اسلام آباد (پی پی آئی) سپریم کورٹ نے مکمل دستاویزات پیش نہ کرنے پر وکیل کو 2 ہزار جرمانہ کر دیا۔پی پی آئی کے مطابق چیف جسٹس قاضی فائز عیسیٰ نے انکم ٹیکس کیس میں سماعت کے دوران اپنے ریمارکس میں کہا کہ ہم ذرا اولڈ فیشن ججز ہیں، مکمل دستاویزات دیکھیں گے۔ انہوں نے وکیل سے استفسار کیا کہ آپ کے ساتھ ریونیو کا کوئی وکیل نہیں آیا جس پر درخواست گزار کے وکیل نے کہا کہ جی میرے ساتھ کوئی نہیں آیا۔ چیف جسٹس کا کہنا تھا کہ ہم نے کہا انکم ٹیکس کیس متعلقہ ڈپارٹمنٹ کا بندہ ساتھ ہونے تک چل سکتا ہے۔ عدالت کو معاونت ملتی نہیں اور کہتے ہیں کیس پر سپریم کورٹ کا اسٹے ہے۔ سپریم کورٹ نے ان لینڈ ریونیو کو نوٹس جاری کر دیا اور دستاویزات مکمل نہ ہونے پر وکیل کو بھی جرمانہ کیا۔
لیونل میسی کسی قسم کے جسمانی عارضے میں مبتلا نہیں : بارسلونا کوچ
ایشین ہاکی چیمپئینزٹرافی:پاکستان نے چین کو 1-5 سے شکست دیدی
پاکستان اور جنوبی افریقا کے درمیان تیسرا ون ڈے بدھ کو کھیلا جائے گا
مسلسل ناقص کارکردگی پر ناصر جمشید کو ڈراپ کیے جانے کا امکان
واپڈا سائیکلسٹ مبشر علی نے پشاور تا واہ کینٹ سائیکل ریس جیت لی
پیرس ماسٹرز: اعصام الحق جوڑی کوارٹر فائنل میں شکست کے بعد ایونٹ سے باہر
تازہ ترین خبریں
- April 22, 2026
- April 22, 2026
اشتہار
تازہ ترین
آئین پر عمل درآمد نہیں کیا جا رہا، ملک بے آئین چل رہا ہے: لطیف کھوسہ
اسلام آباد (پی پی آئی)پاکستان تحریکِ انصاف کے چیئرمین عمران خان کے وکیل لطیف کھوسہ نے کہا ہے کہ آئین پر عمل درآمد نہیں کیا جا رہا، ملک بے آئین چل رہا ہے۔ میڈیا سے گفتگو کرتے ہوئے تحریکِ انصاف کے چیئرمین کی ضمانت سے متعلق لطیف کھوسہ کا کہنا ہے کہ اگر چالان پیش کر دیا جاتا تو آج چیئرمین پی ٹی آئی کی ضمانت ہو جاتی،انہوں نے کہا ہے کہ ایف آئی اے نے آج کیس کا چالان جمع نہیں کیا، چیئرمین پی ٹی آئی کے جوڈیشل ریمانڈ میں 14 دن کی توسیع کر دی گئی ہے۔ لطیف کھوسہ نے کہا ہے کہ چیئرمین پی ٹی آئی ڈٹے ہوئے ہیں، تحریری حکم نامہ کے بعد اڈیالہ منتقل کیا جائے گا، انہیں ایک دن بھی جیل میں رکھنا قوم کی توہین ہے، آج چیئرمین تحریکِ انصاف کو بری کر دینا چاہیے تھا۔ اْن کا کہنا ہے کہ ذوالفقار علی بھٹو نے بھی راجہ بازار میں صفحہ لہرایا تھا کہ امریکا نے انہیں دھمکی دی تھی، بھٹو نے بھی ہنری کسنجر کی دھمکی سے قوم کو آگاہ کیا تھا۔ لطیف کھوسہ کا کہنا ہے کہ سائفر کا ترجمہ نیشنل سیکیورٹی میٹنگ میں سب کے پاس تھا، کابینہ ممبران کو سائفر کی کاپی بھی دی جاتی ہے، عدالتیں احکامات دیتی ہیں لیکن ان پر عمل نہیں کیا جاتا۔ انہوں نے یہ بھی کہا ہے کہ پرویز الہٰی کی کتنی بار ضمانتیں ہوئیں لیکن وہ تاحال گرفتار ہیں۔
نواز شریف پاکستان کے لیے خاصے فکر مند ہیں: میاں جاوید لطیف
