میرپورخاص: میرپورخاص لوڈ شیڈنگ کے دوران لوٹ مار کا سلسلہ ایک دفعہ پھر زور وں پرہے ۔تفصیلات کے مطابق شہر کے گنجان علاقے عمر کوٹ روڈ پر واقعہ کالے خان پیڑ ول پمپ کے ارد گرد کھری کواٹر ، اقبال نگر میں لوٹ مار کا سلسلہ تاحال جاری ہے گزشتہ شب بجلی کی لوڈ شیڈنگ کے دوران نامعلوم مسلح موٹر سائیکل سواروں نے مدینہ آٹوز میں زبردستی داخل ہو کر دُکان کے مالک محسن سے بارہ ہزار روپے نقد ، دیگر افراد سے چھ عد د موبائل فون اور دیگر سامان لوٹ لیا اور فائرنگ کرتے ہوئے باآسانی فرار ہو گئے واضع رہے کہ گزشتہ چند دنوں کے دوران بجلی کی لوڈ شیڈنگ کے اوقات میں کالے خان پمپ کے عقب میں واقع روڈ سے نامعلو م مسلح افراد نے درجن بھر شہریوں کو اسلحہ کے زور پر لوٹ لیا تھا تاہم کوئی ملزم اب تک گرفتار نہیں کیا جا سکا ہے جس کی وجہ سے شہریوں میں خوف و ہراس پایا جاتا ہے

حیدر آباد:  جمعیت علمائے اسلام (س) کے زیر اہتمام یوم ِ پاکستان کے حوالہ سے ایک اجلاس منعقد ہوا جس سے خطاب کرتے ہو ئے جے یو آئی (س) کے مرکزی رہنما مولانا عبدالواحد سواتی اور حیدرآباد کے رہنما حافظ ارمان احمد چوہان نے کہاکہ 23مارچ 1940ءتحریک ِ پاکستان میں سنگِ میل کی حیثیت رکھتا ہے اس دن پیش کردہ قرار داد نے مسلمانانِ برصغیر کو بیدار کرنے اور قیام پاکستان کی جدوجہد میں شریک ہو نے کا موقع فراہم کیا، انھوں نے کہا کہ پاکستان دو قومی نظریہ کی بنیاد پر قائم ہو ا،دنیا میں یہ واحد نظریاتی ملک ہے جو کلمہ توحید کے نام پر جمہوری طریقہ سے حاصل کیا گیا ،انھوں نے کہاکہ قیامِ پاکستان کے بعد ہی انگریز کے شاگروں نے اپنے غیر ملکی آقاں کے اشاروں پر پاکستان کی نظریاتی اساس کو نقصان پہنچانے کی کوشش کی اور ایک سازش کے تحت مشرقی پاکستان کو ہم سے جدا کردیا گیا، انھوں نے کہاکہ سازشی عناصر اب بھی نظریہ پاکستان پر کلہاڑے چلارہے ہیں لیکن خیبر سے کراچی تک مسلمان اس سازش کو ناکام بنادیں گے، ہم جلد ہی کشمیر کو آزاد کرائیں گے اور پاکستان کو اسلام کا قلعہ بنائیں گے۔ اجلاس میں فیصلہ کیا گیا کہ 23مارچ کو جماعتہ الدعوةکے زیر اہتمام ہو نے والے تحفظ نظریہ پاکستان مارچ میں بھرپور شرکت کی جائے گی۔

حیدرآباد: نائب امیرجماعت اسلامی سندھ راشدنسیم نے کہاہے کہ عالمی طاقتیں عالم اسلام مےں اسلامی تحریکوں کے اثرونفوذکے خلاف سرگرم ہےں ۔مصر مےں مغربی جمہوریت کے ذریعے بھی اسلام کااقتدار مےںا ٓنابرداشت نہیں کیاگیا۔مغربی فنڈ نگ کے ذریعے اسلام اور مسلمانوں مےں دوریاں پیداکرنے کی سازشیں اپنے عروج پر ہےں لیکن رکاوٹوں کے باجوداسلام کی پیش قدمی جاری ہے مغربی تہذیب چکاچوندکے باوجوداسلامی تہذیب کامقابلہ کرنے سے عاجزہے ۔ان خیالات کااظہارانھوں نے جماعت اسلامی زون وسطی کے تحت مارکیٹ ٹاور پر جلسہ سیرت النبی ﷺ سے خطاب کرتے ہوئے کیا۔ جماعت اسلامی سندھ کے ڈپٹی جنرل سیکریٹری عبدالوحیدقریشی ، مشتاق احمدخان ودیگر نے بھی جلسہ سیرت النبی سے خطاب کیا۔راشدنسیم نے کہاکہ انبیائے کرام پر اللہ تعالیٰ نے جتنی آزمائشیں نازل کی اس قدرکسی پر آزمائشیں نازل نہیں ہوئی ۔