کو ئٹہ(پی پی آ ئی) وزیراعلیٰ بلوچستان میر عبدالقدوس بزنجو نے کوئٹہ میں بلوچستان کانسٹیبلری کے ٹرک کے قریب دھماکے کی مذمت کرتے ہوئے کہا کہ دہشت گردوں نے سیکیورٹی فورس پر بزدلانہ حملہ کیا، دہشت گردی کی کارروائیوں سے امن کے قیام کے ہمارے عزم کو کمزور نہیں کیا جاسکتا۔وزیراعلیٰ نے دہشت گردی کی بزدلانہ کارروائی میں قیمتی جانی نقصان پر افسوس کا اظہار کرتے ہوئے زخمیوں کو علاج معالجہ کی بہترین سہولتوں کی فراہمی کی ہدایت دی۔میر عبدالقدوس بزنجو نے کہا کہ سیکیورٹی فورسز کے حوصلے بلند اور عزم مضبوط ہے۔ واقعے میں ملوث عناصر اور انکے سرپرستوں کو قانون کی گرفت میں لایا جائے گا۔خیال رہے کہ کوئٹہ کے علاقے بلیلی کے قریب خود کش دھماکے کے نتیجے میں خاتون سمیت 3 افراد شہید ہوگئے۔ دھماکہ بلوچستان کانسٹیبلری کے ٹرک پر ہوا، جس میں 16 اہلکار زخمی ہوگئے جبکہ دھماکے کے باعث قریب سے گزرنے والی گاڑی بھی زد میں آگئی۔
Next Post
پی ٹی آئی کا کھیل اب تمام ہو گیا عمران نیازی اب کبھی بھی وزیراعظم نہیں بن سکتا: حنا پر ویز بٹ
Wed Nov 30 , 2022
اسلام آ باد(پی پی آ ئی) پاکستان مسلم لیگ(ن) کی رہنما حنا پر ویز بٹ نے کہا ہے کہ پی ٹی آئی کا کھیل اب تمام ہو گیا،عمران نیازی اب کبھی بھی وزیراعظم نہیں بن سکتے ہیں۔ اپنے ایک بیان میں لیگی رہنما حنا پر ویز بٹ نے کہا ہے […]