راولپنڈی، اسلام آباد میں دہشتگردی کا منصوبہ ناکام، راولپنڈی سے انتہائی مطلوب دہشتگرد گرفتار،2009 خودکش حملہ کا اعتراف

راولپنڈی (پی پی آئی)کاؤنٹر ٹررزم ڈپارٹمنٹ (سی ٹی ڈی) نے راولپنڈی اور اسلام آباد میں دہشتگردی کا منصوبہ ناکام بناتے ہوئے راولپنڈی سے انتہائی مطلوب دہشتگرد کو گرفتار کرلیا۔ترجمان سی ٹی ڈی کے مطابق گرفتار دہشتگرد سے بھاری مقدار میں دھماکا خیز مواد برآمد کرلیا ہے، دہشتگرد نے راولپنڈی میں خودکش حملے میں ملوث ہونے کا اعتراف کیا ہے۔ترجمان نے کہا کہ مبینہ دہشتگرد کے دو ساتھی جیل میں ہیں، سی ٹی ڈی نے دہشتگردی کی دفعات کے تحت مقدمہ درج کرلیا۔یاد رہے کہ راولپنڈی سول لائن میں 2009 میں خودکش حملہ ہوا تھا، جس میں 36 افراد شہید ہوئے تھے۔