حضرت نوح علیہ السلام ،حضرت ابراہیم علیہ السلام ،حضرت موسیٰ علیہ السلام ،حضرت عیسیٰ ابن مریم علیہ السلام اور خاتم النبین حضرت محمدمصطفی ﷺ نے اللہ کی راہ مےں تکالیف برداشت کیں اور اللہ کاپیغام ہر عام وخاص تک پہنچایاجن لوگوں نے انبیاءکوجھٹلایاوہ لوگ ناکام ہوگئے ۔انبیاءنے اللہ کے پیغام پہنچاکر حق ِنبوت اداکردیاانبیائے کرام کامیاب رہے ۔اسلام کی کشش کی وجہ سے تیزی سے اسلام پھیل رہاہے قرآن اور اسلامی لٹریچر کے مطالعے سے مغرب مےں لوگ شعوری مسلمان بن رہے ہےں ۔عالمی طاقتیں چاہے جوکچھ کرلیں اسلام حق ہے اور حق ہمیشہ باطل پرغالب ہوکر رہتاہے۔ عبدالوحیدقریشی نے کہاکہ اسلام کے خلاف جتناپروپیگنڈہ کیاگیاہے اس کانتیجہ اسلام کی تعلیمات پھیلنے کی صورت مےں ظاہرہورہاہے ۔قرآن پاک اور احادیث مبارکہ کے موضوعات کابراہ راست خطاب ہے حکمت دانائی بھلائی وفلاح وبہبودانسانوں کے لیے اس مےں ہے کسی اور کتاب مےں نہیں ۔آپ نے قرآن کی عملی تفسیر بن کر حضرت انسان کے لیے عظیم مثال قائم کی ہے۔

کراچی: کراچی بار ایسوسی ایشن کے صدر صلاح الدین نے کہا ہے کہ پارلیمنٹ تحفظ پاکستان آرڈی ننس 2013 کی آئین کے مطابق صحیح تشریح نہیں کرسکی ہے ۔پہلے سے موجود قوانین پر عملدرآمد کیا جائے تو دہشت گردی سے نجات مل سکتی ہے ۔تحفظ پاکستان آرڈی ننس 2013 کے تحت سپریم کورٹ سمیت تمام عدالتوں کے فیصلے ایک دوسرے کی نفی کرتے ہیں ۔وہ ہفتہ کو وومن اسلامک لائرز فورم کے تحت منعقدہ سیمینار سے خطاب کررہے تھے ۔انھوںنے کہا کہ اس قانون کے تحت گرفتار ہونے والا ملزم محض شناختی دستاویزات نہ رکھنے کی وجہ سے ملک کا دشمن یا جاسوس تصور کیا جاتا ہے ۔انھوںنے کہا کہ اس آرڈی ننس کے تحت ملزم کے دفاع کے حق کو محدود کردیا گیا ہے ۔اس قانون کے مطابق تفتیشی ٹیم ایک پولیس افسر اور دو اہلکاروں پر مشتمل ہوتی ہے ،جن کے لیے شہادتوں کے تقاضوں کو پورا کرنا ضروری نہیں ہے ۔انھوں نے کہا کہ گرفتار شدگان کی زندگی اورموت کا فیصلہ چند افراد کے ہاتھ میں نہیں ہونا چاہیے ۔انھوں نے کہا کہ اس قانون کے بعد تفتیشی کو اختیار ہے کہ وہ ملزم کا چالان اپنی مرضی سے کسی بھی عدالت میں پیش کرسکتا ہے ،جس کی وجہ سے رشوت کا بازار گرم ہے ۔ملزمان رشوت دے کر اپنے مقدمات دہشت گردی کی عدالتوں کی بجائے مقامی عدالتوں میں منتقل کرالیتے ہیں ۔انہوں نے کہا کہ آرڈی ننس میں پراسیکیوٹر کو دیئے گئے اختیارات میں ترمیم کی ضرورت ہے ۔اس موقع پر سابق صدر کراچی بار ایسوسی ایشن نعیم قریشی نے کہا کہ اس آرڈی ننس کے تحت حکومت نے ایجنسیوں کو لامحدود اختیارات دے دیئے گئے ہیں ،جو عام آدمی کو تحفظ دینے کے بجائے لوٹ مار کررہی ہیں ۔اسلامک لائرز فورم فائزہ خلیل نے کہا کہ گزشتہ 12سال سے پاکستان حالات جنگ میں ہے ۔اب تک ملک میں 310ڈرون حملے ہوچکے ہیں ۔امریکا پاکستان سمیت دیگر ملکوں 600بلین روپے خرچ کررہا ہے ۔آرڈی ننس 2013کے تحت شک کی بنیاد پربھی سیکورٹی ادارے کسی بھی بچے یا خاتون کو بھی حراست میں لے کر 90دن کی نظربندی میں رکھ سکتے ہیں ۔