لاہور:پاکستان کرکٹ ٹیم کے بیٹسمین فواد عالم نے کہا ہے کہ اگلے ماہ آسٹریلیا سے سیریز کانٹے دار ہوگی تاہم متحدہ عرب امارات میں سازگار پچز اور اچھے اسپنرز کی موجودگی میں پاکستان کی جیت کے امکانات روشن ہیں۔ 4 مرتبہ کی عالمی چمپیئن ٹیم سے سخت سیریز کھیل کر قومی ٹیم کے کھلاڑیوں کا اعتماد بڑھ چکا ہے۔آسٹریلیا کے خلاف میچ میں تمام کھلاری بہترین کارکردگی کا مظاہرہ کریں گے ۔ ان کا مزید کہنا تھا کہ ورلڈ کپ 2015کے لیے قومی ٹیم پوری طرح تیار ہیں۔

سڈنی:آسٹریلین آل را ؤنڈر بین کٹنگ نے بیگ بیش لیگ کی ٹیم برس بین کے ساتھ تین سال معاہدہ کرلیاہے۔بین کٹنگ کے معاہدے پر ٹیم انتظامیہ نے خوشی کا اظہار کرتے کوئے کہا ہے کہ نوجوان آل را ؤنڈر نے ہمیں بہترین سٹرائیک پاور دیا ہے ،معاہدہ کرنے کے بعد بین کٹنگ کو تمام قانونی کارروائیوں کو مدنظر رکہنا ہوگا ،آل را ؤنڈر بین کٹنگ نے برس بین کے ساتھ کئے گئے معاہدے پر خوشی کا اظہار کرتے ہوئے کہا کہ یہ میں ٹیم میں انظامیہ کا مشکور ہوں کہ انھوں نے مجھ پر اعتماد کیا ان کا کہنا تھا کہ وہ برس بین کی طرف سے بہترین کارکردگی کا مظاہرہ کرتے رہیں گے۔

انچیون:ایشین گیم2014 میں چائینہ ویمنز کرکٹ ٹیم نے جاپان ویمنز کرکٹ ٹیم کو 7وکٹوں سے شکست دے کرایشین گیم ویمنز کمپیٹیشن کے سیمی فائینل میں جگہ بنالی۔جاپان ویمنز کرکٹ ٹیم نے پہلی بیٹنگ کرتے ہوئے مقررہ 20اور ز میں ساتھ وکٹوں کے نقصان پر چائینہ کو 71رنز کا آسان حدف دیا ۔جاپان کی طرف سے بہترین بیٹنگ کا مطاہرہ کرتے ہوئے چہیرو 25رنز کے ساتھ ٹاپ اسکورر رہی جبکہ ووجوان نے 11رنز کے عوض 3وکٹیں حاصل کی ۔چائینہ ویمنز کرکٹ ٹیم نے دوسری بیٹنگ کرتے ہوئے 18.3اوررز میں 3وکٹوں کے نقصان پر مطلوبہ حدف مکمل کیا ، چائینہ کی طرف سے زہانگ می 23رنز کے ساتھ ٹاپ اسکورر رہی۔

کراچی: پی سی بی کی جانب سے قومی ٹی ٹوئنٹی کرکٹ کپ کے موقع پر کھلاڑیوں کو انسداد بدعنوانی کے حوالے سے لیکچرز دیئے گئے۔ گزشتہ چار سال میں پاکستان کے چار معروف کھلاڑی بدعنوانی کی زد میں آکر اپنے کرکٹ کیریئر کا خاتمہ کر چکے ہیں،ان میں سلمان بٹ،محمد آصف اور محمد عامر اسپاٹ فکسنگ اسکینڈل میں دھر لئے گئے تھے جبکہ اسپنر دانش کنیریابھی کاونٹی کرکٹ میں اسپاٹ فکسنگ کے الزام کی زد میں آئے۔ آئندہ سال ورلڈ کپ کو مدنظر رکھتے ہوئے بورڈ نے فیصلہ کیا ہے کہ تجربہ کار اور نوآموز تمام کھلاڑیوں کو اینٹی کرپشن لیکچرز دیئے جائیں گے۔ قومی ٹی ٹوئنٹی کپ کے دوران سیالکوٹ اسٹالینز، کوئٹہ بیئرز، حیدرآباد ہاکس، کراچی ڈولفنز، راولپنڈی ریمز اور کراچی زیبراز کے کھلاڑیوں نے ان لیکچرز میں شرکت کی جن کی نگرانی پاکستان کرکٹ بورڈ کے سیکیورٹی منیجرمیجر (ر) اظہر عارف کررہے تھے۔ لیکچرز میں سہیل تنویر، سرفراز احمد، محمد سمیع، عبد الرحمٰن، انور علی، خرم منظور، خالد لطیف، بلاول بھٹی ،شرجیل خان سمیت تمام کھلاڑیوں نے شرکت کی۔ واضح رہے آل راونڈر شاہد خان آفریدی لیکچرز سے غیر حاضر رہے۔

کراچی:گیارہویں پاکستان پریمیئر فٹ بال لیگ میں مزید دو میچوں کے فیصلے ہو گئے ہیں۔جس میں مسلم ایف سی کیلئے محمد حنیف نے ہیٹرک بھی سکور کی۔ کراچی پورٹ ٹرسٹ اسٹیڈیم میں کھیلے گئے ایونٹ کے میچز میں میزبان کراچی پورٹ ٹرسٹ نے پاکستان انٹرنیشنل ایئرلائن کو دو گول جبکہ مسلم فٹ بال کلب نے بلوچ ایف سی کو تین، صفر سے ہرا دیا۔