کراچی میں ڈاکو بے خوف، بڑے ہتھیاروں کیساتھ شہریوں سے لوٹ مار

کراچی (پی پی آئی)کراچی میں بے خوف ڈاکو بڑے ہتھیار کیساتھ وارداتیں کرنے لگے۔گلشن اقبال تھانے کے سامنے چائے کے ہوٹل پرمسلح ڈاکوؤں نے 20 سے زائد شہریوں کو لوٹ لیا، شہریوں سے سرعام لوٹ مار کی سی سی ٹی وی فوٹیج سامنے آگئی جس میں ڈاکوؤں کے چہرے بھی واضح ہیں۔پی پی آئی کے مطابق سی سی ٹی وی فوٹیج میں دیکھا جاسکتا ہے کہ قانون نافذ کرنے والوں سے بے خوف ڈاکو کراچی کے شہریوں سے سر عام لوٹ رہے ہیں۔تین موٹرسائیکل سوار ڈاکو چائے کے ہوٹل پرموجود شہریوں کے موبائل فون اور پرس چھین لیتے ہیں، فوٹیج میں ڈاکوؤں کے چہرے بھی واضح طور پردیکھے جاسکتے ہیں۔ادھر نارتھ ناظم آباد فائیو اسٹار چورنگی کے قریب میڈیکل اسٹور کو لوٹ لیا گیا، ڈاکو میڈیکل اسٹورسے نقدی، موبائل فونز اور دیگر قیمتی اشیاء لوٹ کرفرارہوگئے۔