انھوں نے کہا کہ آئین کے تحت 15دن کا ریمانڈ حاصل کرنا زیادہ تصور کیا جاتا ہے ۔انھوں نے کہا کراچی میں دہشت گردی کو کنٹرول کرنے کے لیے ججوں اور سیکورٹی اہلکاروں کی تعداد بڑھائی جائے اور ایجنسیوں میں کرپشن کا خاتمہ ضروری ہے ۔اس موقع پر ایڈوکیٹ حنیف کشمیری ،ایڈوکیٹ نور ناز اور افشاں سلیم نے خطاب کرتے ہوئے کہا تحفظ پاکستان آرڈی ننس کے بجائے ملک کی حقیقی آئین پر عمل کرنے کی ضرورت ہے ۔تحفظ پاکستان آرڈی ننس ملک کے اصل آئین سے بالکل متصادم ہے ۔انھوں نے کہا کہ کسی کو بھی اس طرح کا آرڈی ننس جاری کرنے کا اختیار نہیں جس سے عوام کے بنیادی حقوق سلب کرسکے ۔انھوں نے کہا کہ سیکورٹی اداروں کو پابند کیا جائے کہ وہ بغیر وارنٹ اور بغیر کسی اجازت کسی کے گھر میں داخل نہ ہوں ۔

حیدرآباد: ٹی بی ایسوسی ایشن سندھ کے صدر ڈاکٹر عبدالصمد نے مطالبہ کیا ہے کہ وزیر اعظم ٹی بی کے مریضوں کے لیے ‘فوڈ سپورٹ‘ پروگرام شروع کرائیں۔صدر ڈاکٹر عبدالصمد نے حیدرآباد پریس کلب میں پریس کانفرنس سے خطاب کرتے ہو ئے کہا کہ ٹی بی کے مریضوں کے لیے بہترین ماحول اور ادویات کے ساتھ ساتھ متوازن غذا کی ضرورت ہوتی ہے ہمیں خوشی ہے کہ پاکستان کے موجودہ وزیر اعظم میاں محمد نواز شریف میں انسانی خدمت کا جذبہ موجود ہے،انھوں نے کہا کہ وزیر اعظم میاں نواز شریف ہدایت کریں کہ ہر صوبہ میں ٹی بی کے مریضوں کے لیے فوڈ سپورٹ پروگرام شروع کیا جائے تاکہ اس مرض پر قابو پانے میں مدد مل سکے کیونکہ مقومی غذا سے مریض میں قوتِ مدافعت پیدا ہو تی ہے، انھوں نے کہاکہ 24مارچ کو عالمی یومِ تپِ دق کے حوالے سے حیدرآباد میںسیمینار اور واک کا اہتمام کیا گیا ہے واک پیر 24مارچ کو صبح 9بجے پاکستان چوک جم خانہ سے شروع ہو کر حیدرآباد پریس کلب پر اختتام ہو گی ۔انھوں نے کہا کہ ٹی بی کا مرض اب لاعلاج نہیں ہے تاہم یہ بھی ایک حقیقت ہے کہ دنیا بھر میں ہر سال 17لاکھ افراد اس مرض سے عدم واقفیت اور پرہیز نہ کرنے کی وجہ سے مر جاتے ہیں جبکہ ایک سروے کے مطابق ہر سال 90لاکھ افراد ٹی بی کے نئے مریض بن جاتے ہیں ان میں17لاکھ ہلاک ہو جاتے ہیں پاکستان میں ہر سال5لاکھ افراد ٹی بی کے مرض میں مبتلا ہو تے ہیںاور ان میں 68ہزار مختلف وجوہات کی بناءپر جاں بحق ہو جاتے ہیں۔ انھوں نے کہا کہ ٹی بی کی بیماری میں پاکستان کا دنیا میں 7واں نمبر ہے ٹی بی کا ایک مریض ہر سال دس سے پندرہ نئے مریض پیدا کردیتا ہے ان کی عمر یں زیادہ تر15سال سے40سال کے درمیان ہو تی ہیں ۔انھوں نے کہاکہ ٹی بی ایسوسی ایشن سندھ اس مرض پر قابو پانے کے لیے کام کررہی ہے حیدرآباد میں پبلک پرائیوٹ پارٹنر شپ کے تحت مریضوں کو ادویات گلوبل فنڈ سے فراہم کی جارہی ہیں اس میں حکومتِ پاکستان کی کارکردگی خراجِ تحسین کے لائق ہے انہوں نے بتایا کہ ایم ڈی آر کے مریض کا ادویات پردوسال خرچ 12لاکھ روپے بنتا ہے کیونکہ یہ ادویات 2سال تک بلاناغہ لازمی کھانا پڑتی ہیں جبکہ غذا کے اخراجات الگ ہیں جو غریب مریض برداشت نہیں کرسکتے ۔