لاہور(پی پی آئی)سی ٹی ڈی نے بروقت کارروائی کرتے ہوئے لاہور سے کالعدم تنظیم کے کمانڈر قاسم افغانی سمیت 5 دہشتگرد گرفتار کرلیا۔ پی پی آئی کے مطابق سی ٹی ڈی کا بتانا ہے کہ دہشتگردوں کی شناخت آغا، نعمان، عطاالرحمان، اسامہ، شاہنواز، سیفان، صفدر، عبدالحق اور قاسم افغانی کے نام سے شناخت ہوئی ہے۔ حکام کا کہنا ہے کہ دہشت گرد اہم تنصیبات پر حملے کی منصوبہ بندی کر رہے تھے،
افریقن نیشنز کپ کی میزبانی افریقی ملک ایکواٹورئیل گوئٹیا کے سپرد
انڈر 19پریمئرلیگ:افغانستان اور ملائیشیا نے اپنے اپنے میچ جیت لیے
انٹرنیشنل باکسنگ ایسوسی ایشن نے باکسنگ انڈیا کو مستقل رکنیت دے دی
انگلش فٹ بال کلب چیلسی کو ریکارڑ 18.4ملین پاﺅند منافع
ٹی ٹوئنٹی کرکٹ:ولنگٹن نے آکلینڈ کو چھے وکٹوں سے ہرادیا
اے بی ڈی ولیئرز ون ڈے میں تیزترین سات ہزار رنز بنانے والے بیٹسمین
تازہ ترین خبریں
- April 23, 2026
- April 22, 2026
اشتہار
تازہ ترین
بلڈنگ مٹیریل کی قیمتوں میں ہوشربا اضافے سے تعمیراتی کام متاثر
کراچی (پی پی آئی)ملک میں حالیہ مہنگائی کے پیش نظر ہر بلڈنگ میٹریل بھی عوام کی پہنچ سے دور ہوگیا ہے،سیمنٹ،سریا،بجری اور اینٹوں کی قیمتں آسمان کو چھو رہی ہیں۔پی پی آئی کے مطابق بلڈنگ مٹیریل مہنگانے ہونے کی وجہ سے شہریوں نے تعمیراتی کام رکوا دئیے ہیں،ملک میں سیمنٹ کی بوری 1200روپے، سریا 270روپے فی کلو، اینٹ فی ہزار 15000روپے، بجری 125فی فٹ ریت کا ٹرالا 18000روپے کا ہو چکا ہے۔مٹیریل مہنگا ہونے کے بعد تعمیراتی کام بند ہونے کی وجہ سے مزدور طبقہ پریشانی میں مبتلا ہے۔بڑھتی مہنگائی اور بلڈنگ مٹیریل مہنگانے ہونے باعث مستریوں نے اپنی اجرت میں بھی اضافہ کردیا۔
آف شور اکاؤنٹس میں پاکستانیوں کے 19 ارب 20 کروڑ ڈالرز موجود
اسلام آباد (پی پی آئی)ٹیکس چوری کے حوالے سے جاری ”گلوبل ٹیکس کمیشن رپورٹ“ میں کہا گیا ہے کہ آف شور اکاؤنٹس میں پاکستانیوں کے 19 ارب 20 کروڑ ڈالرز موجود ہیں، اس میں آدھی سے زیادہ رقم سے دبئی میں رئیل اسٹیٹ کے اندر سرمایہ کاری کی گئی ہے۔ پانامہ لیکس کے بعد پاکستانیوں نے بھاری رقم سوئس بینک سے منتقل کی ہیں۔