نیاآرمی چیف کسی سیاست دان کیساتھ نہیں ملک اورعوام کیساتھ کھڑاہوگا: شیخ رشید فوج نے سیاست سے دوررہنے کاحتمی فیصلہ کرلیاجو پی ڈی ایم کی سیاسی موت ہے

را ولپنڈی(پی پی آ ئی) عوامی مسلم لیگ کے سر براہ شیخ رشید نے کہا ہے کہ نیاآرمی چیف کسی سیاست دان کیساتھ نہیں ملک اورعوام کیساتھ کھڑاہوگا۔ اپنے ٹوئٹر پیغام میں شیخ رشید نے کہا ہے کہ لوگوں کوغلط فہمی تھی کہ عمران خان25دن سمری پربیٹھارہیگا،اداروں نے بھی کہا ہے معاشی اورسیاسی عدم استحکام گھمبیرہوگیاہے۔فوج نے سیاست سے دوررہنے کاحتمی فیصلہ کرلیاجو پی ڈی ایم کی سیاسی موت ہے۔نیاآرمی چیف کسی سیاست دان کیساتھ نہیں ملک اورعوام کیساتھ کھڑاہوگا،سیاسی استحکام قبل ازوقت الیکشن سے آئے گا۔ انہوں نے کہا ہے کہ نئی صبح اور نئے دن کا آغاز ہوگیا،اب عوامی رائے عامہ اور توقعات کی تکمیل ہوگی،نئے سکرپٹ میں معاشی سیاسی عدم استحکام اور دیوالیہ سے نجات کی کوشش ہوگی۔عوام کے مسائل کی کسی کو فکر نہیں ہے۔