قبائلی اضلاع میں شدت پسندی میں تیزی کیخلاف وانا میں احتجاجی مظاہرہ

پشاور(پی پی آ ئی) صوبہ خیبرپختونخوا کے سابقہ قبائلی اضلاع میں شدت پسندوں کی کارروائیوں کے خلاف جنوبی وزیرستان کے علاقے وانا میں ایک بڑا احتجاجی مظاہرہ کیا گیا ہے۔اس دوران مظاہرین نے سفید پرچم تھام رکھے تھے جن پر ’امن‘ درج تھا اور وہ اپنے علاقوں میں امن و سلامتی کا مطالبہ کرتے ہوئے نعرے لگا رہے تھے۔مظاہرے میں لوگوں کی ایک تعداد نے اعظم ورسک سے وانا کی طرف پیدل احتجاج کیا جبکہ وانا بازار کو بند رکھا گیا۔