را ولپنڈی (پی پی آ ئی) القادر یونیورسٹی کی زمین سے متعلق اختیارات کے ناجائز استعمال کے کیس میں پی ٹی آئی رہنما زلفی بخاری نیب آفس راولپنڈی میں پیش ہوئے۔نیب ٹیم نیزلفی بخاری سے تین گھنٹے پوچھ گچھ کی اور سوالات ان کے حوالے کردئیے، پی ٹی آئی رہنما نے کیس کو انتقامی کارروائی قرار دے دیا۔پیشی کے بعد میڈیا سے گفتگو میں زلفی بخاری نے نیب نوٹس کو سوچی سمجھی انتقامی کارروائی قرار دیتے ہوئے کہا کہ مجھے سوال نامہ دیا گیا ہے، میری لیگل ٹیم جواب دے گی۔آڈیو لیکس کے حوالے سے زلفی بخاری نے کہا کہ ساری آڈیو لیکس کے بارے میں اسی ہفتے عدالت جا رہا ہوں، سیاست اتنی گندی ہو چکی ہے کہ اب قابل عزت رشتوں کا تقدس بھی نہیں رکھا جا رہا۔زلفی بخاری نے مزید کہا کہ گھڑیوں کے معاملے سے میرا کوئی لینا دینا نہیں، نہ ہی گھڑیاں فروخت کی ہیں۔
Next Post
عمران خان کی آنکھوں کے سامنے 3 ہزار ارب روپے کی چوری ہورہی ہے:فیصل واوڈا
Mon Jan 9 , 2023
اسلام آ باد(پی پی آ ئی) سابق وفاقی وزیر فیصل واوڈ انے کہا ہے کہ چوروں کی حکومت میں غریب روٹی کیلئے مررہا ہے تو عمران خان کی آنکھوں کے سامنے تین ہزار ارب کی چوری ہورہی ہے۔سماجی رابطے کی ویب سائٹ ٹویٹر پر اپنی ٹویٹ میں فیصل واوڈا کا کہنا تھا کہ ایک طرف پی ڈی ایم جیسی چوروں […]