مقبوضہ کشمیر میں بھی اسلام آباد کا نام تبدیل کرنے پر غور
لکھنو/سری نگر (پی پی آئی) بھارتی ریاست اتر پردیش کی 2مسلم بستیوں کے نام تبدیل کرنے کے معاملے پر وزارت داخلہ نے رضا مندی ظاہر کر دی ہے جبکہ مقبوضہ کشمیر میں بھی اسلام آباد کا نام تبدیل کرنے پر غورکیا جارہا ہے۔ بھارت کے مسلم میڈیا کے مطابق مرکزی وزارت داخلہ نے دو جگہوں کے نام تبدیل کرنیپر رضامندی ظاہر کی جس کے مطابق ضلع گور کھپور میں میونسپل کونسل مندیرا بازار کا نام چوری،چورا اور ضلع دیوریا کے تیلیہ افغان گاؤں کا نام تیلیہ شکلا کرنے کیلئے این او سی جاری کئے ہیں۔ وزارت داخلہ نے متعلقہ ایجنسیوں کیساتھ مشاورت کے بعد ناموں کی تبدیلی پر غور کیا، وزارت ریلوے، محکمہ ڈاک اور سروے آف انڈیا کی رضا مندی کے بعد ہی کسی بھی جگہ کا نام تبدیل کرنے کیلئے این او سی جاری کیا جاتا ہے۔