اسلام آباد(پی پی آ ئی) وزیراعظم شہباز شریف نے ادویات کی قیمتوں میں اضافے کے لیے کمیٹی بنا دی، وزیر خزانہ اسحاق ڈار کمیٹی کے سربراہ ہوں گے۔نوٹیفکیشن کے مطابق کمیٹی فارماسیوٹیکل کمپنیوں کی جانب سے ادویات کی قیمتوں میں اضافے کی درخواست پر بنائی گئی ہے۔ پاکستانی فارماسوٹیکل انڈسٹری تمام ادویات کی قیمتوں میں 40 فیصد اضافے کا مطالبہ کر رہی ہے۔جاری نوٹیفکیشن میں کہا گیا ہے کہ کمیٹی کے سربراہ وزیر خزانہ اسحاق ڈار ہونگے۔ اسکے علاوہ وزیر صحت عبدالقادر پٹیل، سردار ایاز صادق اور دیگر اعلیٰ حکومتی عہدیداران بھی کمیٹی میں شامل ہیں۔ کمیٹی ادویات کی قیمتوں میں اضافے کے مطالبات اور ڈرگ پرائسنگ پالیسی 2018 کا بھی ازسرنو جائزہ لے گی۔ مقامی فارماسوٹیکل انڈسٹری کی نمائندگی فاروق بخاری، زاہد سعید، قاضی منصور دلاور، توقیر الحق جبکہ ملٹی نیشنل فارماسیوٹیکل کمپنیوں کی نمائندگی ارم شاکر رحیم اور عائشہ ٹیمی حق کرینگی۔
Next Post
وزیراعلیٰ بلوچستان کی کو ئٹہ دھما کے کی مذمت دہشت گردی کارروائیوں سے امن کے قیام کے ہمارے عزم کو کمزور نہیں کیا جاسکتا:میر عبدالقدوس بزنجو
Wed Nov 30 , 2022
کو ئٹہ(پی پی آ ئی) وزیراعلیٰ بلوچستان میر عبدالقدوس بزنجو نے کوئٹہ میں بلوچستان کانسٹیبلری کے ٹرک کے قریب دھماکے کی مذمت کرتے ہوئے کہا کہ دہشت گردوں نے سیکیورٹی فورس پر بزدلانہ حملہ کیا، دہشت گردی کی کارروائیوں سے امن کے قیام کے ہمارے عزم کو کمزور نہیں کیا جاسکتا۔وزیراعلیٰ نے دہشت گردی کی بزدلانہ کارروائی میں قیمتی جانی […]