ٹوکیو: جاپان نے ورلڈ کپ کے آخری وارم اپ میچ میں اعصاب شکن مقابلے کے بعد زیمبیا کو تین کے مقابلے میں چار گول سے ہرا دیا۔میچ کے پہلے ہاف میں جاپان 2صفر کے خسارے میں تھا تاہم دوسرے ہاف میں عمدہ کھیل اور اسٹرائیکر یوشیٹو اوکو بو کے آخری لمحات میں گول نے میچ جیتنے میں اہم کردار اد ا کیااور جاپان نے زیمبیا کو 4-3سے شکست دے دی۔

ساﺅ پاﺅلو: سوئٹزرلینڈ اور کولبمیا کی فٹ بال ٹیمیں ورلڈ کپ میں شر کت کے لیے برازیل پہنچ گئیں۔سوئٹزرلینڈ کی ٹیم پورٹو سیگورو میں قیام پذیر ہوگی جبکہ کولمبیا کی ٹیم سٹی آف کوٹیا میں قیا م کر ے گی۔سوئٹزرلینڈ اپنا پہلا میچ 15جون کو ایکواڈور کو کھیلا گے ،کولیمبیا 14جون کو گروپ سی میں یونان کے خلاف پہلا میچ کھیلے گا۔

جمیکا: نیوزی لینڈ کے خلا ف پہلے ٹیسٹ کے لیے ویسٹ انڈیز ٹیم میں فاسٹ بولر جیسن ہولڈر کی واپسی ہوئی ہے ۔ اتوار کو شروع ہو نے والے ٹیسٹ میچ کے لیے ویسٹ انڈیز کے دستے کا اعلان کر دیا گیا جس میں اسٹار بیٹسمین کرس گیل کی شرکت فٹنس مسائل کے باعث مشکوک ہے تاہم انھیں اسکواڈ میں رکھا گیا ہے ، کرس گیل کیرئر کے 100ویں ٹیسٹ کھیلنے کے لیے بے تاب ہیں ۔14رکنی اسکواڈ میںچار فاسٹ بولر جیسن ہولڈر ، کیماروچ ، شینن گیبرئیل اور جیروم ٹیلر کو شامل کیا گیا ہے ۔ ویسٹ انڈیز کے حتمی اسکواڈ میں دنیش رامدین (کپتان) ، سلیمان بن،کریگ بریتھویٹ، ڈیرن براوو، شیو نرائن چندر پال ، کرک ایڈورڈ ز،شینن گیبرئیل ، کرس گیل ، کیران پاﺅل ، کیماروچ ، مالن سیموئلز،شین شیلنگفرڈ ،جیروم ٹیلر اور جیسن ہولڈر شامل ہیں۔

لندن: انگلینڈ کرکٹ ٹیم رواں سال نومبر ،دسمبر میں سات ون ڈے میچوں پر مشتمل دو طرفہ سیریز کھیلنے کے لیے سری لنکا کا دورہ کر ے گی۔سیریزکے تما م میچ کولمبو ، پالی کیلے اور ہمبنٹوٹا میں کھیلے جائیں گے،چار ون ڈے ڈے اینڈ نائٹ کھیلے جائیں گے۔فیوچر ٹور پلان کے مطابق پانچ ون ڈے اور دو ٹی ٹوئنٹی میچ کھیلے جانے تھے لیکن دونوں ٹی ٹوئنٹی میچوں کو ون ڈے میں بدل میں دیا گیا ۔سیریز کا آغاز 26نومبر کو ہوگا جبکہ آخری میچ 16دسمبر کوکھیلا جائے گا۔