لاکٹ، جھمکے، جیولری دسترس سے باہر،شادی بیاہ کی خریداری مشکل
دیگر خوشیاں اور تہوار ایک طرف،بیٹی،بہوکیلئے زیورات بھی خواب
کراچی (پی پی آئی)سونے کی قیمتوں میں ریکارڈاضافہ اور تاریخ کی بلند ترین سطح تک پہنچنے کے بعدشادی بیاہ کی خریداری مشکل ہو گئی ہے۔پی پی آئی کے مطابق خواتین نے ردعمل کا اظہار کرتے ہوئے کہا کہ حکومت کی نااہلی نے ہارسنگھار، گہنے، کانٹے اور لاکٹ جھمکے سمیت سونے کی تمام جیولری ہماری پہنچ سے دور کردی ہے۔ اب ہم بہن،بیٹی اور بہو ؤں کو شادی بیاہ پر بھی طلائی زیورات نہیں چڑھا سکتے۔ مہنگائی نے خوشیاں چھیننے کے ساتھ ساتھ صدیوں پرانے رسم ورواج بھی بھینٹ لے لیے ہیں۔ گذشتہ روز سونے کی قیمتوں کے حوالے سے کئے گئے سروے میں ئے خواتین نے کہا کہ ہر لڑکی کواپنی شادی کے حوالے سے ارمان ہوتے ہیں سونا عورت کی آرائش وزیبائش کا ذریعہ ہے جو اب شہریوں کی پہنچ سے باہر ہوگیا ہے۔ انہوں نے کہا کہ دیگر خوشیاں اور تہوار تو ایک طرف اب شادی میں بھی بیٹی یا بہو کو سونا نہیں چڑھا سکتے۔گولڈ کے سیٹ اور طلائی زیورات ایک خواب بن چکے ہیں۔