عمران نیازی آنیوالی نسلوں کو تباہ کر رہے ہیں، ان کا کھیل تماشا زیادہ دیر نہیں چلے گا: عطاتارڑ

لاہور (پی پی آ ئی) مسلم لیگ ن کے رہنما عطاتارڑ نے کہا ہے کہ عمران نیازی آنیوالی نسلوں کو تباہ کر رہے ہیں، ان کا کھیل تماشا زیادہ دیر نہیں چلے گا۔اپنے ایک بیان میں لیگی رہنما عطاتارڑ کا کہنا تھا کہ عمران خان نے فرخ گوگی کو کرپشن کیلئے فرنٹ مین رکھا ہوا تھا، قوم سے مذاق کرنا چھوڑ دیں، عمران خان نے توشہ خانہ کیس میں تاخیری حربے استعمال کئے۔ جعل سازی سے نوکری لینے والے کو ساتھ بٹھا کر پریس کانفرنس کی گئی۔ عثمان ڈار کے پرسنل اسسٹنٹ کے بیان پر نوٹس لینا چاہئے۔انہوں نے کہا کہ نا انصافی سے کئے گئے فیصلوں سے ترقی کا عمل رک جاتا ہے، تحفظات پر قانونی اور سیاسی راستہ اختیار کرنے کا حق حاصل ہے۔