اسلام آباد (پی پی آئی) پاکستان تحریک انصاف کے چیئرمین عمران خان کیخلاف 190 ملین پاؤنڈز کی کرپشن کی تحقیقات میں نیب نے سابق وفاقی وزیر علی امین گنڈا پور کو بھی شامل تفتیش ہونے کیلئے طلب کر لیا۔پی پی آئی کے مطابق ڈی پی او ڈیرہ اسماعیل خان کی وساطت سے نیب راولپنڈی نے علی امین گنڈہ پور کو 13 ستمبر کو نیب کی سنٹرل انویسٹی گیشن ٹیم کے سامنے پیش ہونے کا نوٹس بھیجوا دیا ہے، نوٹس میں کہا گیا ہے کہ 3 دسمبر2019 کو کابینہ کے جس اجلاس میں سابق وزیراعظم بند لفافہ میں موجود خفیہ معاہدہ کے ذریعے 190 ملین پاؤنڈ کی رقم کو قومی خزانہ کی بجائے ذاتی مفاد میں کھپانے کے لئے کابینہ کی منظوری لے رہے تھے تو آپ بھی کابینہ کے اس اجلاس میں موجود تھے۔ اس لئے آپ شامل تفتیش ہو کر اس معاملہ میں اپنا بیان ریکارڈ کرائیں۔
بنگلہ دیش کرکٹ بورڈ نے پاکستانی کھلاڑیوں کیلئے دروازے بند کردئیے
زمبابوے کیخلاف سیریز جیتنے والے فاتح کھلاڑی وطن واپس پہنچ گئے
حکومتی عدم دلچسپی ، ایشین انڈر 16فٹبال ایونٹ کا انعقاد خطرے میں پڑگیا
پاکستان اور زمبابوے کے درمیان ٹیسٹ سیریز کا آغاز آج ہوگا
میر پور خاص : جماعت اسلامی سمیت سماجی رہنماﺅں اور ٹرک اونرز ایسوسی ایشن کی پٹرلیم قیمتوں میں اضافے کی مذمت
سبی: تین سال سے بند چلتن ایکسپریس کی بحالی کے اقدامات
تازہ ترین خبریں
- April 25, 2026
اشتہار
تازہ ترین
نجی ٹیوشن سینٹرز،وکلا اور ڈاکٹروں کی فیسوں میں اضافہ
کراچی(پی پی آئی)پٹرولیم مصنوعات و بجلی کے بلوں کے آفٹرشاکس اشیائے خوردونوش کی قیمتوں ہی نہیں وکلا اور ڈاکٹروں کی فیسوں میں اضافہ کی صورت میں بھی سامنے آنے لگے ہیں ۔ کراچی کے نجی اسپتالوں میں فزیشنز اور سرجنز ہی نے نہیں بلکہ کنسلٹنٹس نے بھی معاوضہ بڑھا دئیے ہیں۔دلچسپ بات یہ ہے کہ بڑھائی گئی فیسوں کی رسید جاری نہیں کی جاتی اس طرح اس آمدنی پر ٹیکس بھی حکومت کونہیں ملتا اسی طرح وکلاء اور نجی ٹیوشن سینٹرز نے بھی من مانی فیسیں مقرر کر کے کلائنٹس اور والدیں کو پریشان کردیا ہے۔
آئندہ انتخابات میں نتائج کی وصولی کیلئے الیکشن مینجمنٹ سسٹم تیار
اسلام آباد(پی پی آئی) الیکشن کمیشن کی جانب سے عام انتخابات سے متعلق تیاریاں جاری ہیں، اس حوالے سے آئندہ عام انتخابات میں نتائج کی وصولی کیلئے الیکشن مینجمنٹ سسٹم تیارکرلیا گیا۔پی پی آئی کے مطابق الیکشن کمیشن نے الیکشن مینجمنٹ سسٹم پر الیکشن عملے کی ٹریننگ کا آغاز کردیا ہے، جبکہ ٹریننگ کے حوالے سے تمام صوبائی الیکشن کمشنرز کو بھی مراسلے لکھ دئیے ہیں۔الیکشن کمیشن کے مطابق ای ایم ایس پر آپریٹرز کو 14تا16 ستمبر تک ٹریننگ دی جائے گی، جبکہ ریجنل،صوبائی اورضلعی الیکشن کمشنرز کو جولائی میں ٹریننگ دی جاچکی ہے۔الیکشن کمیشن آئندہ عام انتخابات میں نتائج کی وصولی کیلئے الیکشن مینجمنٹ سسٹم کا استعمال کریگا۔واضح رہے کہ آئندہ عام انتخابات جنوری 2024 کے آخری ہفتے میں کرانے کا فیصلہ کیا گیا ہے۔
