اسلام آباد: اسلام آبادویمن چیمبر آف کامرس اینڈ انڈسٹری کے سالانہ انتخابات میں ثمینہ فاضل کو اگلے ایک سال کے لئے بلا مقابلہ صدر منتخب کر لیا گیا ہے۔دیگر ارکان میںرضوانہ آصف اول نائب صدر، شیریں جاویدنائب صدر جبکہ ایگزیکٹو کمیٹی ممبران میں سروش رحیم، پروین خان، ارم قاضی، رافیعہ خان، عائشہ فاروق لون، زکیہ بی بی، شہناز پروین، عنبرینا شاہ، نائمہ انصاری اور روبینہ ناصر شامل ہیں۔انتخاب کے موقع پر ویمن چیمبر کی سابق صدورعالیہ اکرم اورفریدہ راشد ،سابق نائب صدر ممتاز اختردیگر عہدیدار اور ممبران کی موجودگی میں الیکشن کے نتائج کا اعلان کیا گیا۔ نو منتخب صدر ثمینہ فاضل نے کہا کہ وہ خواتین کی بلا امتیاز خدمت جاری رکھیں گی، کاروباری برادری کے مسائل حل کرانے کے لئے اپنی تمام توانائیاں بروئے کار لائیں گی اور تمام شراکت داروں کے ساتھ مکمل تعاون کیا جائے گا ۔ انھوں نے کہا کہ چیمبر اپنی روایت کو قائم رکھتے ہوئے تمام کاروباری خواتین کے مسائل کو حل کرانے کیلئے اپنا کردار ادا کرتا رہے گا۔ثمینہ فاضل نے سبکدوش ہونے والی صدر فریدہ راشد کو ان کی خدمات پر زبردست الفاظ میں خراج تحسین پیش کیا،نائب صدور شیریں جاوید اور رضوانہ آصف نے کہا کہ وہ خواتین کی توقعات پر پورا اترنے کی ہر ممکن کوشش کریں گی اور انھیں معاشرہ میں جائز مقام دلانے کے لئے انتھک کوششیں جاری رکھیں گی۔

کراچی: سپریم کونسل آف ٹرانسپورٹرز نے پیٹرولیم مصنوعات کی قیمتوںمیں اضافے کے خلاف احتجاج ،ہڑتال اور کرایوںمیں اضافہ کا فیصلہ کر لیا۔ سپریم کونسل آف آل پاکستان ٹرانسپورٹرز کا ہنگامی اجلاس زیر صدارت کیپٹن (ر) آصف محمود منعقد ہوا جس میں آل پاکستان آئل ٹینکرز اونرز ایسوسی ایشن کے چیئرمین اسلم خان نیازی، سندھ بلوچستان ٹرانسپورٹ فیڈریشن کے چیئرمین عبداللہ آسکانی، سندھ بلوچستان ائیرکنڈیشنڈ نان ائیر کنڈیشنڈ بس اونرز ایسوسی ایشن کے صدر اسماعیل حسنی ،مکران کراچی ٹرک اونرز ایسوسی ایشن کے صدرحمید شاہین عمرانی،بلوچستان کوئٹہ تافتان بس اونرز ایسوسی ایشن کے صدر جمعہ خان بادینی، سندھ بس اونرز ایسوسی ایشن کے میرا فضل خان، آل پاکستان کمبائنڈ نیٹو سپلائی ٹرک اونرز ایسوسی ایشن کے حمایت شاہ، سپریم کونسل کی جانب سے خالد خان یوسف زئی اور دیگر ٹرانسپورٹروں نے شرکت کی۔شرکاءنے کہا کہ ہم نے عوام کے بہتر مفاد میںگزشتہ چار ماہ سے پیڑولیم مصنوعات کی مہنگائی کا بوجھ برداشت کرتے رہے لیکن اب حکومت کی جانب سے مسلسل چوتھی بار پیٹرولیم مصنوعات کی قیمتوں میں اضافے،انکم ٹیکس میں اضافے، بس کوچز کے فی سیٹ ٹیکس 100/-روپے سے بڑھا کر 700/-روپے کرنے اور ٹریفک چالان جرمانوں کی مد میں ظالمانہ اضافے کے بعد ہمیں کرایوں میں اضافہ کرنا انتہائی ضروری ہے۔ جس کے بعد شرکاءاجلاس نے مشترکہ طور پر انٹرسٹی لانگ روٹ کی بسوں اور کوچز کے ساتھ ساتھ گڈز ٹرک ٹرالرز کے کرایوں میں اضافے کا فیصلہ آئندہ ہفتے ہونے والے اجلاس میں کیا جائے گا۔ اس موقع پر ملک گیر احتجاج ، ہڑتال کا بھی فیصلہ مشترکہ طور پر کیاجائے گا۔ شرکاءاجلاس نے کراچی ٹرانسپورٹ اتحاد کے تمام فیصلوں اور مطالبات کی بھرپور حمایت کا اعلان کیا۔ٹرانسپورٹروںنے مطالبہ کیا ہے کہ پیٹرولیم مصنوعات کی قیمتوں میں اضافہ واپس لیا جائے، شعبہ ٹرانسپورٹ پر انکم ٹیکس کی مد میں کیا گیا اضافہ واپس لیا جائے ، ٹرانسپورٹروں کو لوٹ مار، بڑھتی ہوئی ڈکیتیوں اور بھتہ خوری سے نجات دلائی جائے، حکومت سندھ کی جانب سے ٹریفک چالان جرمانوں کی مد میں کیا گیا اضافہ فی الفور واپس لیا جائے اور جلی ہوئی گاڑیوں کامعاوضہ ادا کیا جائے۔ عالمی مارکیٹ میں پیٹرولیم مصنوعات کی قیمتوںمیں کمی کے باوجود ہمارے حکمران پیٹرولیم مصنوعات کی قیمتوں میں مسلسل اضافے پر اضافہ کر رہے ہیں ، ٹرانسپورٹروں نے وزیر اعظم سے پرزور اپیل کی ہے کہ پیٹرولیم مصنوعات کی قیمتوں پر نظر ثانی کرتے ہوئے اضافہ فی الفور واپس لیا جائے۔

