پشاور(پی پی آئی) ہنگو پولیس نے غیر ملکیوں کو پاکستانی جعلی دستاویزات بنا کر دینے والے گینگ کے تین ایجنٹوں کو گرفتارکرلیاجبکہ کاروائی میں تین غیر ملکی بھی گرفتار کرلیے گئے گرفتار غیر ملکیوں کو پاکستانی پاسپورٹ اور شناختی کارڈ جعلی طریقے سے بنانے کے لیے مجموعی طور پر 61 لاکھ میں بات ہوئی تھی۔ پی پی آئی کے مطابق ہنگوپولیس کا کہنا ہے کہ گینگ کا سرغنہ پشاور میں ہے جس کی گرفتاری کی کوششیں جاری ہیں پولیس نے بتایا کہ گروہ کے تین ایجنٹ اور غیر ملکی ہنگو نادرا آفس کے باہر موجود تھے کہ اطلاعات پر کاروائی کی گینگ غیر ملکیوں کو پاکستانی شہریت دلانے اور انہیں غیر قانونی طریقے اور جعل سازی سے دیگر ممالک بھجواتے تھے۔ پی پی آئی کے مطابق ملزمان کے خلاف فارن ایکٹ،420 اور دیگر دفعات کے تحت مقدمہ درج کیا ہے ملزمان کے خلاف تحقیقات کا دائرہ بھی وسیع کیا جا رہا ہے۔
مسلسل ناقص کارکردگی پر ناصر جمشید کو ڈراپ کیے جانے کا امکان
واپڈا سائیکلسٹ مبشر علی نے پشاور تا واہ کینٹ سائیکل ریس جیت لی
پیرس ماسٹرز: اعصام الحق جوڑی کوارٹر فائنل میں شکست کے بعد ایونٹ سے باہر
واٹمور بہتر کارکردگی دکھانے میں ناکام رہے : چوہدری ذکاءاشرف
بوم بوم شاہد آفریدی نے عمران طاہر کو آوٹ کرکے بدلہ لے لیا
مصباح رواں سال ہزار رنز بنانے والے پہلے پاکستانی کرکٹربن گئے
تازہ ترین خبریں
- April 25, 2026
- April 23, 2026
اشتہار
تازہ ترین
ٹھٹھہ قومی شاہراہ پر مسافر وین اور ٹرک میں تصادم، 4 افراد جاں بحق، 5 زخمی
ٹھٹھہ (پی پی آئی) ٹھٹھہ کے قریب قومی شاہراہ پر مسافروں سے بھری وین اور ٹرک میں تصادم کے نتیجے میں 4 افراد موقع پر جاں بحق، 5 زخمی ہو گئے۔پی پی آئی کے مطابق افسوسناک حادثہ کینجھر جھیل کے قریب آیا جہاں قومی شاہراہ پر مسافر وین سامنے سے آنے والے ٹرک سے ٹکرا گئی۔ ٹکر اس قدر زوردار تھی کہ 4 مسافر موقع پر جاں بحق ہو گئے۔تصادم کے دوران 5 افراد زخمی بھی ہوئے جنہیں سول ہسپتال مکلی منتقل کر دیا گیا۔
سائفر کیس میں عمران کی درخواست ضمانت پر سماعت 4 ستمبر تک ملتوی
اسلام آباد (پی پی آئی) اسپیشل سیکرٹ کورٹ نے سائفر کیس میں چیئرمین پی ٹی آئی عمران خان کی درخواست ضمانت پر سماعت 4 ستمبر تک ملتوی کر دی۔پی پی آئی کے مطابق سائفر کیس کی سپیشل سیکرٹ کورٹ کے جج ابوالحسنات ذوالقرنین نے ان کیمرہ سماعت کی، عمران خان کے وکیل بابر اعوان اور سلمان صفدر نے دلائل میں کہا کہ اٹک جیل میں جب بھی عمران خان سے ملاقات کیلئے گئے تو وکلا کو ڈیڑھ کلو میٹر تک پیدل چلنا پڑا، پی ٹی آئی چیئرمین سے ملاقات میں رکاوٹیں نہ ڈالی جائیں۔ عمران خان کے وکلا نے درخواست ضمانت پر دلائل کی استدعا کی مگر ایف آئی کے پراسکیوٹر نے اس کی مخالفت کر دی، انہوں نے پی ٹی آئی وکلا کی جانب سے اسلام آباد ہائیکورٹ میں دائر درخواستوں کا بھی ذکر کیا اور اعتراض نوٹ کرایا، انہوں نے سماعت ملتوی کرنے کی استدعا کی۔عمران خان کے وکلا نے ایف آئی اے پراسیکیوٹر کو اسلام آباد ہائیکورٹ سے درخواستیں واپس لینے کی پیش کش بھی کی۔ وائس چیئرمین پی ٹی آئی شاہ محمود قریشی کے وکیل بھی اسپیشل سیکرٹ کورٹ میں پیش ہوئے اور ضمانت کی درخواست پر دلائل دینے کی اجازت مانگی۔اسپیشل سیکرٹ کورٹ کے جج نے وکلا کے دلائل سننے کے بعد درخواست ضمانت پر درخواست 4 ستمبر تک ملتوی کر دی۔