پی پی، ن لیگ کو عوام کے غیض و غضب کا علم ہے اسی لئے قیادت بھاگ گئی: شیخ رشید
راولپنڈی ر(پی پی آئی) عوامی مسلم لیگ کے سربراہ شیخ رشید نے کہا ہے کہ پیپلز پارٹی اور (ن) لیگی قیادت کو عوام کے غیض و غضب کا علم ہے، اسی لئے قیادت ملک چھوڑ کربھاگ گئی۔سماجی رابطے کی ویب سائٹ ٹویٹر پر سابق وفاقی وزیر داخلہ شیخ رشید کا کہنا ہے کہ مولانا فضل الرحمان، پیپلزپارٹی پر اور پیپلز پارٹی، نون لیگ پر ملبہ ڈال رہی ہے جبکہ ان نااہلوں کی وجہ سے سارا ملبہ غریب عوام پر گر گیا ہے۔ اصل مسئلہ غربت اور بیروزگاری ہے جس پر نہ کوئی بات کر رہا ہے نہ کوئی توجہ دے رہا ہے۔انہوں نے کہا کہ شہباز شریف اقتدار میں ہو تو سات سات فنکشن کرتا ہے، اقتدار سے اترتا ہے تو سیدھا لندن جاتا ہے اور بیمار ہو جاتا ہے۔ نواز شریف کو پہلے ہی کئی سالوں سے سیاسی بیماری ہے۔ پیپلز پارٹی کی اہم قیادت اور نون لیگ کی اہم قیادت ملک چھوڑ کر جاچکی ہے، اْنہیں قوم کے جذبات اور عوام کے غیض و غضب کا علم ہے۔پی پی آئی کے مطابق شیخ رشید کا مزید کہنا ہے کہ جو لوگ بجلی کے بلوں اور چینی، آٹا کی مہنگائی پر سڑکوں پر آئے ہیں وہ کسی لیڈر یا پارٹی کے کہنے پر نہیں آئے، اپنی بقاکے لیے سڑکوں پر آئے ہیں۔ لوگ اپنے مسائل کے حل کے لیے کسی کی طرف نہیں دیکھ رہے، آسمان کے فیصلے کی طرف دیکھ رہے ہیں کیونکہ مسلہ اب سیاست نہیں رہا، سنگین معاشی حالات بن گیا ہے۔ غربت اور مہنگائی کے ہاتھوں غریب کا چولہا بھی نہیں جل رہا۔
تلاش کریں
خبریں
بنگلہ دیش کرکٹ بورڈ نے پاکستانی کھلاڑیوں کیلئے دروازے بند کردئیے
(September 2, 2013)
ڈھاکا: بنگلہ دیش کرکٹ بورڈ نے دس ستمبر سے شروع ہونے والی ڈھاکاپریمیئر لیگ کے دروازے پاکستانی کھلاڑیوں پر بند کردئیے ۔ بنگلہ دیش بورڈ نے ٹیموں کے مطالبے کے باوجود پاکستان بورڈ سے اجازت طلب کرنے سے انکار کردیا۔پاکستان اور بنگلہ دیش کرکٹ بورڈ کے تعلقات خراب سے خراب ہوتے جا رہے ہیں۔ پاکستانی کھلاڑی جو بڑی تعداد میں ڈھاکہ لیگ کھیلتے تھے،اس بار نہیں جاسکیں گے۔
زمبابوے کیخلاف سیریز جیتنے والے فاتح کھلاڑی وطن واپس پہنچ گئے
(September 2, 2013)
کراچی: زمبابوے کے خلاف ٹی20 اورایک روزہ سیریز میں فتح کے جھنڈے گاڑنے والی فاتح پاکستانی ٹیم کے کراچی سے تعلق رکھنے والے کھلاڑی وطن واپس پہنچ گئے۔ میڈیا کی جانب سے رابطہ کئے جانے کے باوجود شاہد آفریدی بات کئے بغیر ہی گھر روانہ ہوگئے۔زمبابوے کے خلاف ٹی ٹوئنٹی اورایک روزہ سیریز کی تکمیل پر اسٹار آل راو¿نڈر شاہد خان آفریدی اور فاسٹ بولر انور علی ہرارے سے کراچی پہنچ گئے۔ اس موقع پر موجود میڈیا شاہد آفریدی کی تلاش میں سرگرداں رہا لیکن سابق کپتان نے میڈیا سے بات نہ کرنے میں ہی عافیت جانی۔ گھر روانگی کے وقت اسٹار آل راو¿نڈر کافی غصے میں دکھائی دیئے۔ فاسٹ بولر انورعلی نے زمبابوے کے خلاف فتح کو آئندہ کے میچز کے لئے اہم قراردے دیا۔ اسکواڈ میں شامل محمد عرفان، ناصر جمشید، عمر امین،احمد شہزاد، اسد علی اور حارث سہیل لاہور پہنچیں گے۔ زمبابوے کے خلاف دو میچز کی ٹیسٹ سیریز کیلئے پاکستانی اسکواڈ میں شامل ٹیسٹ کھلاڑی زمبابوے پہنچ چکے ہیں ۔
