وزیراعظم شہبازشریف،آ صف زرداری کی رکھنی دھماکے کی مذمت

اسلام آباد(پی پی آئی)وزیراعظم شہبازشریف نے رکھنی دھماکے کی مذمت کرتے ہوئے کہاہے کہ دہشتگرد سزا سے بچ نہیں سکیں گے،ناحق خون بہانے والوں کو عبرت کی مثال بنائیں گے۔ وزیراعظم شہباز شریف نے اپنے بیان میں دھماکے میں قیمتی جانوں کے نقصان پر دکھ اور افسوس کااظہار اور اہلخانہ سے ہمدردی کا اظہا کرتے ہو ئے وزیراعلیٰ اور آئی جی بلوچستان سے دھماکے سے متعلق رپورٹ طلب کرلی ہے، وزیراعظم نے زخمیوں کو بہترین طبی سہولتیں فراہم کرنے کی ہدایت کی ہے۔دوسری اج نب سابق صدر آصف علی زرداری نے بھی بارکھان میں دہشتگردی کی شدید الفاظ میں مزمت کرتے ہو ئے کہا کہ دہشتگردی میں ملوث عناصر ناقابل معافی ہیں۔