حیدرآباد: صوبائی مشیر برائے خزانہ سید مراد علی شاہ نے کہا ہے کہ ہم ٹریفک قوانین پر عمل کر کے ٹریفک حادثات کی شرح اموات کم کرسکتے ہیں ،دہشت گردی میں ہلاک ہونے والوں سے 4 فیصد سے زیادہ افراد سالانہ ٹریفک حادثات میں جاں بحق ہو جاتے ہیںجو کہ باعث تشویش ہے ۔ ان خیالات کا اظہار انھوں نے آج مہران انجینیرنگ یونیورسٹی جامشورو کے مین آڈیٹوریم میں نیشنل ہائی ویز اور موٹروے پولیس کی جانب سے روڈ سیفٹی کے موضو ع پر منعقدہ سیمینار سے خطاب کرتے ہوئے کیا ۔ تقریب میں آئی جی نیشنل ہائی ویز اینڈ موٹر وے پولیس ذوالفقار علی چیمہ ، ڈویژنل کمشنر حیدرآباد جمال مصطفی سید ، ڈی آئی جی پولیس حیدرآباد ریجن ثنا اللہ عباسی ، ڈی آئی جی موٹر وے پولیس اے ڈی خواجہ ، وائس چانسلر مہران یونیورسٹی ڈاکٹر اسلم عقیلی ، ڈپٹی کمشنر جامشورو سہیل ادیب بچانی ، ایس ایس پی جامشورو سید وصی حیدر کے علاوہ طلبا و طالبات کی بڑی تعداد نے بھی شرکت کی ۔ سیمینار سے خطاب کرتے ہوئے صوبائی مشیر نے کہا کہ اس حسا س موضوع کو فراموش نہیں کرنا چاہیے کیوں کہ روڈ حادثات میں زیادہ تعداد نوجوانوں کی ہے جو کہ ہمارے ملک کا مستقبل ہیں ۔ انھوںنے کہا کہ حادثات میں کمی کے لیے ہم سب کو مل کر کام کرنا ہو گا اور ایسے آگاہی سیمینار ، واک اور دیگر پروگراموں کے ذریعے عوام کو ٹریفک کے قوانین سے آگاہ کرنا ہو گا اور ٹریفک پولیس کو بھی چاہیے کہ وہ ٹریفک قوانین پر عملدر آمد کو یقینی بنائیں ۔ اس موقع پر ڈویژنل کمشنر حیدرآباد جمال مصطفی سید نے کہا کہ ہر سال ٹریفک حادثات میں 12 ہزار سے زائد افراد ہلاک جب کہ 50 ہزار کے قریب زخمی ہوتے ہیں جوکہ انتہائی تشویش کی بات ہے ۔ انھوں نے کہا کہ ہم اپنی موثر حکمت عملی کے ذریعے ایسے حادثات پر قابو پاسکتے ہیں جس کے لیے ہماری سڑکیں معیار ہونی چاہیے اور عوام کو ٹریفک کے قوانین ضوابط سے متعلق معلومات ہونا چاہیے جب کہ 80 فیصد حادثات ڈرائیورز کی غفلت کے باعث ہوتے ہیں ۔اس موقع پر آئی جی نیشنل ہائی وےز اینڈ موثر وے پولیس ذوالفقار علی چیمہ ، ڈی آئی جی حیدرآباد ثنا اللہ عباسی ، وائیس چانسلر مہران یونیورسٹی ڈاکٹر اسلم عقیلی نے سیمینار سے خطاب کرتے ہوئے کہا کہ باعث قوم ہم ٹریفک قوانین سے واقف نہیں ہیں جب کہ میڈیا نے بھی اس حساس معاملے کو فراموش کیا ہوا ہے ۔ جس طرح میڈیا دیگر امور پروگرام نشر کرتا ہے اسی طرح ٹریفک قوانین سے متعلق عوام میں آگاہی بیدار کرنے میں پروگرامز نشر کرے ۔

کراچی: ماں اور نوزائیدہ بچوں کی صحت کے پروگرام ایم این سی ایچ سندھ کی پروگرام منیجر ڈاکٹر صاحب جان بدر کا کہنا ہے کہ ضلع تھرپارکر میں تعینات کمیونٹی مڈوائفز نے سینکڑوں ماوں اورنومولود بچوں کو دوران زچگی موت کے منہ سے بچایا ہے ورنہ قحط کی موجودہ صورت حال میں ہونے والی اموات کئی گنا زیادہ ہوتیں۔وہاں تعینات صرف 35 کمیونٹی مڈ وائفز نے صرف گزشتہ سال 2013 کے دوران 1600 زچگیاں اپنی نگرانی میں کرائی ہیں جس کی وجہ سے مائیں زچگی کی ممکنہ پیچیدگیوں ، اموات اور نومولود بچے بھی بچ گئے ہیں۔ ڈاکٹر صاحب جان بدر نے کہا کہ وہ اپنی ٹیم کے ساتھ مٹھی میں موجود ہیں اور صورت حال میں بہتری کے لیے اپنا کردار ادا کر رہی ہیں۔ انھوں نے کہا کہ تھرپارکر میں سب سے بڑامسئلہ، خوراک، غذائیت اورصاف پانی کی عدم فراہمی ہے۔ انھوں نے بتایا کہ گزشتہ ایک سال کے دوران ان کے ایم این سی ایچ پروگرام کے تحت تربیت دینے کے بعد 35 کمیونٹی مڈوائفز کو پورے ضلع میں دور دراز گاوں میں تعینات کیا گیا ہے جہاں انہوں نے پورے سال کے دوران 1600 زچگیاں اپنی نگرانی میں کرائی ہیں۔ ان ماوں کو بچے کی پیدائش سے قبل معائنے اور دیکھ بھال کی سہولت بھی فراہم کی گئی۔ ان کمیونٹی مڈوائفز نے 8 ہزار 192 اینٹی نیٹل چیک اپ، 98 پوسٹ نیٹل چیک اپ کیے اور 203 ماوں کو بہتر طبی مرکز کو ریفر کیا۔ ایم این سی ایچ سندھ کی پروگرام منیجر ڈاکٹر صاحب جان نے بتایا کہ ان کمیونٹی مڈوائف ز نے 1407 خاندانوں کو فیملی پلاننگ کی خدمات فراہم کیں جبکہ ٹی ٹی ون ٹیکے کے لیے 171 اور ٹی ٹی ٹو کے لیے 1707ماوں کو قریبی بڑے طبی مرکز بھیجا۔ انہوں نے کہا کہ ضلع تھرپارکر کی 44 یونین کونسلز میں 13 لاکھ سے زائد آبادی رہائش پذیر ہے۔ انہیں ان 35 کمیونٹی مڈ وائف ز سے طبی سہولیات نہیں دی جا سکتیں، ضروری ہے کہ ہر 5 ہزار کی آبادی کے لیے ایک تربیت یافتہ کمیونٹی مڈوائف دستیاب ہو۔ انھوں نے کہا کہ ان کمیونٹی مڈوائفز کی وجہ سے اس ضلع میں دوران زچگی ماوں اور نومولود بچوں کی شرح اموات میں بہت کمی آئی ہے ورنہ موجودہ صورت حال میں یہ اموات کئی گنا زیادہ ہو سکتی تھیں۔ اس بہتر کارکردگی پر کمیونٹی مڈوائفز خراج تحسین کی مستحق ہیں۔ انھوں نے کہا کہ ضلع تھرپارکر کے گاوں و دیہات میں پڑھی لکھی حتیٰ کہ میٹرک پاس لڑکی ملنا بھی بہت مشکل ہے۔ انہوں نے کہا کہ ایم این سی ایچ پروگرام کمیونٹی مڈ وائفز اور لیڈی ہیلتھ ورکرز کے ذریعے صحت مند بے بی کی خوراک کے لیے بھی کام کرے گا۔

میرپورخاص: تھر پا رکر کے بعد میر پو ر خاص میں بھی بچوں میں وبائی امراض پھو ٹ پڑے، مختلف امراض میں مبتلا 50 سے زائد بچوں کو سول اسپتال میں داخل کرادیا گیا۔ تفصیلات کے مطابق تھر پا ر کر کے بعد میر پو ر خاص ڈسٹر کٹ کے بچوں میں بھی وبائی امراض پھو ٹ پڑے، سول اسپتال میں اےک سال سے پانچ سال تک کی عمر کے 50 بچوں کو ایک ہی روز میں داخل کردےا گیا سول اسپتال میں داخل کئے جانے والے بچوں میں سانس ،نمونےا ،ڈائرےا سمےت دےگر بےمارےوں میں مبتلا بچوں کی اےک بڑی تعداد موجو د ہے ۔میرپورخاص سول اسپتال میں انتظامات کے فقدان کے سبب ایک ایک بیڈ پر چار چار بچوں کا علاج کیا جارہا ہے جبکہ دواﺅںکی قلت اور سانس کے مر ض میں مبتلا بچوں کو انکیوبیٹر مشےن میں رکھنے کی سہولےات بھی موجو د نہےں ہے جبکہ اسپتال میں داخل بچوں میں تھر پا ر کر اور عمرکو ٹ سے آنے والے بچے بھی شامل ہےں جنھےں تھر پا ر کر اور عمرکو ٹ کے اسپتالو ں میںعلاج کی سہولےا ت فراہم نہ ہونے کے باعث سول اسپتال میر پو ر خاص میں داخل کیا گیا ہے، شہریوں نے حکومت سے مطالبہ کیا ہے کہ سول اسپتال میں بچوں کے علاج کی بہتر سہولیات فراہم کی جائیں تاکہ یہاں کے بچوں کی زندگیوں کو بچایا جا سکے ۔