بجلی کے بلوں میں اضافہ اورہوشربا مہنگائی کے باعث تاجروں کا دلوالیہ نکل گیا
کراچی (پی پی آئی)بجلی کے بلوں میں اضافہ اورہوشربا مہنگائی کے باعث کاروبار تباہی کنارے تاجروں کا دلوالیہ نکل گیا، پاور لومز سمیت چھوٹی اندسٹریز کے 60 فیصد یونٹ بند ہونے سے محنت کش پریشان،قرضوں کے بوجھ تلے دبے دکاندار کاروبار چھوڑنے پر مجبور ہو گئے، پی پی آئی کے مطابق پاکستان کا سب سے ا بڑا شہر کراچی جو معاشی حب کہلاتا تھا یہاں بجلی کے بلوں میں اضافہ اور مختلف ٹیکسز کی وجہ سے انڈسٹریز کے چھوٹے یونٹ بند ہوچکے ہیں جبکہ گزشتہ چار پانچ ماہ کے دوران ڈالر کی قدر اور بجلی کے بلو ں اضافہ کے ساتھ بے روزگاری کے بحران میں مزید اضافہ کا خدشہ بڑھنے لگاہے۔
تلاش کریں
خبریں
مسلسل ناقص کارکردگی پر ناصر جمشید کو ڈراپ کیے جانے کا امکان
ابوظہبی: پاکستانی کرکٹ ٹیم کے اوپننگ بلے باز ناصر جمشید کو جنوبی افریقا کے خلاف تیسرے ایک روزہ میچ سے ڈراپ کیے جانے کا امکان ہے ۔مسلسل ناقص کارکردگی کا مظاہرہ کرنے والے ناصر جمشید کی جگہ مڈل آرڈر بلے باز اسد شفیق کی ٹیم میں شمولیت متوقع ہے جبکہ محمد حفیظ احمدشہزاد کے ساتھ اوپننگ کریں گے ۔ ناصر جمشید جنوبی افریقا کے خلاف ون ڈے سیریز کے پہلے دو میچوں میں صرف ایک ہی رنز بناسکے ہیں ۔رواں سال کے آغاز میں بھارت کے خلاف تین جنوری کو 106رنز کی اننگ کے بعد وہ 20ایک روزہ میچوں میں صرف دو نصف سنچریاں سکور کرسکے ہیں ۔واضح رہے کہ 24سالہ ناصر جمشید نے رواں سال پاکستان کی جانب سے بطور اوپنر سب سے زیادہ میچ کھیلے ہیں ۔
واپڈا سائیکلسٹ مبشر علی نے پشاور تا واہ کینٹ سائیکل ریس جیت لی
واہ کینٹ: واپڈا کے سائیکلسٹ مبشر علی نے پشاور تا واہ کینٹ سائیکل ریس جیت لی۔واپڈا ہی کے زاہد گلفام نے دوسری جبکہ آرمی کے عمران اشرف نے تیسری پوزیشن حاصل کی ۔ پاکستان سائیکلنگ فیڈریشن نے ریس کے اختتام پر ٹور آف شارجہ کے لئے 10ممبران پر مشتمل ممکنہ ٹیم کا اعلان کردیا ۔قومی سطح کی ریس میں ملک بھر کی 10ٹیموں کے 60سائیکلسٹس نے شرکت کی ۔135کلومیٹر کا طویل مرحلہ صرف 35سوار مکمل کرسکے ۔مبشر علی نے یہ فاصلہ تین گھنٹے چھ منٹ اٹھارہ سیکنڈز میں طے کرکے پہلی پوزیشن پر قبضہ جمالیا ۔
پیرس ماسٹرز: اعصام الحق جوڑی کوارٹر فائنل میں شکست کے بعد ایونٹ سے باہر