ڈھرکی: ڈھرکی کے طالب علم کا پولیس آفیسر کے بیٹے پر الزم کہ انھیں تعلیم حاصل کرنے سے روکا جا رہاہے۔ ڈھرکی کے رہائشی میٹرک کے طالب علم وقار احمد چاچڑ نے میڈیا سینٹر پر پریس کانفرنس میں الزام عا ئد کیا کہ پولیس افسرمحمد بخش اعوان کے بیٹے نے دوستی نہ رکھنے پرانھیں تین اسکولوں سے نکلوا دیا جس کے بعد تعلیم ادھوری رہ گئی ہے،انھوں نے کہا کہ مذکورہ شکایت لے کر جب وہ پولیس اسٹیشن ڈھرکی پہنچا تو عملے نے پولیس آفیسر کے بیٹے کے خلاف مقدمہ درج کرنے سے انکار کر دیا ۔ طالب علم وقار احمد نے مزید کہا کہ پولیس افسر کے بیٹے نے اس کے گھر کے سامنے اپنے مسلح افراد کو بٹھا دیاہے اور ان کے گھر والون کو قتل کی دھمکیاں دے رہا ہے،انھوںنے کہاکہ وہ گذشتہ کئی سالوں سے اپنی کلاس میں پوزیشن ہولڈرہیں لیکن اب وہ اپنے گھر میں بند ھ ہوکررہ گیا ہے ۔انھوں نے حکومت سے مطالبہ کیا کہ تحفظ فراہم کرکے پولیس افسر اور اس کے بیٹے کے خلاف کارروائی عمل میں لائی جائے۔انھوں نے کہا کہ اگر انھیں تحفظ فراہم نہیں کیا گیا تو ایس ایس پی گھوٹکی کے آفس کے سامنے خودسوزی کروں گا ۔

حیدرآباد: متحدہ قو می موومنٹ حیدرآبادزون کے زیر اہتمام سانحہ 30ستمبر کے شہداءکی25 ویں برسی انتہائی عقیدت و احترام سے منائی گئی۔ متحدہ قو می موومنٹ حیدرآباد زونل آفس پر شہداءکے ایصال ثواب کےلئے قرآن و فاتحہ خوانی کا انعقاد کیا گیاجس میںمتحدہ قو می موومنٹ رابطہ کمیٹی کے اراکین سید امین الحق ،خالد سلطان ،ایم کیوایم سند ھ تنظیمی کمیٹی کے انچارج عمر قریشی واراکین رشید بھیاء، ممبران صوبائی اسمبلی رعناصدیقی ،عائشہ آفتاب حیدرآبادکے زونل انچارج نوید شمسی اراکین زونل کمیٹی حق پرست اراکین صوبائی اسمبلی صابر حسین قائم خانی ،راشد خلجی ،دلاور قریشی کے علاوہ اے پی ایم ایس او،ایلڈرز ونگ میڈیکل ایڈ، لیگل ایڈ،شعبہ خواتین اور سیکٹرو یونٹس کے ذمہ داران و کارکنان ا ور ہمدردوں نے کثیر تعداد میں شرکت کی ،قرآن و فاتحہ خوانی کے اختتام پر اجتماعی دعا کرائی گئی جس میں سانحہ 30ستمبر کے شہداءسمیت تحریک کے تمام شہداوں کے درجات کی بلندی ، قائد تحریک الطاف حسین کے بڑے بھائی ناصر حسین بھتےجے عارف حسین شہید سمیت تحریک کے تمام شہداءکی مغفرت کے علاوہ قائد تحریک کی صحت و درازی عمر او ر تحریک کی کامیابی کےلئے بھی خصوصی دعائیں کی گئیں۔بعد ازیں ایم کیوایم کے ذمہ داران و کارکنان نے پکاقلعہ گروانڈ میں واقع شہداءقبرستان میں شہداءکی قبر وں پر حاضری دیں اور فاتحہ خوانی کی ۔

حیدرآباد: پرافیسر عقیل احمد کھو کھر دل کا دورہ پڑنے سے انتقال کر گئے ۔گورنمنٹ کالج کالی موری کے فزکس ڈپارٹمنٹ کے استاد اورجمیل احمدکھوکھر کے بھائی اسسٹنٹ پروفیسر عقیل احمد کھوکھر دل کادورہ پڑنے سے انتقال کرگئے ،ان کی نمازجنازہ رہائش اللہ والاچوک ہیرآبادمےں اداکی گئی ،نمازجنازہ مےں گورنمنٹ کالج کالی موری کے اساتذہ،اسٹاف ،طلبہ ،شعبہ تعلیم سے وابستہ شخصیات ،دوست احبا ب اور عزیر واقارب نے شرکت کی ۔جماعت اسلامی حیدر آبادکے رہنماﺅں نے عقیل احمدکھوکھر کے انتقال پر دلی غم کااظہارکیا۔جماعت اسلامی کے صوبائی رہنماعبدالوحےدقریشی ،امیرضلع شےخ شوکت علی ،جنرل سیکریٹری طاہرمجیدراجپوت ،رضوان احمدگدی ،احمدمظہوراشرف اور حسن راشدودیگر نے ان کی مغفرت اوربلندی