اسلام آباد(پی پی آئی)اسلام آباد کی مقامی عدالتوں نے پرتشدد مظاہروں پر سابق وزیر اعظم اور چیئرمین پاکستان تحریک انصاف (پی ٹی آئی) عمران خان کے خلاف درج ایف آئی آرز میں ضمانت کی 9 درخواستیں مسترد کر دیں۔پی پی آئی کے مطابق اسلام آباد کی انسداد دہشت گردی کی عدالت (اے ٹی سی) نے ضمانت کی 3 درخواستیں خارج کر دیں جبکہ ایڈیشنل ڈسٹرکٹ اینڈ سیشن جج (اے ڈی ایس جے) محمد سہیل نے عمران خان کی قبل از گرفتاری ضمانت کی 6 درخواستیں مسترد کر دیں، توشہ خانہ کیس میں سزا سنائے جانے اور حراست میں لیے جانے کے سبب وہ گزشتہ روز سماعت کے دوران غیر حاضر تھے۔تاہم ایڈیشنل ڈسٹرکٹ اینڈ سیشن جج (اے ڈی ایس جے) محمد سہیل نے توشہ خانہ تحائف کی جعلی رسید سے متعلق کیس میں عمران خان کی اہلیہ بشریٰ بی بی کی عبوری ضمانت میں 7 ستمبر تک توسیع کردی۔چیئرمین پی ٹی آئی کی جانب سے ان کے خلاف تھانہ کھنہ اور بارہ کہو تھانے میں درج مقدمات میں انسداد دہشتگردی عدالت کے جج ابوالحسنات ذوالقرنین سے ضمانت کی درخواست کی گئی تھی۔ایڈیشنل ڈسٹرکٹ اینڈ سیشن جج نے پی ٹی آئی چیئرمین کے خلاف کراچی کمپنی، رمنا، کوہسار، ترنول اور سیکرٹریٹ تھانوں میں درج ایف آئی آرز میں ضمانت کی درخواستوں کی سماعت کی۔استغاثہ نے مو?قف اختیار کیا کہ چونکہ عمران خان جیل میں ہیں اس لیے وہ ضمانت قبل از گرفتاری کے حقدار نہیں ہیں، تفتیشی افسران نے عدالت کو بتایا کہ عمران خان اپنے خلاف درج مقدمات میں شامل تفتیش نہیں ہوئے۔عدالت میں پی ٹی آئی چیئرمین کی نمائندگی بیرسٹر سلمان صفدر نے کی، انہوں نے دلائل دیتے ہوئے کہا کہ سابق وزیراعظم کو ان کے خلاف درج تمام 6 ایف آئی آرز میں ایک جیسے الزامات کا سامنا ہے، پولیس ان معاملات میں عمران خان کی تحقیقات کے لیے اقدامات نہیں کر رہی۔تفتیشی افسر نے عدالت کو بتایا کہ بشریٰ بی بی شامل تفتیش نہیں ہوئیں،۔

کراچی (پی پی آئی) عالمی شہرت یافتہ گلوکار نصرت فتح علی خان کی 26ویں برسی بدھ کو منائی  گئی، اس سلسلے میں شوبز حلقوں  نے تقریبات کا اہتمام کیا  جس میں نصرت فتح علی خان کی فنی خدمات کو خراج عقیدت پیش کیا گیا، پی پی آئی کے مطابق نصرت فتح علی خان کا انتقال 17اگست 1997کو ہوا، وہ 13اکتوبر 1948 کو فیصل آباد میں پیدا ہوئے تھے، ان کے والد استاد فتح علی خان اور چچا استاد مبارک علی خان اپنے دور کے مشہور قوال تھے۔

 اسلام آباد (پی پی آئی) شوبزکی معروف اداکارہ اور ماڈل علیزے شاہ کے خلاف مبینہ طور پر تشدد اور دھمکیاں دینے پر قانونی کارروائی کی درخواست دائر کر دی گئی ہے۔پی پی آئی کے مطابق اسلام آباد کے تھانہ ویمن مرکزجی سیون میں ٹی وی ایکٹر منسا ملک نے درخواست میں موقف اختیار کیا ہے کہ  علیزینے ڈرامے کی شوٹنگ کے دوران انہیں تشدد کا نشانہ بنانے کی کوشش کی اور ان کی طرف جلتا سگریٹ پھینکا،درخواست گزارنے دعویٰ کیا  کہ علیزے شاہ نے انہیں کمرے میں جوتیوں کے ساتھ مارا اور اس دوران علیزے منشیات استعمال بھی کر رہی تھی۔ درخواست میں مزید کہا گیا کہ ’ایور ریڈی پروڈکشن ’‘  کی جانب سے پہلے بھی اداکارہ کے خلاف ایف آئی آر درج کروائی جا چکی ہے۔ منسا ملکنے استدعا کی  کہ علیزے  کے خلاف کارروائی کرتے ہوئے مجھے سیٹ پر شوٹنگ کے دوران سکیورٹی فراہم کی جائے۔