طارق روڈ پر معروف خاتون شیف شیریں انور کو مسلح ڈاکوؤں نے لوٹ لیا

کراچی (پی پی آئی)کراچی میں طارق روڈ پر معروف خاتون شیف شیریں انور کو نامعلوم مسلح ملزمان نے لوٹ لیا۔پی پی آئی کے مطابق شیرین انور نے بتایا کہ وہ کسی کام کے سلسلے میں طارق روڈ گئی تھیں جہاں نامعلوم مسلح ملزمان نے ان سے اسلحے کے زور پر موبائل فون اور جیولری چھین لی اور فرار ہو گئے۔واقعے کے بعد مقدمہ نہیں درج کروایا کیوں کہ وہ خوف کا شکار ہیں، دوران واردات نامعلوم مسلح ملزمان نے انہیں پہچان لیا تھا کہ وہ شیف ہیں واقعے میں وہ محفوظ رہیں ان کے لیے یہی بہت ہے، وہ نہیں چاہتیں کہ مسلح افراد انہیں تنگ کریں اور دھمکیاں دیں اس لیے مقدمہ درج نہیں کروایا۔