ؒٓلاہور(پی پی آ ئی) مسلم لیگ ن لاہور کی قیادت نے قائد نوازشریف کے استقبال کی تیاریوں اور مینار پاکستان گراؤنڈ میں جلسے کے سلسلے میں گریٹر اقبال پارک کا دورہ کیا۔صدر مسلم لیگ ن لاہور سیف الملوک کھوکھر، خواجہ عمران نذیر و دیگر نے مینار پاکستان میں جلسے کی تیاریوں کا جائزہ لیا۔سابق صوبائی وزیر بلال یاسین نے جلسہ کے حوالے سے پنڈال اور سٹیج کے حوالے سے بریفنگ دی، جلسہ گاہ کے پنڈال اور لاہور سمیت دیگر شہروں سے آنے والے قافلوں کی پارکنگ بارے بھی صدر مسلم لیگ ن لاہور کو بریف کیا گیا۔گریٹراقبال پارک میں سٹیج کی تیاریوں کیلئے کنٹینر جلسہ گاہ پہنچانا شروع کر دیئے گئے۔دوسری جانب ضلعی انتظامیہ نے 21 اکتوبر کو نواز شریف کی آمد پر مسلم لیگ ن کو مینار پاکستان پر جلسے کی اجازت دینے کا فیصلہ کیا ہے۔ضلعی انتظامیہ کا کہنا ہے کہ مسلم لیگ ن کو مینار پاکستان پر جلسہ کرنے کی اجازت دی جا سکتی ہے، ڈسٹرکٹ انٹیلی جنس کمیٹی کا اجلاس آئندہ دو روز میں ہوگا، مسلم لیگ ن کو مینار پاکستان گراؤنڈ میں جلسہ کرنے کی اجازت شرائط کیساتھ دی جائے گی۔
میلبورن کرکٹ گراﺅنڈ میں شائقین کی آمد کا نیا ریکارڈ قائم ہوگیا
کرکٹر عمر اکمل کا ٹریفک وارڈنز سے جھگڑا ،تھانہ گلبرگ میں مقدمہ درج
قومی کرکٹرشعیب ملک نے زندگی کی 32 بہاریں دیکھ لیں
بہتری کے نام پر آئی سی سی میں تین ملکوں کی اجارہ داری ہوجائیگی : عمران خان
انٹرنیشنل ہاکی فیڈریشن نے ورلڈ کپ 2014کا شیڈول جاری کردیا
چیف آف ایئراسٹاف گالف چیمپئن شپ: اسلام آباد کے محمد نذیر سرفہرست
تازہ ترین خبریں
اشتہار
تازہ ترین
چودہ ملکی فضائی مشق، پاک فضائیہ کے ایک آپریشنل ایئر بیس پر جاری
اسلام آباد(پی پی آ ئی)پاک فضائیہ کے آپریشنل ایئر بیس پر 14 ملکی فضائی مشق، انڈس شیلڈ 2023، اپنے پوری آب وتاب سے جاری ہے۔ترجمان پاکستان فضائیہ کے مطابق یہ اعلیٰ سطحی مشق خطے کی سب سے بڑی فضائی جنگی مشقوں میں سے ایک ہونے کی بدولت نمایاں حیثیت کی حامل ہے، یہ فضائی مشق بین الاقوامی تعاون کو تقویت دینے اور ملکی فضائی صلاحیتوں کو فروغ دینے کی جانب ایک اہم سنگ میل ثابت ہوگی۔مشق میں دنیا کی صف اول کی فضائی افواج کے پائلٹس،گراؤنڈ عملہ اور ایئر ڈیفنس کنٹرولرز سمیت جدید لڑاکا طیارے حصہ لے رہے ہیں۔انڈس شیلڈ-2023، 14 ممالک کی بہترین فضائی افواج کو پیشہ ورانہ صلاحیتوں کا مظاہرہ پیش کرنے کے لیے ایک عمدہ پلیٹ فارم فراہم کر رہی ہے، فضائی مشق میں پاکستان، ترکیہ، سعودی عرب، قطر، متحدہ عرب امارات، مصر، عمان، بحرین، آذربائیجان، انڈونیشیا، مراکش، ازبکستان، چین اور ہنگری کی فضائی افواج حصہ لے رہی ہیں۔یہ فضائی مشق انتہائی اہمیت کی حامل ہے کیونکہ یہ تکنیکی ترقی، جدت کے فروغ، فضائی جنگ کی حکمت عملیوں کو جانچنے اور عصر حاضر کے فضائی دفاعی چیلنجوں سے نمٹنے میں پاک فضائیہ کے اہم کردار کی توثیق کرتی ہے۔