کراچی ٹیسٹ کی فول پروف سیکیورٹی کیلئے لائحہ عمل طے ڈی جی رینجرز کی زیرصدارت اجلاس، پولیس، پی سی بی نمائندے شریک

کراچی (پی پی آئی)پاکستان اور انگلینڈ کے مابین کراچی میں تیسرے ٹیسٹ میچ کے سیکیورٹی انتظامات کے حوالے سے ڈی جی رینجرزسندھ میجرجنرل اظہروقاص کی زیرصدارت اجلاس منعقد ہوا جس میں سیکیورٹی کو فول پروف بنانے کے حوالے سے لائحہ عمل طے کیا گیا۔ترجمان رینجرز کے مطابق ڈی جی رینجرزسندھ میجرجنرل اظہروقاص کی زیرصدارت اجلاس میں موجودہ امن و امان کی صورتحال اورسیکیورٹی انتظامات کاازسرنوجائزہ لیا گیا۔پی پی آئی کے مطابقاجلاس میں سیکیورٹی خدشات سے نمٹنے کے لیے قانون نافذ کرنے والے اداروں کی جانب سے مشترکہ لائحہ عمل منظورکیا گیا۔ایڈیشنل آئی جی کراچی، ایڈیشنل کمشنر، ایڈیشنل آئی جی اسپیشل برانچ، ڈی آئی جی سی ٹی ڈی، جوائنٹ ڈی جی آئی بی، ڈی آئی جی اسپیشل برانچ، زونل ڈی آئی جیز، ڈی آئی جی ٹریفک، پاکستان کرکٹ بوڈ کے سیکیورٹی نمائندگان سمیت دیگر نے شرکت کی۔