پیرس: قومی ٹینس سٹار اعصام الحق قریشی پیرس ماسٹرز کے کوارٹر فائنل میں شکست کھاکر ایونٹ سے باہر ہوگئے ۔ اعصام الحق نے اپنے ڈچ ساتھی جولین روجر کے امریکا کے برائن برادرز کے خلاف ٹینس کورٹ میں اترے ۔پہلے سیٹ میں اعصام الحق جوڑی کو کامیابی حاصل ہوئی لیکن اولمپک گولڈ میڈلسٹ برائن برادرز نے کم بیک کرتے ہوئے اگلے دو سیٹ میں کامیابی حاصل کرتے ہوئے سیمی فائنل کے لئے کوالیفائی کرلیا ۔واضح رہے کہ ایونٹ کے کوارٹر فائنل میں شکست کے باوجود اعصام الحق نے مسلسل تیسرے سال اے ٹی پی فائنل ماسٹرز ٹینس چیمپئن شپ میں کوالیفائی کرنے کا اعزاز حاصل کیا ہے ۔قانون کے مطابق ہر سال ٹینس سیزن کے اختتام پر رینکنگ میں سنگل کھیلنے والے ٹاپ 8کھلاڑی اور جبکہ ڈبلز میں ٹاپ8ٹیمیں اے ٹی پی کے سب سے بڑے ایونٹ میں کھیلنے کے لئے کوالیفائی کرتی ہیں ۔
واٹمور بہتر کارکردگی دکھانے میں ناکام رہے : چوہدری ذکاءاشرف
کراچی: پاکستان کرکٹ بورڈ کے معطل چیئرمین ذکاءاشرف نے کہا ہے کہ قومی ٹیم کے کوچ ڈیو واٹمور اپنی بہتر کارکردگی دکھانے میں ناکام ہوچکے ہیں ۔ ذکاءاشرف نے ان خبروں کی سختی سے تردید کی کہ واٹمور کو انہوں نے ذاتی طور پر کوچ مقر رکیا تھا ۔ ذکاءاشرف کا کہنا تھا کہ واٹمور کو انہوں نے کرکٹ کمیٹی کے سفارشات پر ٹیم کا کوچ مقر ر کیا تھا اور اس کمیٹی میں انتخاب عالم اور ظہیر خان جیسے ماہر کھلاڑی موجود تھے ۔ ذکاءاشر ف نے یہ بھی کہا کہ واٹمور اپنی کارکردگی دکھانے میںمکمل طور پر ناکام رہے ہیں ۔پی سی بی کو چاہیئے کہ وہ کوچ کے ساتھ بیٹھ کر کارکردگی کے حوالے سے غور وفکر کرے ۔ واضح رہے کہ ذکاءاشرف کو رواں سال مئی میں اسلام آباد ہائیکورٹ نے پی سی بی کی چیئرمین شپ سے معطل کردیا تھا ۔اور پی سی بی میں دوبارہ االیکشن کرانے کاحکم دیا تھا ۔
بوم بوم شاہد آفریدی نے عمران طاہر کو آوٹ کرکے بدلہ لے لیا
دبئی: دوسرے ون ڈے میں بوم بوم شاہد آفریدی نے عمران طاہر کو آوٹ کرکے بدلہ لے لیا۔ دبئی میں کھیلے جانیو الے میں دوسرے ون ڈے میں جنوبی افریقہ کے لیگ اسپنرعمران طاہرشاہد آفریدی کی گیند پرعمراکمل کے ہاتھوں اسٹمپ ہوئے۔ جبکہ شارجہ میں کھیلے گئے پہلے ون ڈے میں عمران طاہر نے شاہد آفریدی کو اپنی جادو گری کا نشانہ بنایا تھا۔ عمران طاہر کی شارٹ پچ بال پر آفریدی چھکا مارنے کی خواہش میں باونڈر کے قریب دیوڈ ملر کوکیچ دے بیٹھے تھے۔
مصباح رواں سال ہزار رنز بنانے والے پہلے پاکستانی کرکٹربن گئے
دبئی: پاکستان کرکٹ ٹیم کے کپتان مصباح الحق کلینڈرائیرمیں ایک ہزاررنزمکمل کرنے والے دنیا کے تیسرے جبکہ پاکستان کے پہلے کھلاڑی بن گئے۔دبئی میں کھیلے گئے دوسرے ون ڈے میں قومی ٹیم کے قائد مصباح الحق نے جیسے ہی اپنے انفرادی اسکور میں چودہ رنز کا اضافہ کیا تو وہ کلینڈائیرمیں ایک ہزار رنز مکمل کرنے والے کھلاڑیوں کی فہرست میں شامل ہوگئے۔کلینڈائیر میں ایک ہزار چورانوے رنز کے ساتھ آسٹریلوی کپتان جارج بیلی پہلے نمبرپر ہیں۔ بھارت کے ویرات کوہلی کا فہرست میں دوسرا نمبر ہے جو ایک ہزار تینتیس رنز اسکور کرچکے ہیں جبکہ ایک ہزار سترہ رنز کے ساتھ مصباح الحق دنیا کے تیسرے کھلاڑی ہیں۔ مصباح الحق کو رواں سال ایک ہزاررنز مکمل کرنے والے پہلے پاکستانی کھلاڑی کا اعزاز بھی حاصل ہے۔