انڈس شیلڈ مشترکہ مقاصد کے حصول کے لیے اس میں شریک ممالک کے باہمی شرکت داری کے عزم کو اجاگر کرنے کے ساتھ ساتھ انہیں درپیش مشترکہ خطرات کے پیش نظر فضائی جنگ کے نئے ابھرتے ہوئے محرکات کا بھی احاطہ کرے گی۔ان فضائی مشقوں کے باعث بین الاقوامی برادری کی پوری توجہ اس وقت پاکستان کی جانب مبذول ہے، جسکی بدولت پاک فضائیہ جدید فضائی جنگی حکمت عملیوں اور شریک ممالک کے مابین باہمی تعاون کو فروغ دے کر عالمی توجہ کا مرکز بنی ہوئی ہے۔انڈس شیلڈ-2023 شریک فضائی افواج کو نہ صرف اپنی صلاحیتوں اور فضائی برتری کا مظاہرہ پیش کرنے کا پلیٹ فارم مہیا کر رہی ہے بلکہ فضائی دفاع کے دائرہ کار میں افہام و تفہیم اور تعاون کو مزید مستحکم کرنے کا ایک بہترین موقع بھی فراہم کر رہی ہے۔یہ مشق مشترکہ چیلنجز کا سامنا کرنے کے لیے شریک فضائی افواج کے مابین باہمی تعاون کو فروغ دینے اور پاک فضائیہ کی جانب سے پاکستان کی فضائی حدود کے تحفظ کے عزم کا منہ بولتا ثبوت ہے۔
کراچی والوں کیلئے فی یونٹ بجلی 3 روپے سے زائد مہنگی ہونے کا امکان
کراچی(پی پی آ ئی)کراچی کے شہریوں کیلئے بری خبر،بجلی کی قیمت میں 3 روپے 2پیسے فی یونٹ اضافے کا امکان ہے۔ تفصیلات کے مطابق کے الیکٹرک نے سہ ماہی ایڈجسٹمنٹ کی درخواست نیپرا میں جمع کر ادی،سہ ماہی ایڈجسٹمنٹ کی مد میں 2روپے 35پیسے اضافے کی درخواست کی گئی،درخواست میں موقف اختیار کیا گیا ہے کہ67پیسے فی یونٹ اضافہ بقایا جات کی مد میں کیا جائے۔منظور ی کی صورت میں کراچی کے شہریوں پر 35کروڑ 70لاکھ روپے کا اضافی بوجھ پڑے گا،نیپرا کے الیکٹرک کی سماعت پر 19 اکتوبر کو سماعت کرے گا۔
جے آئی کی شہباز شریف کو فلسطین سے متعلق ہونیوالی قومی کانفرنس میں شرکت کی دعوت
اسلام آباد(پی پی آ ئی) امیر جماعت اسلامی سراج الحق نے سابق وزیر اعظم شہباز شریف سے ٹیلی فونک رابطہ کرکے انہیں مسئلہ فلسطین سے متعلق ہونیوالی قومی کانفرنس میں شرکت کی دعوت دی۔ سیکرٹری اطلاعات جماعت اسلامی قیصر شریف کے مطابق مسلم لیگ ن کے صدر نے امیر جماعت کی دعوت کو قبول کرتے ہوئے کہا کہ ان کی پارٹی کے سینئر رہنماؤں کا وفد کانفرنس میں شرکت کرے گا۔ سابق وزیراعظم نے امیر جماعت کے اقدام کو سراہا اور اپنے مکمل تعاون کی یقین دہانی کرائی۔ کانفرنس میں شرکت کے لیے سیاسی وسماجی قائدین اور انسانی حقوق کے رہنماؤں کو مدعو کیا گیا ہے،قیصر شریف نے کہا کہ امیر جماعت ذاتی طور پر دیگر جماعتوں کے قائدین کو بھی کانفرنس میں شرکت کے لیے دعوت دیں گے۔ انہوں نے کہا کہ فلسطین کے حوالے سے اے پی سی 17 اکتوبر کو اسلام آباد منعقد ہوگی، فلسطین قومی کانفرنس میں سیاسی اور سماجی شخصیات شریک ہونگی۔
