لاہور: اسپاٹ فکسنگ کیس میں سزا بھگتنے والے سابق کپتان سلمان بٹ کا پی سی بی کے اندرونی معاملات کی وجہ سے آئی سی سی بحالی پروگرام تاخیر کا شکار ہوگیا۔قذافی اسٹیڈیم لاہور میں میڈیا سے گفتگو کرتے ہوئے سلمان بٹ نے بتایا کہ کرکٹ بورڈ اپنے اندرونی معاملات میں الجھاﺅکا شکار ہے اور تمام تر حقائق اور مواد فراہم کرنے کے باوجود تاحال پی سی بی ان کے بحالی پروگرام پر کام کا آغاز نہیں کرسکا۔انہوں نے کہا کہ وہ اس حوالے سے پی سی بی ایڈہاک کمیٹی کے چیئرمین نجم سیٹھی سے ملاقات کریں گے تاکہ پروگرام شروع ہوسکے۔ سلمان بٹ نے مصباح الحق کو قیادت کیلئے موزوں ترین قرار دیتے ہوئے کہا کہ ان سے بہتر کوئی چوائس نہیں ہے۔سلمان بٹ کا کہنا تھا کہ بدقسمتی سے چار پانچ کھلاڑی آﺅٹ آف فارم ہیں،انہیں فارم کی بحالی کیلئے ذمہ داری کا مظاہرہ کرنا ہوگا اور دوسروں پر انحصار کرنے کے بجائے اپنے کھیل میں نکھار لانا چاہیے۔

کراچی: عالمی چیمپئن محمد آصف، عمران شہزاد، محمد بلال اوربابرمسیح نے چو تھے رینکنگ اسنوکرکپ کے سیمی فائنل کیلئے کوالیفائی کرلیا۔ ٹاپ سیڈ شاہد آفتاب اورمحمد سجاد فائنل فورمیں جگہ نہ بناسکے۔کراچی میں جاری ایونٹ کے چوتھے روزسیکنڈ سیڈ عمران شہزاد نے اسجد اقبال کوایک کے مقابلے میں چارفریمزسے شکست دی۔ عمران کودوسرے میچ میں عبدالستارکیخلاف شکست ہوئی۔ ورلڈ چیمپئن محمد آصف نے ٹاپ سیڈ شاہد آفتاب کودلچسپ مقابلے کے بعد چارتین جبکہ فرحان نورکوچارصفرفریمزسے مات دی۔ محمد بلال نیابوصائم اورخرم آغاکیخلاف کامیابی سمیٹی۔ بابرمسیح بھی فائنل فورکیوئیسٹس میں جگہ بنانے میں کامیاب رہے۔ ایونٹ کا پہلا سیمی فائنل محمد بلال اوربابرمسیح جبکہ دوسرا سیمی فائنل محمد آصف اورعمران شہزاد کے درمیان کھیلا جائیگا۔

ساﺅ پالو: برازیل کے لیجنڈ فٹبالر پیلے نے فرانس کے سابق مڈفیلڈر زین الدین ریڈان کو ارجنٹائن کے لیونل میسی سے بہتر قرار دے دیا ۔ پیلے کو فٹبال کی تاریخ کا سب سے بہترین کھلاڑی مانا جاتا ہے ،جبکہ میسی کو اکثر ان کے کھیل کے باعث پیلے سے تشبیہ دی جاتی ہے۔ساﺅ پالو میں ایک تقریب سے گفتگو میں پیلے نے کہا کہ بارسلونا میسی کو بارسلونامیں ان کے ساتھی کھلاڑیوں سے ملنے والی مدد کے باعث اچھا کھلاڑی سمجھا جاتاہے ۔انہوں نے کہا کہ میسی کو دنیا کا بہترین فٹبالر بننے کے لئے زیڈان سے آگے بڑھنا ہوگا ۔

پام بیچ گارڈنز: سامریکی ٹینس اسٹار سرینا ولیمز نے ڈبلیو ٹے اے ویمن پلیئر آف دی ائیر ایوارڈ جیت لیا ۔ وہ مسلسل دوسری اور مجموعی طورپانچویں مرتبہ یہ ایوارڈجیتنے میں کامیاب ہوئی ہے ۔32سالہ سرینا ولیمز کے لیے سال 2013بہت کامیاب رہا اور انہوں نے 82میں سے 78میچوں میں کامیابی حاصل کی ۔ انہوں نے یوایس اوپن اور فرنچ اوپن سمیت 11ٹائٹلز اپنے نام کیے ۔

میڈرڈ: اسپینش فٹبال لیگ میں دفاعی چیمپئن بارسلونا کی پہلی پوزیشن برقرار ہے ۔ بارسلونا نے اب 21میں سے13میچ جیتے ہیں جبکہ ایک میچ ڈرا ہوا ۔اس طرح بارسلونا 37پوائنٹس کے ساتھ پہلے نمبر پر ہے ۔ دوسرے نمبر پر ایتھلیٹکو میڈرڈ کی ٹیم ہے جس نے 11میچ جیتے، ایک ہارا اور ایک میچ ڈارہوا۔اس کے 34پوائنٹس ہیں ۔ 31پوائنٹس کے ساتھ تیسرے نمبر پر ریال میڈرڈ ہے جس نے 10میچ جیتے ،دو ہارے اور ایک میچ ڈرا کیا ۔ٹیبل پوزیشن میں ولاریال چوتھے ،ایتھلیٹک بلباﺅ پانچویں اور گٹافتے چھتے نمبر پر ہے ۔

لندن: برطانوی ٹینس اسٹار اینڈی مرے کی طویل انجری کے بعد کھیل میں واپسی مزید التواءکا شکار ہوگئی ۔ اینڈی مرے نے بارباڈوس میں شیڈول ڈریم کپ ٹورنامنٹ سے ٹینس میں واپسی کا فیصلہ کیا تھا لیکن اسپانسر شپ اور کاپی رائٹس کی مسائل کی بناءپر ایونٹ کو منسوخ کردیا گیا۔اینڈی مرے نے ستمبر میں کمر کے آپریشن کے بعد اب تک کسی بھی ایونٹ میں حصہ نہیں لیا ہے ۔ ڈریم کپ کی منسوخی کے باوجود وہ اپنی پریکٹس جاری رکھیں گے اور دسمبر کے آخیر میں وہ ابو ظہبی کے اندر شیڈول نمائشی میچ میں ان کی واپسی متوقع ہے ۔