگیز ہے۔ انہوں نے بھارتی فوجیوں کی لاشوں سے جو سلوک کیا ہے وہ غیر انسانی ہے۔ہم حالات پر نظر رکھے ہوئے ہیں اور اس معاملے پر پاکستانی حکومت سے بات کریں گے۔‘