تلاش کریں
خبریں
میلبورن کرکٹ گراﺅنڈ میں شائقین کی آمد کا نیا ریکارڈ قائم ہوگیا
سڈنی: انگلینڈ اور آسٹریلیا کے درمیان میلبورن کرکٹ گراﺅنڈ میں دوسرے ٹی ٹوئنٹی میچ میں شائقین نے بڑی تعداد میں شرکت کرکے ریکارڈ قائم کردیا ۔ یہ انٹرنیشنل اور ڈومیسٹک کرکٹ کے مجموی سیزن میں اس گراﺅنڈ میں شائقین کی آمد کا نیا ریکارڈ ہے ۔ آسٹریلوی بورڈ کی طرف دے جاری شدہ ایک اعلامئے کے مطابق دوسرے ٹی ٹوئنٹی میچ کو دیکھنے کے لئے 64ہزار 385شائقین نے ایم سی جی کا رخ کیا جس سے سیزن میں مجموعی حجم 16لاکھ 36ہزار 292تک پہنچ گیا ۔
کرکٹر عمر اکمل کا ٹریفک وارڈنز سے جھگڑا ،تھانہ گلبرگ میں مقدمہ درج
لاہور: قومی کرکٹر عمر اکمل لاہور میں ٹریفک اشارہ توڑنے پر روکنے والے وارڈن سے الجھ پڑے،آل راﺅنڈر کے خلاف تھانہ گلبرگ میں مقدمہ درج کر لیا گیا۔عمر اکمل نے حسین چوک لاہور میں نہ صرف ٹریفک سگنل توڑا بلکہ روکنے والے ٹریفک وارڈن سے بدتمیزی کی اور اسے معطل کرانے کی دھمکیاں بھی دیں۔اے ایس پی زاہد انور کے مطابق تین ٹریفک وارڈنز نے عمر اکمل کو روکا تو پاکستانی بلے باز نے ٹریفک وارڈن کو تشدد کا نشانہ بنایااور دھمکیاں دیں۔عمر اکمل کیخلاف دفعہ 506،353،186 کے تحت مقدمہ درج کیا گیا ہے۔عمر اکمل نے الزامات کی تردید کر تے ہوئے کہا ہے کہ وارڈنز نے بلاوجہ ان پر تشدد کیا ہے ۔اس سے پہلے سابق اولمپیئن قاسم ضیا کی بیٹی انعم ضیا بھی ایلیٹ فورس کے جوان کو تیز رفتار ڈرائیونگ سے زخمی کر چکی ہیں۔پولیس حکام کا کہنا ہے قانون سب کے لئے برابر ہے ،حکومتی کام میں مداخلت کا مقدمہ درج کر لیا گیا ہے۔
قومی کرکٹرشعیب ملک نے زندگی کی 32 بہاریں دیکھ لیں
لاہور: قومی کرکٹ ٹیم کے سابق کپتان شعیب ملک نے زندگی کی 32 بہاریں دیکھ لیں۔ یوں توشعیب ملک کے کیریئر میں کئی اتار چڑھاو آئے لیکن بھارتی ٹینس اسٹار ثانیہ مرزا سے شادی کے بعد تو جیسے ان کی کارکردگی کو نظر ہی لگ گئی۔کرکٹ ہیرو کی ٹینس اسٹار ہیروئن کیساتھ جوڑی دنیا بھر میں مقبول ہوئی پر شادی کے بعد کامیابی کے دروازے تو جیسے ملک جی پر بند ہی ہوگئے۔ پاکستان ٹیم کی کپتانی بھی ہاتھ سے جاتی رہی۔ ٹیم سے اندر باہر ہونے کا سلسلہ بھی زور پکڑ گیا۔ کبھی ڈسپلن تنازعوں نے گھیرا، تو کبھی سپر سکسز ٹورنامنٹ میں فکسنگ کی خبروں نے بدنام کیا ۔ شادی کے بعد چار سال میں صرف 54 میچز کھیلے۔ 742 رنز ہی جوڑ سکے وہ بھی اٹھارہ کی اوسط سے، وکٹوں کی تعداد صرف 13 رہی۔شادی سے پہلے کے 54 میچز میں اکتیس اعشاریہ چھ چار کی اوسط سے 1519 رنز جوڑے جن میں تین سنچریاں بھی شامل تھیں اور ساتھ 26وکٹیں بھی اڑائیں۔شادی کے بعد ثانیہ مرزا کی کارکردگی کو بھی زوال آگیا، شادی سے پہلے ثانیہ مرزا نے 30 ٹائٹل جیتے شادی کے بعد سے اب تک ان کے ٹائٹل جیتنے کی تعداد محض 13 ہے۔
