اسلام آباد، راولپنڈی،ہری پور،ایبٹ آباد اور مانسہرہ میں بھی زلزلے کے جھٹکے

اسلام آ باد(پی پی آ ئی)دارالحکومت اسلام آباد، راولپنڈی اور خیبر پختونخوا کے مختلف علاقوں میں زلزلے کے جھٹکے محسوس کیے گئے ہیں۔ زلزلہ پیما مرکز کے مطابق اسلام آباد، روالپنڈی، ہری پور، ایبٹ آباد، مانسہرہ اور خیبرپختونخوا کے دیگرعلاقوں میں زلزلے کے جھٹکے محسوس کئے گئے ہیں،جس کے باعث شہریوں میں خوف و ہراس پھیل گیا اور شہری کلمہ طیبہ کا ورد کرتے ہوئے گھروں سے باہر نکل آئے۔زلزلہ پیما مرکز کے مطابق زلزلے کی شدت 3.6 ریکارڈ کی گئی ہے جبکہ زلزلے کی زیر زمین گہرائی 30 کلو میٹر تھی۔، زلزلے کا مرکز ایبٹ آباد سے 34 کلو میٹر دور تھا۔