ٹی ٹی پی کی لیڈر شپ میں شدید اختلافات،مرنے والوں میں ٹی ٹی پی کے اہم جنگجو بھی شامل
کابل(پی پی آئی)افغانستان کے صوبے خوست میں کالعدم تحریک طالبان پاکستان کے ٹھکانے پر حملے کے دوران 6 دہشت گرد ہلاک، جب کہ 15 زخمی ہوگئے۔موصول اطلاعات کے مطابق افغانستان کے صوبے خوست میں بارودی مواد کے دھماکے میں کالعدم تحریک طالبان پاکستان (ٹی ٹی پی) کے 6 دہشت گرد ہلاک، جب کہ 15 زخمی ہوگئے۔ مرنے والوں میں ٹی ٹی پی کے اہم جنگجو بھی شامل ہیں۔آئی ای ڈی دھماکے میں ہلاک ہونے والے جنگجوؤں میں عبدالمنان، عالم خان مدہ خیل، کجیر اور 3 نامعلوم دہشت گرد شامل ہیں۔موصول اطلاعات میں یہ بھی بتایا گیا ہے کہ زخمی جنگجوؤں میں فضل امین، محمد عرف طوفان، نْور پایو خان، فقیر اللہ، تروزئی، سَت کئی، علی سر خان، زبیر، ہجرت اللہ، کمال، شیر افضل، بخت اللہ، زبیح اللہ وغیرہ شامل ہیں۔ذرائع کا کہنا ہے کہ افغانستان میں روپوش ٹی ٹی پی دہشت گردوں پر پے در پے حملوں کے بعد ٹی ٹی پی لیڈر شپ میں شدید مایوسی اور اختلافات کی لہر پھیل گئی ہے۔ تی ٹی پی دہشت گردوں کا ماننا ہے کہ پاکستانی وَفد کے افغانستان آنے کے بعد تنظیم کے مسائل میں اضافہ ہوا ہے۔ٹی ٹی پی کے نچلے درجے کے دہشت گردوں کے درمیان تحریک طالبان افغانستان (ٹی ٹی اے) کی سینیر لیڈر شپ سے متعلق شکوک و شبہات مزید بڑھ گئے ہیں۔