بہتری کے نام پر آئی سی سی میں تین ملکوں کی اجارہ داری ہوجائیگی : عمران خان
لاہور: قومی کرکٹ ٹیم کے سابق کپتان اور1992کرکٹ ورلڈ کپ کے فاتح عمران خان کا کہنا ہے کہ بھارت آسٹریلیا اور انگلینڈ آئی سی سی کی تشکیلِ نو کے نام پر تصادم کے بیج بو رہے ہیں جس سے صرف انہی تین ملکوں کی اجارہ داری قائم ہوگی۔ عمران خان نے ایک انٹرویو میں کہا کہ تین ملکوں کے اس مجوزہ مسودے نے انہیں ماضی کی یاد دلا دی ہے جہاں انگلینڈ اور آسٹریلیا کی اجارہ داری تھی۔ سابق کپتان نے کہا کہ انہوں نے 1993 میں آئی سی سی کے اجلاس میں شرکت کی تھی جہاں وہ انگلینڈ اور آسٹریلیا کی رعونت دیکھ کر حیران رہ گئے تھے۔ ’یہ وہ دور تھا جب ان دو ملکوں کو ویٹو پاور حاصل تھا اور اب لگتا ہے کہ وہ دور واپس لانے کی کوششیں ہو رہی ہیں۔‘ عمران خان کا کہنا تھا کہ پاکستان اور بھارت نے آئی سی سی میں جمہوریت لانے اور دو ممالک کی اجارہ داری ختم کرنے میں اہم کردار ادا کیا تھا لیکن اب بھارت اپنی مالی حیثیت اور انگلینڈ اور آسٹریلیا کی حمایت کے سبب آئی سی سی کو دوبارہ ماضی کی پوزیشن میں لے جانے میں مصروف ہے۔ عمران خان نے کہا کہ اگر وہ پاکستان کرکٹ بورڈ میں ہوتے تو اس نئے نو آبادیاتی نظام کی زبردست مخالفت کرتے۔ آئی سی سی کو کرکٹ کی بہتری کے لیے کام کرنے والا ادارہ بنانے کی ضرورت ہے اس میں چند ملکوں کی اجارہ داری نہیں ہونی چاہیے۔ عمران خان کا کہنا ہے کہ پاکستان کو اپنی کرکٹ کا معیار بلند کرنا ہوگا اور اس کے علاوہ ویسٹ انڈیز کو بھی یہی کچھ کرنے کی ضرورت ہے تاکہ شائقین اور براڈکاسٹرز انہیں اہمیت دے سکیں۔
انٹرنیشنل ہاکی فیڈریشن نے ورلڈ کپ 2014کا شیڈول جاری کردیا
جنیوا: انٹرنیشنل ہاکی فیڈریشن نے رواں سال ہالینڈ میں ہونے والے مینز اور ویمنزہاکی ورلڈ کپ کے لیے شیڈول جاری کردیا ۔ ٹورنامنٹ31 مئی سے کھیلا جائے گا۔ چار مرتبہ کی عالمی چیمپئن پاکستانی ہاکی ٹیم میگا ایونٹ میں کوالیفائی نہ کرنے کے سبب شرکت سے محروم ہے۔
چیف آف ایئراسٹاف گالف چیمپئن شپ: اسلام آباد کے محمد نذیر سرفہرست
کراچی: اسلام آباد کے محمد نذیرشاندارکارکردگی پیش کرتے ہوئے72سکورکے ساتھ چیف آف ایئراسٹاف گالف چیمپئن شپ میں سرفہرست ہوگئے۔ پی اے ایف بیس کورنگی کے ایئرمین گالف کب میں 32لاکھ روپے انعامی مالیت کے دوسرے روز محمد نذیر نے غیر معمولی پرفارمنس دیتے ہوئے اپنے حریف کھلاڑیوں پربرتری حاصل کی۔ گزشتہ سال کے ڈی ایچ اے اوپن کے چیمپیئن نذیر72گراس اسکورکے ساتھ پروفیشنل کیٹگری میں ٹاپ پوزیشن پر پہنچ گئے ہیں۔ چیمپیئن شپ میں اسلام آباد کے شبیراقبال 71اسکورکے ساتھ دوسرے جبکہ لاہور کے امداد حسین ایک اسکور کے فرق سے تیسرے نمبر پر ہیں۔