چٹاگانگ: نیوزی لینڈ کے کپتان برینڈن مک کولم نے نیدرلنڈ کے خلاف میچ وننگ اننگز کھیلتے ہوئے ٹی ٹوئنٹی کرکٹ میں 2ہزار رنز بنانے والے دنیا کے پہلے بیٹسمین بن گئے۔ کیوی کپتان نے ورلڈ ٹی ٹوئنٹی میں ہالینڈ کے خلاف شاندار65رنز بنائے اورجب برینڈن نے 21واں رن بنایاتو ٹی ٹوئنٹی کیریئر میں ان کے 2ہزار رنز مکمل ہوگئے۔ میک کولم نے 67ٹی ٹوئنٹی میچز میں دوہزار رنز مکمل کرلئے۔ وہ مختصر فارمیٹ کی انٹرنیشنل کرکٹ میں دو سنچریاں بنانے والے اب تک دنیا کے واحد بیٹسمین ہیں۔انھوں نے 12نصف سنچریاں بھی بنا رکھی ہیں۔ اس طرز کی کرکٹ میں برینڈن مک کولم کابہترین اسکور 123 ہے۔کیوی کپتان ٹی ٹوئنٹی کرکٹ میں 85 چھکے اور ایک سو92 چوکے لگاچکے ہیں۔ٹی ٹوئنٹی ورلڈ کپ کے اہم میچ میں نیوزی لینڈ نے نیدر لینڈ کو 6وکٹوں سے شکست دے دی۔

ڈھاکا: سعید اجمل ٹی ٹوئنٹی ورلڈ کپ میں انڈیا سے ایک اور ٹا کرے کے خواہاں ہیں، سعید اجمل کا کہناہے کہ رواں ورلڈ کپ میں انڈیا کے ساتھ ایک اور میچ ہونا چاہے، انھوں نے کہا کہ گروپ میں ہمارے دو میچ باقی رہتے ہیں اور سیمی فائنل تک رسائی کے لیے ان دونوں میچوں میں کامیابی بہت ضروری ہے۔ انھوں نے کہا کہ اس وقت میری توجہ گروپ کے دو نوں اہم میچوں پرہے ، لیکن میری شدید خواہش ہے کہ اسی ٹورنامنٹ میں بھارتی بلے بازوں کے ساتھ ایک اور ٹاکرا ہو۔ آئی سی سی کی رینکنگ میں ہر طرز کی کرکٹ میں سر فہرست پاکستانی اسٹار آف اسپنر نے کہا کہ پاکستانی ٹیم میں سیمی فائنل تک رسائی کی مکمل صلاحیت ہے اور انڈیا کے ساتھ دوسرا میچ خارج ازامکان نہیں ہے ۔ گروپ میچ میں پاکستان انڈیا سے یک طرفہ مقابلے کے بعد ہار گیا تھا جس میں اجمل کی کارکردگی بھی غیر تسلی بخش رہی تھی لیکن اجمل نے واضح کر دیا کہ بھارتی بیٹسمینوں کے خلاف بولنگ کرتے ہوئے لطف اندوز ہوتا ہوں، اجمل کا کہناتھا کہ ٹی ٹوئنٹی میں کسی بھی بولر کو بہت مشکل ہوتاہے اور بھارت کے خلاف یہ مزید مشکل چیلنج بن جاتاہے کیونکہ انڈیا کے خلاف میچ کا پریشراور جیت کی توقع لگائے بیٹھے عوام کی امیدوں پر پورا اترنا ہوتاہے ، انھوں نے کہاکہ مشکل وقت میں کپتان کی جانب سے ٹیم کے اہم بولر کی حیثیت سے اوور دینے پر کوئی پریشر محسوس نہیں کرتا۔ اب میں ٹیم میں اپنا کر دار کے حوالے سے عادی ہو چکا ہوں، اور پریشر میں بولنگ کر تے ہوئے لطف اندوز ہوتاہوںکیونکہ ساتھی کھلاڑی میری حوصلہ افزائی کرتے ہیں۔ اجمل نے کہاکہ کوئی بھی بولر چاہتاہے کہ دنیاکا نمبر ون بولر بن جاﺅںلیکن مجھے ٹیم کی جیت میں اہم کر دار اداکر نازیادہ اچھا لگتاہے، ٹی ٹوئینٹی کر کٹ میں کچھ بھی ہوسکتا ہے اس لیے ہماری کوشش ہوگی کہ بنگلہ دیش اور ویسٹ انڈیز کے خلاف اپنی بہترین کارکردگی دکھائیں کیونکہ دونوں ٹیمیں اس فارمیٹ میں خطرناک ہیں۔