اسلام آباد (پی پی آئی)سابق وفاقی وزیر میاں جاوید لطیف کا کہنا ہے کہ نواز شریف سے ملکر اطمینان ہوا کہ وہ پاکستان کے لیے خاصے فکر مند ہیں۔پی پی آئی کے مطابق میاں جاوید لطیف کا کہنا تھا کہ2017کی ڈوبی معیشت کو،ملک کو نوازشریف ہی گرداب سے باہر نکالیں گے، جب طاقت ور افراد من مرضی کے فیصلے کراتے ہیں تو انصاف پر سوال اٹھتا ہے من مرضی کے فیصلے نا کرنے والوں کو نوکری سے برخاست کردیا جاتاہے۔ریاستی اداروں میں خود احتسابی کا طریقہ کار موجود ہیں لیکن طاقت ور لوگ اپنا احتساب نہیں ہونے دیتے۔ان کا مزید کہنا تھا کہ اگر منصف آئین و قانون کے مطابق فیصلے دیتے تو کسی کو کہا جاتا اس کا دماغی توازن ٹھیک نہیں،طاقتور افراد آئین و قانون کے بجائے اپنا فیصلہ سنانے کی ہدایت کرتے تو انکار پر نوکری سے ہٹا دیا جاتا ہے۔
ٹیٹراپیک دودھ بنانے والی کمپنیوں کی من مانیاں عروج پر
کراچی (پی پی آئی)ٹیٹراپیک دودھ بنانے والی کمپنیوں کی من مانیاں عروج پرپہنچ گئیں، دودھ کی قیمتوں میں فی کلو 5سے 15روپے تک کا اضافہ کردیا ہے۔ ڈیرھ لیٹرٹیٹرادودھ کاپیک 15روپے اضافہ سے 395روپے تک پہنچ گیا ہے،پی پی آئی کے مطابق فی لیٹرٹیٹراپیک دودھ 10روپے مہنگاہوکر 280روپے تک پہنچ گیا،دودھ کاپاؤلیٹرکاپیک 5روپے اضافہ سے 75روپے تک ہوگیا۔ دو کمپنیوں کی جانب سے یکم اکتوبراورایک کمپنی کی جانب سے 6اکتوبرکو نئی قیمتوں کااطلاق کیاجائے گا۔
تلاش کریں
خبریں
لیونل میسی کسی قسم کے جسمانی عارضے میں مبتلا نہیں : بارسلونا کوچ
(November 3, 2013)
بارسلون: بارسلونا فٹبال کے کوچ جیراڈو ٹاٹا مارٹینو نے سپر سٹار فٹبالر لیونل میسی کے جسمانی عارضے میں مبتلا ہونے کی تردید کرتے ہوئے کہا ہے کہ سٹار پلیئر کو کسی قسم کا کوئی عارضہ نہیں ہے۔ ان کا کہنا تھا کہ شہرئہ آفاق کھلاڑی کی جسمانی فٹنس سے متعلق بہت باتیں کی جا رہی ہیں تاہم کوئی فکر مندی کی بات نہیں ہے اور انہیں کسی قسم کا کوئی جسمانی عارضہ نہیں ہے۔
ایشین ہاکی چیمپئینزٹرافی:پاکستان نے چین کو 1-5 سے شکست دیدی
(November 3, 2013)
ٹوکیو: ایشین ہاکی چیمپئینزٹرافی میں پاکستان کی فاتحانہ پیش قدمی جاری ،قومی ٹیم نے دوسرے میچ میں چین کوایک کے مقابلے میں پانچ گول سے شکست دے دی۔جاپان کے شہرکاکا میگھارا میں کھیلے جانے والے ایونٹ میں پاکستان نے دوسرے میچ میں چین کوزیرکرکے مسلسل دوسری کامیابی حاصل کرلی۔ پاکستان نے پہلے میچ میں اومان کوہرایا تھا۔ گرین شرٹس نے چین کوپانچ ایک گول سے آﺅٹ کلاس کیا۔ دفاعی چیمپئن پاکستانی ٹیم ایک دن آرام کے بعد منگل کواپنا تیسرا میچ ملائیشیا کیخلاف کھیلے گی۔
پاکستان اور جنوبی افریقا کے درمیان تیسرا ون ڈے بدھ کو کھیلا جائے گا
(November 3, 2013)
ابوظہبی: پاکستان اورجنوبی افریقا کے درمیان تیسرا ون ڈے بدھ کوابوظہبی میں کھیلا جائیگا۔ قومی ٹیم میچ کی تیاری کیلئے شیخ زید اسٹیڈیم میںبھرپور پریکٹس میں مصروف ہے۔پاکستان نے دبئی میں کھیلے گئے دوسرے ون ڈے میں پروٹیز کوشکست دیکرپانچ میچوںکی سیریزایک ایک سے برابرکردی تھی۔ دونوں ٹیمیں اب چھ نومبر کو تیسرے ون ڈے میں ابوظہبی میں آمنے سامنے آئیں گی۔ میچ کی تیاری کیلئے دونوں ٹیمیں شیخ زید اسٹیڈیم میں پر یکٹس میں مصروف ہیں۔ سیریزبرابرہونے کے باوجود پاکستانی کپتان مصباح الحق پہلے میچ کی شکست کوبھلا نہیں پائے ہیں۔ ان کا کہنا ہے کہ کھلاڑی ایک میچ میں کامیابی کے بعد سکون سے نہ بیٹھیں اورباقی میچوںمیں بھی میدان مارکرنئی تاریخ رقم کرنی ہے۔ دوسری جانب پروٹیزٹیم بھی بیٹسمینوں کی پرفارمنس میں عدم تسلسل سے تشویش میں مبتلا ہے۔ ان کا کہنا ہے کہ بیٹنگ کی خامیاں دورکرنے کیلئے تیسرے میچ سے قبل سخت محنت کریں گے۔
مسلسل ناقص کارکردگی پر ناصر جمشید کو ڈراپ کیے جانے کا امکان
(November 3, 2013)
ابوظہبی: پاکستانی کرکٹ ٹیم کے اوپننگ بلے باز ناصر جمشید کو جنوبی افریقا کے خلاف تیسرے ایک روزہ میچ سے ڈراپ کیے جانے کا امکان ہے ۔مسلسل ناقص کارکردگی کا مظاہرہ کرنے والے ناصر جمشید کی جگہ مڈل آرڈر بلے باز اسد شفیق کی ٹیم میں شمولیت متوقع ہے جبکہ محمد حفیظ احمدشہزاد کے ساتھ اوپننگ کریں گے ۔ ناصر جمشید جنوبی افریقا کے خلاف ون ڈے سیریز کے پہلے دو میچوں میں صرف ایک ہی رنز بناسکے ہیں ۔رواں سال کے آغاز میں بھارت کے خلاف تین جنوری کو 106رنز کی اننگ کے بعد وہ 20ایک روزہ میچوں میں صرف دو نصف سنچریاں سکور کرسکے ہیں ۔واضح رہے کہ 24سالہ ناصر جمشید نے رواں سال پاکستان کی جانب سے بطور اوپنر سب سے زیادہ میچ کھیلے ہیں ۔
واپڈا سائیکلسٹ مبشر علی نے پشاور تا واہ کینٹ سائیکل ریس جیت لی
(November 3, 2013)
واہ کینٹ: واپڈا کے سائیکلسٹ مبشر علی نے پشاور تا واہ کینٹ سائیکل ریس جیت لی۔واپڈا ہی کے زاہد گلفام نے دوسری جبکہ آرمی کے عمران اشرف نے تیسری پوزیشن حاصل کی ۔ پاکستان سائیکلنگ فیڈریشن نے ریس کے اختتام پر ٹور آف شارجہ کے لئے 10ممبران پر مشتمل ممکنہ ٹیم کا اعلان کردیا ۔قومی سطح کی ریس میں ملک بھر کی 10ٹیموں کے 60سائیکلسٹس نے شرکت کی ۔135کلومیٹر کا طویل مرحلہ صرف 35سوار مکمل کرسکے ۔مبشر علی نے یہ فاصلہ تین گھنٹے چھ منٹ اٹھارہ سیکنڈز میں طے کرکے پہلی پوزیشن پر قبضہ جمالیا ۔
پیرس ماسٹرز: اعصام الحق جوڑی کوارٹر فائنل میں شکست کے بعد ایونٹ سے باہر
(November 3, 2013)
پیرس: قومی ٹینس سٹار اعصام الحق قریشی پیرس ماسٹرز کے کوارٹر فائنل میں شکست کھاکر ایونٹ سے باہر ہوگئے ۔ اعصام الحق نے اپنے ڈچ ساتھی جولین روجر کے امریکا کے برائن برادرز کے خلاف ٹینس کورٹ میں اترے ۔پہلے سیٹ میں اعصام الحق جوڑی کو کامیابی حاصل ہوئی لیکن اولمپک گولڈ میڈلسٹ برائن برادرز نے کم بیک کرتے ہوئے اگلے دو سیٹ میں کامیابی حاصل کرتے ہوئے سیمی فائنل کے لئے کوالیفائی کرلیا ۔واضح رہے کہ ایونٹ کے کوارٹر فائنل میں شکست کے باوجود اعصام الحق نے مسلسل تیسرے سال اے ٹی پی فائنل ماسٹرز ٹینس چیمپئن شپ میں کوالیفائی کرنے کا اعزاز حاصل کیا ہے ۔قانون کے مطابق ہر سال ٹینس سیزن کے اختتام پر رینکنگ میں سنگل کھیلنے والے ٹاپ 8کھلاڑی اور جبکہ ڈبلز میں ٹاپ8ٹیمیں اے ٹی پی کے سب سے بڑے ایونٹ میں کھیلنے کے لئے کوالیفائی کرتی ہیں ۔