حضرت عبداللہ ڈاہری طاہری، غفاری، نقشبندیؒ کا عرس مبارک اختتام پذیر

مورو(پی پی آئی)حضرت عبداللہ ڈاہری طاہری، غفاری، نقشبندی علیہ الرحمہ کا سالانہ عرس مبارک ان کے مزار مقدس پر ختم ہو گیا، عرس کے تینوں ایام میں قرآن خوانی،محافل حمد و نعت اور وعظ کا سلسلہ جاری رہا اور لنگر بھی تقسیم کیا گیا۔ عقیدت مندوں نے مزار پر حاضری دیکر فاتحہ پڑھی۔ سالانہ روحانی محفل میں مذہبی، سیاسی، سماجی شخصیات کی بڑی تعداد میں شرکت کی اورحضرت عبداللہ ڈاہری طاہری، غفاری، نقشبندی علیہ الرحمہ کے ایصال ثواب اور درجات کی بلندی کے لیے دعائیں کی گئیں۔