ممبئی: بھارتی کرکٹ ٹیم کے فاسٹ بولر ظہیر خان انڈین کو انڈین ڈومیسٹک ویسٹ زون ٹی ٹوئنٹی لیگ میں ممبئی کا کپتان مقررکردیا گیا۔ ظہیر خان ورلڈ کپ ٹی ٹوئنٹی میں حصہ لینے والی انڈین ٹیم میں شامل نہیں ہیں لیکن 30مارچ سے4اپریل تک منعقد ہونے والی ٹی ٹوئنٹی لیگ میں ممبئی کی قیادت کریں گے۔ ممبئی کی ٹیم میں ظہیر کے علاوہ انڈر 19ٹیم کے دو کھلاڑیوں سر فراز خان اور شریاس لیئر جبکہ آئی پی ایل میں راجستھا ن رائلز کی نمائندگی کرنے والے لیگ اسپنر پراوین ٹمبے کو بھی شامل کر لیا گیا ہے۔ اس ٹورنامنٹ کی فاتح ٹیم سید مشتاق علی ٹرافی آل انڈیا ناک آﺅٹ کے لیے کوالیفائی کرے گی جو کہ ممبئی اور راجکوٹ میں 8سے13اپریل کو کھیلاجائے گا۔ لال چند راجپوت کو ممبئی کا کوچ جبکہ امیت دانی کو فیلڈنگ کوچ مقرر کیا گیا ہے۔

کراچی: پاکستان کرکٹ ٹےم کے سابق بالنگ کوچ اورکرکٹر عاقب جاوےد نے کہا ہے کہ پاکستان کی ڈس اےبلڈ کرکٹ ٹےم نے انگلےنڈ کو مسلسل دوسری بار ٹی20مےچوں مےں شکست دے کر تارےخ رقم کی ہے، مجھے امےد ہے کہ ون ڈے سےرےز بھی قومی ٹےم جےتے گی ۔۔ دبئی مےں موجود پاکستان کی ڈس اےبل کرکٹ ٹےم کے نےٹ سےشن کے موقع پر کھلاڑےوں اور آفےشلز سے ملاقات کے دوران عاقب جاوید نے کہا کہ میں قومی ڈس ایبلڈ ٹیم سے متاثر ہواہوں۔واضح رہے کہ قومی ڈس اےبلڈ کرکٹ ٹےم ےو اے ای مےں انگلےنڈ کی ڈس اےبلڈ کرکٹ ٹےم کے خلاف ون ڈے اور ٹی20مےچوں کی سےرےز کھےل رہی ہے ۔ےو اے ای کی ٹےم کے موجود کوچ عاقب جاوےد نے کہا کہ مجھے خوشی ہے کہ ان ڈس اےبلڈ کھلاڑےوں نے اپنی مجبوری کو پس پشت ڈال کر کرکٹ کھےلنے کو ترجےح دی ےہ ان کا حوصلہ ہے اور مےں اس کی داد دےتا ہوں ۔ٹرےننگ کے دوران عاقب جاوےد پاکستان کے فاسٹ بالر فرحان سعےد کی بالنگ سے بہت متاثر نظر آئے جو کہ اسٹکس کے سہارے گےند کرتے ہےں ۔اس موقع پر پاکستان کے کوچ صبےح اظہر ،ٹےم منےجر جمےل کامران اور مےڈےا منےجر محمد نظام بھی موجود تھے ۔