شادی ہالزرات10بجے، تمام کاروباری مراکز رات ساڑھے8 بجے بند کرنے کی منظوری
یکم جولائی سے بجلی والے پنکھے تیار نہیں کیے جائیں گے، 62 ارب روپے کی بچت ممکن ہوگی
وفاقی حکومت نے بڑا اعلان کرتے ہوئے پاکستان بھر میں بجلی کے استعمال میں کمی لاتے ہوئے مارکیٹیں ساڑھے 8 بجے بند کرنے کا اعلان کردیا۔پی پی آئی کے مطابقوفاقی کابینہ کے اجلاس کے بعد وفاقی وزرا کی جانب سے مشترکہ پریس کانفرنس میں اجلاس سے متعلق میڈیا کو آگاہ کرتے ہوئے وفاقی وزیر برائے دفاع خواجہ نے بتایا کہ کابینہ اجلاس میں توانائی پالیسی کی منظوری دی گئی ہے۔ پالیسی کے تحت وفاقی اداروں میں بجلی کے استعمال میں 30 فیصد کمی لائی جائے گی۔خواجہ آصف نے بتایا کہ ملک بھر میں شادی ہالز کو رات دس بجے، جب کہ تمام مارکیٹیں رات ساڑھے ا?ٹھ بجے بند کرنے کی منظوری دی گئی ہے۔وفاقی وزیر نے یہ بھی بتایا کہ رواں سال یکم جولائی سے بجلی سے چلنے والے پنکھے تیار نہیں کیے جائیں گے۔ نئے توانائی پروگرام سے ہمیں 62 ارب روپے کی بچت ہوگی۔ تمام سرکاری ادارے توانائی کے مؤثر آلات خریدیں گے، جب کہ تمام سرکاری دفاتر میں برقی آلات کے غیر ضروری استعمال کو روکا جائے گا۔انہوں نے یہ بھی بتایا کہ یکم فروری سے عام استعمال والے بلب پر پابندی عائد کرنے کا بھی فیصلہ کیا گیا ہے۔