حکومتی عدم دلچسپی ، ایشین انڈر 16فٹبال ایونٹ کا انعقاد خطرے میں پڑگیا
(September 2, 2013)
کراچی( پی پی آئی ) حکومتی عدم دلچسپی کے سبب ایشین انڈر16 کوالیفائنگ فٹبال راﺅنڈ کا کراچی میں انعقاد خطرے میں پڑگیا۔ ایشین فٹبال کنفیڈریشن نے پاکستان کو رواں سال اے ایف سی انڈر16 کوالیفائنگ راونڈ کی میزبانی سونپی۔ چارماہ پہلے پاکستان فٹبال فیڈریشن نے پیپلز فٹبال اسٹیڈیم میں ٹورنامنٹ کرانے کے لیے سندھ حکومت اوربلدیہ عظمی کراچی کو مطلع کیا لیکن پیپلزاسٹیڈیم میں رینجرز کی رہائش کے سبب سب کچھ تباہ ہوچکا ہے نہ میدان سرسبز ہے، نہ اسکور بورڈ سلامت، جبکہ شائقین کے لیے کرسیاں بھی ٹوٹ پھوٹ کا شکار ہیں۔قومی فٹبال ٹیم کے سابق کپتان علی نواز بلوچ کہتے ہیں کہ جب کھیل حکومت کی ترجیحات ہی نہ ہوں تو پھر ایسا ہی ہوتا ہے۔فٹبال کے ایشیائی عہدے داروں نے20 اگست کواسٹیڈیم کا معائنہ کرنا تھا لیکن انہیں اب تک مدعو نہیں کیا گیا۔ اب سرکار کی روایتی سست روی کے سبب شہرقائد آٹھ سال بھی کسی انٹرنیشنل فٹبال ایونٹ کی میزبانی نہیں کرسکے گا۔
پاکستان اور زمبابوے کے درمیان ٹیسٹ سیریز کا آغاز آج ہوگا
(September 2, 2013)
ہرارے: پاکستان اور زمبابوے کے درمیان سیریز کا افتتاحی ٹیسٹ میچ آج (منگل)سے شروع ہو گا۔ دونوں ٹیمیں دوپہر ایک بجے اِن ایکشن ہوں گی۔ دو ٹیسٹ میچوں کی سیریز کے لیے پاکستان اور زمبابوے کی ٹیموں نے اپنی تیاریاں مکمل کر لی ہیں۔ دونوں اسکواڈز نے فتح اپنے نام کرنے کا دعویٰ کیا ہے۔ کپتان مصباح الحق نے کہا کہ ٹی ٹوئنٹی اور ون ڈے سیریز کے بعد اب ٹیسٹ سیریز بھی جیتیں گے۔ دوسری جانب زمبابوے کے کھلاڑیوں کا بورڈ سے میچ فیس تنازع جاری ہے۔ تیسرے ون ڈے سے پہلے انہوں نے اپنی ڈیڈ لائن بڑھاتے ہوئے ٹیسٹ میچوں کے لیے مشروط شرکت کی دھمکی دی تھی۔
میر پور خاص : جماعت اسلامی سمیت سماجی رہنماﺅں اور ٹرک اونرز ایسوسی ایشن کی پٹرلیم قیمتوں میں اضافے کی مذمت
(September 1, 2013)
میرپور خاص: میرپور خاص کی سیاسی ومذہبی ، سماجی رہنماﺅں اور ٹرک اونرز ایسوسی ایشن نے حالیہ پیڑول مصنوعات میں اضافہ مستر د کرتے ہوئے شدید مذمت کی ہے ۔ تفصیلا ت کے مطابق حکومت کی جانب سے پیڑولیم مصنوعات میں حالیہ اضافے کو جماعت اسلامی ، سماجی تنظیموں اور ٹرک اونرز ایسوسی ایشن نے مستر د کردیا ہے۔ جماعت اسلامی میرپورخاص کے امیر افضال احمد آرائیں ، ٹرک اونر ایسوسی ایشن کے علیم قائم خانی ، عزیز الرحمن ، اور مختلف سماجی رہنماﺅں نے کہا ہے کہ حکومت انتخابات سے قبل عوامی خدمت کا بلند و بانگ دعوے کرتی تھی لیکن تین ماہ میں ہی اس حکومت کی کارکردگی عوام پر واضح ہو چکی ہے۔ انھوں نے کہا کہ موجودہ حکومت نے سابقہ حکمرانوں کے ریکارڈ صرف تین ماہ کے دوران ہی توڑ کررکھ دےے ہیں، موجود حکومت نے مسلسل تین ماہ میں تیسری مرتبہ پیڑولیم مصنوعات میں اضافہ کر کے غریب عوام کے ساتھ ظلم و زیادتی کی انتہا کر دی ہے، انھوں نے کہا کہ حکومت ہوش کے ناخن لے اور غریب عوام پر مہنگائی کے بم گرانے کے بجائے عوام کو اپنے وعدے کے مطابق سہولیات دیں ، انھوں نے کہا کہ مسلسل تیسری مر تبہ پیڑولیم مصنوعات میں اضافے کی وجہ سے اشیاءصرف کی قمیتوں میں اور ٹرانسپورٹ کے کرایوں میں اضافہ ہو گا جس سے غریب آدمی ہی سب سے زیادہ متاثر ہوگا ، انھوں نے پیڑولیم مصنوعات میں حالیہ اضافے کو حکومت کی ناکامی قرار دیتے ہوئے وزیراعظم میاں نواز شریف سے مطالبہ کیا ہے کہ وہ عوام سے کیا گیا وعدہ پورا کریں اور ذاتی دلچسپی لے کر عوامی مسائل کے حل اور مہنگائی پر قابوپانے کے فوری اقدامات کریں ۔
سبی: تین سال سے بند چلتن ایکسپریس کی بحالی کے اقدامات
(September 1, 2013)
سبی: تےن سال سے بند چلتن اےکسپرےس کی بحالی کے اقدامات کو حتمی شکل دے دی گئی ۔انتہائی باخبر ذرائع کے مطابق بلوچستان کی عوام کی سفری مشکلات کو مدنظر رکھتے ہوئے وفاقی حکومت نے تےن سال سے زائدعرصے سے بندکوئٹہ سے لاہور براستہ ڈےرہ غازی خان چلنے والی مسافر ریل چلتن اےکسپرےس کو دوبارہ بحال کرنے کا فیصلہ کےا ہے جس کی روشنی مےں مذکورہ مسافر ریل کو15ستمبر سے چلانے کے اقدمات کو حتمی شکل دی گئی ہے ، واضح رہے کہ سابق وزےر اعظم بے نظےر بھٹو کی شہادت کے موقع پر مسافر ریلوںاور اسٹےشنوں کوجلانے کے واقعات کے بعدمحکمہ رےلوے نے انجنوں اور مسافر بوگیوں کی کمی کے باعث کئی مسافرریلوں کو بند کردےا تھا جس مےں بلوچستان سے چلنے والی کوئٹہ، چلتن اےکسپرےس ، نائٹ کوچ بھی شامل تھیں۔ بلوچستان کے عوامی سماجی سےاسی حلقوں نے کوئٹہ سے چلتن اےکسپرےس کی بحالی کا حکومتی فیصلے کا خےر مقدم کرتے ہوئے وفاقی اور صوبائی حکومت سمےت وفاقی وزےر رےلوے سے مطالبہ کےا ہے کہ بلوچستان کی تمام بند مسافر ٹرےنوں جن مےں خاص کر نائٹ کوچ، اباسےن اےکسپرےس اور مہران اےکسپرےس کو بھی بحال کرکے عوام کو رےل کے سستے سفر کی بہترےن سروس فراہم کرنے کے اقدامات کئے جائےں، محکمہ رےلوے کو بلوچستان مےں رےلوے مسافرٹرےنوں کی بندش سے ماہانہ لاکھوں روپے کا نقصان اٹھانا پڑتا ہے جبکہ مختلف اسٹےشنو ں پر محکمہ رےلوے کے اہلکاروں کی موجودگی کے باعث محکمہ رےلوے کو تنخواہوں کی مد مےں بھی نقصانات کا سامنا ہے جبکہ ہرنائی سبی سےکشن کی بندش کے باعث بھی رےلوے کو سالانہ اربوں روپے کا نقصان ہورہا ہے ۔