بھرتی کے بعدڈیوٹی نہ دینے والے اٹلی میں مقیم دادو کے اسکول ٹیچر کی تعیناتی منسوخ

دادو(پی پی آئی)محکمہ تعلیم سندھ میں پرائمری ا سکول ٹیچر بھرتی ہونے کے بعد ضلع دادو کا نادر علی رند اٹلی چلا گیا۔ نادر علی رند اس سال 29 جنوری کو بیرون ملک سے پاکستان پہنچا اور 16 مئی کو سرکاری نوکری کا آفر لیٹرحاصل کیا۔16 مئی کو ہی پولیس ویریفکیشن اور سول ہسپتال دادو سکی میڈیکل رپورٹ جمع کروائی۔اور 23 جون 2022 کو دوبارہ ملک سے باہر چلا گیا، جس کے بعداموسم گرما کی تعطیلات شروع ہو گئیں بعدازاں سیلاب اور بارشوں کے باعث سرکاری سکول بند رہے۔پی پی آئی کے مطابق اسکولوں کے دوبارہ کھلنے پر معلوم ہوا کہ نادر علی رند نے کئی ماہ سے اپنی ملازمت پر حاضری نہیں دی ہے، جس کے بعد اس کی تعیناتی منسوخ کر دی گئی۔