پی پی آئی کے مطابق ماہر مالیاتی امور ڈاکٹر اکرام الحق نے کہا ہے کہ بینفیشل آف شور کا قانون پاکستان میں بھی نافذ کیا گیا کہ اگر آپ کا باہر کسی بھی کمپنی میں کوئی بینیفیشل انٹرسٹ ہے چاہے وہ ٹرسٹ کی شکل میں ہو یا آف شور کمپنی کی صورت میں تو آپ اس کو ڈیکلئر کردیں، اس کی حد رکھی گئی تھی کہ 10 فیصد بھی آپ کا انٹرسٹ ہے تو آپ کو اسے سکیورٹی اینڈ ایکسچینج کمیشن اور انکم ٹیکس کے ریٹرن میں ڈیکلئر کرنا ہو گا۔ایک انٹرویو میں اکرام الحق نے کہا کہ چونکہ ”گلوبل ٹیکس کمیشن رپورٹ“پرانی ہے اسلئے اس میں بیان کردہ اعداد کم ہیں، یہ بہت زیادہ ہو سکتے ہیں، پاکستانیوں کی صرف ڈیکلئیرڈ رقم ہی اس سے زیادہ ہے۔ڈاکٹر اکرام الحق نے کہا کہ ہمیں ابھی ورجن آئی لینڈ کے بارے میں تو پتہ بھی نہیں، کیونکہ یکم جنوری 2024 سے دنیا میں ایک نیا قانون نافذ ہوگا جس میں ان ٹیکس ہیونز کا ڈیٹا ملنے کا امکان ہے۔ پانامہ لیکس میں جن 475 لوگوں کے نام آئے تھے انہوں نے 2018-19 میں ایمنسٹیز کے ذریعے سب وائٹ کرلیا۔ان کا کہنا تھا کہ اس سے بہت بڑی کھلبلی مچے گی، جنوری میں پانامہ سے بہت بڑا اسکینڈل آنے کو تیار ہے۔
پی آئی اے فلائٹس کی منسوخی سے گلگت، اسکردو میں سینکڑوں سیاح پھنس کر رہ گئے
اسلام آباد (پی پی آئی) پاکستان انٹرنیشنل ایئرلائن (پی آئی اے) کے حالیہ پیٹرول کرائسسز کے باعث فلائٹس کینسل ہونے کی وجہ سے سینکڑوں کی تعداد میں سیاح گلگت اور اسکردو میں پھنس کے رہ گئے ہیں ان میں پاکستانی سیاحوں کے ساتھ ساتھ بیرون ملک سے آئے ہوئے سیاح بھی شامل ہیں۔ پی پی آئی کے مطابق پی آئی اے کی فلائٹس کینسل ہونے کی وجہ سے بیرون ملک سے آئے سیاحوں کی انٹرنیشنل ریٹرن فلائٹس یعنی واپسی کا شیڈول بری طرح متاثر ہو رہا ہے۔جس وزیرمملکت برائے سیاحت وصی شاہ نے نوٹس لے کر فوری کارروائی کرتے ہوئے پی آئی اے کے اعلیٰ حکام سے رابطہ کیااور اس مسئلے کے فوری حل کی ہدایت کردی، اس قسم کے مسائل سے خاص طور پہ ٹورازم انڈسٹری بری طرح متاثر ہوتی ہے۔ پی آئی اے حکام کی جانب سے وزیر مملکت وصی شاہ کو یقین دلایا گیا کہ اگلے چند دنوں میں خصوصاً اس سیکٹر پر معمول کی فلائٹس کو یقینی بنایا جائے گا تاکہ سیاحوں کو کسی قسم کی دشواری نہ ہو۔
تلاش کریں
خبریں
افریقن نیشنز کپ کی میزبانی افریقی ملک ایکواٹورئیل گوئٹیا کے سپرد
(November 14, 2014)
