قوم کو صرف عدلیہ سے ہی توقع ہے، باقی سب سے مایوسی ہے،
عوامی مسلم لیگ کے سر براہ اور سابق وزیرداخلہ شیخ رشید نے آئندہ 72 گھنٹے ملکی سیاست میں بہت اہم قرار دیتے ہو ئے کہا ہے کہ قوم کو صرف عدلیہ سے ہی توقع ہے، باقی سب سے مایوسی ہے، عدلیہ ہی اس ملک کو بحران سے نکالے گی اور چوروں کو آئین کے شکنجے میں لائے گی۔سماجی رابطے کی ویب سائٹ ٹوئٹر پر جاری بیان میں شیخ رشید نے کہا کہ شہباز شریف کی پریس کانفرنس قوم سے مذاق تھی غریب قحط سے مر گیا ہے مہنگائی کا جن حکومت کو کھا جائے گا۔ 13 پارٹیاں کسی صورت الیکشن نہیں چاہتیں، صرف عمران خان الیکشن چاہتا ہے، آئی ایم ایف کی صدر بھی کہتی ہے امیروں کو سبسڈی دی ہے لاہور نے جیل بھرو تحریک کا حق ادا کردیا۔انہوں نے مزید کہا کہ آل شریف زرداری فضل الرحمان کے علاوہ سب پاکستان کے لئے پریشان ہیں، اقتدار کے بھوکوں کا جمعہ بازار لگا ہے،۔