قاہرہ:افریقن فٹ بال کنفیڈریشن نے مراکش کے انکار کے بعد افریقن نیشنز کپ کی میزبانی افریقا کے چھوٹے سے ملک ایکواٹورئیل گوئنیا کو سونپ دی۔ مراکش نے ایبولا وائرس کے خوف سے ٹورنامنٹ کو ملتوی کرنے کی درخواست کی تھی جس سے کنفیڈریشن نے مسترد کرتے ہوئے میزبانی جنوبی افریقی ملک کو دے دی۔ ایکواٹورئیل گوئینیا تیل کی دولت سے مالا مال ملک ہے جہاں کی زیادہ تر آبادی ہسپانوی زبان بولتی ہے، ایکواٹورئیل گوئینیا نے 2012میں ہمسایہ ملک گابون کے ساتھ مشترکہ طورپر فائنل کی میزبانی کی تھی تاہم اب 16ملکوں کی ٹیموں کی میزبانی اکیلے ان کو دی گئی ہے جہاں صرف دو اسٹیڈیم بین الاقوامی معیار کے ہیں،دوسری جانب سے یہ ابھی تک واضح نہیں ہوسکاہے کہ نئے میزبان ملک اس ذمہ داری کو اکیلے نبھا سکتاہے یا نہیں،یاد رہے ایکواٹورئیل کو شروع میں غلط بیانی پر نااہل قرار دیا گیاتھا۔ افریقن نیشنز کپ 17جنوری سے8فروی تک کھیلاجائے گا۔
انڈر 19پریمئرلیگ:افغانستان اور ملائیشیا نے اپنے اپنے میچ جیت لیے
(November 14, 2014)
کویت سٹی: ایشین کرکٹ کونسل انڈر 19پریمئر لیگ کے میچوں میں ملائیشیا اورافغانستان نے اپنے اپنے میچوں میں کامیابی حاصل کرلی۔ کویت کے دارالحکومت میں کھیلے گئے 10ویں میچ میں ملائیشیا نے سعودی عرب کو دس وکٹوں سے شکست دے دی،سعودی عرب کی ٹیم نے پہلے کھیلتے ہوئے 26ویں اوور میں صرف 39رنز بناکر آﺅٹ ہوگئی،سعودی عرب کی جانب سے کوئی بھی بیٹسمین ڈبل فیگر میں داخل نہیں ہوسکا ،ملائیشیا کے ویراندریپ سنگھ نے تین وکٹیں حاصل کیں، ملائیشیا نے ہدف چھٹے اوور میں بغیر کسی نقصان کے پورا کرلیا۔انڈر 19پریمئر لیگ کے 11ویں میچ میں افغانستان نے نیپال کو5وکٹوں سے شکست دے دی۔ نیپال نے پہلے بیٹنگ کی اور 134رنز کا ہدف دیا ،افغانستان کے راشدخان نے چار وکٹیں حاصل کیں ، جواب میں افغانستان کی ٹیم نے 36اوورمیں شاہداللہ کے شان دار52رنز کے ذریعے ہدف مقرری اوور سے پہلے حاصل کیا۔
انٹرنیشنل باکسنگ ایسوسی ایشن نے باکسنگ انڈیا کو مستقل رکنیت دے دی
(November 14, 2014)
جیجو، جنوبی کوریا: انٹرنیشنل باکسنگ ایسوسی ایشن نے باکسنگ انڈیا کو ورلڈ باڈی کا مستقل رکن بننے کی منظوری دے دی۔ جنوبی کوریا کے شہر جیجو میں منعقدہ انٹرنیشنل باکسنگ ایسوسی ایشن کے کانگرس کو اجلاس ہوا جس میں بھارت کو ورلڈ باڈی میں مستقل رکنیت دینے کی منظوری دی گئی۔ باکسنگ انڈیا کے صدر سندیپ جاجوڈیا کا کہنا ہے کہ ہمیں اس تازہ پیش رفت پر بہت خوشی ہے ،ان کا کہناہے کہ ہماری پہلی ترجیح بھارت کی وزارت کھیل سے اس کی منظوری اور انڈین اولمپک ایسوسی ایشن کی رکنیت حاصل کرناہے۔ باکسنگ انڈیا کے سیکرٹری جنرل جے کوولی کا کہنا ہے کہ فیڈریشن بھارتی باکسروں کو بین الاقوامی مقابلوں میں حصہ لینے کے لیے مدد کرے گی۔
انگلش فٹ بال کلب چیلسی کو ریکارڑ 18.4ملین پاﺅند منافع
(November 14, 2014)
لندن: انگلش فٹ بال کلب چیلسی نے سال میں 18.4ملین پاﺅنڈ منافع کمانے کا اعلان کردیا۔ چیلسی نے جمعے کواعلان کیا کہ کلب کوایک کروڑ 84لاکھ پاﺅنڈ منافع حاصل ہوا ہے یہ ان کا تیسرے سال میں دوسرا سنگ میل ہے جبکہ 30جون کو مالی سال کے اختتام تک 31کروڑ 9لاکھ اور 80ہزار پاﺅنڈ کا ٹرن اوور ہوگا۔دوسال قبل چیلسی نے1.4ملین پاﺅنڈ کامنافع ہوا تھا اور جبکہ نمو میں 255.8سے اضافہ گزشتہ پانچ سالوں کا تسلسل ہے۔ چیلسی انگلش پریمئر لیگ کے رواں سیزن میں 11میچ کھیل کر29پوائنٹس کے ساتھ سرفہرست ہے۔
ٹی ٹوئنٹی کرکٹ:ولنگٹن نے آکلینڈ کو چھے وکٹوں سے ہرادیا
(November 14, 2014)
آکلینڈ:نیوزی لینڈ کے ڈومیسٹک ٹورنامنٹ میں ولنگٹن نے آکلینڈ کو 6وکٹوں سے شکت دے دی۔آکلینڈ نے پہلے بیٹنگ کرتے ہوئے مقررہ 20اوور میں کولن مونروکے جارحانہ 52رنز کے بدولت سات وکٹوں کے نقصان پر 175رنز بنائے۔ولنگٹن نے مطلوبہ ہدف ایک اوور قبل چار وکٹوں کے نقصان پر حاصل کرلیا۔ ولنگٹن کی جانب سے آسٹریلوی بیٹسمین بریڈ ہوج نے 42گیندوں پر سات چھکوں کی مددسے ناقابل شکست 84رنز بنائے۔
اے بی ڈی ولیئرز ون ڈے میں تیزترین سات ہزار رنز بنانے والے بیٹسمین
(November 14, 2014)
پرتھ:جنوبی افریقا کے ون ڈے کپتان اے بی ڈی ولیئرز تیز ترین 7ہزار رنز بنانے والے بیٹسمین بن گئے۔ پرتھ میں آسٹریلیا کے خلاف سیریز کے دوسرے ون ڈے میچ میں اے بی ڈی ولیئرز نے کیرئر کے 7ہزار رنز مکمل کئے اور وہ یہ کارنامہ انجام دینے والے تیزترین بیٹسمین بھی بن گئے، اسے قبل یہ ریکارڑ بھارت کے سابق کپتان سارو گنگولی کے پاس تھا جنھوں نے 174اننگز میں سات ہزار رنز بنائے تھے۔ اے بی ڈی ولیئرز نے 80رنز بنائے تاہم ان کی یہ اننگز ٹیم کے کام نہیں آسکی اور ٹیم میچ 32رنز سے ہار گئی۔ آسٹریلیا نے جنوبی افریقا کو 301رنز کا ہدف دیاتھا ۔آسٹریلیا ون ڈے کی پہلی اننگزمیں سب سے زیادہ3سورنزبنانے والی دوسری ٹیم ہے ، بھارت نے 82دفعہ جبکہ آسٹریلیا نے 78مرتبہ تین سو کا ہندسہ ترتیب دیاتاہم آسٹریلیا نے68مرتبہ کامیابی سمیٹی بھارت نے صرف 66مرتبہ جیت اپنے نام کی۔