ویلفیئر ٹرسٹ کے چوتھے ہیلتھ کلینک کا افتتاح
کراچی (پی پی آئی): لطیف کپاڈیا میموریل ویلفیئر ٹرسٹ کے چوتھے فلاحی میڈی ہیلتھ کلینک کا خدا کی بستی، سرجانی ٹاؤ میں پسماندہ طبقے کے افراد کیلئے معروف ادبی شخصیت انور مقصود اور احمد کپاڈیا نے کیا۔ انورمقصود نے کلینک میں طبی سہولیات کی تعریف کی اور مرحوم لطیف کپاڈیا کی جانب سے افراد اور سماج میں زندگیوں کو بہتر بنانے کی کوششوں کو یاد کیا۔پی پی آئی کے مطابق احمد کپاڈیا نے کلینک کے لیے زمین فراہم کرنے پر گلزار مغل کا شکریہ ادا کیا۔ انھوں نے جناب صابر سمیع و دیگر ٹرسٹیز کی کاوشوں کو بھی سراہا۔ اس سے قبل، ٹرسٹنے شاہ فیصل کالونی، کھوکھراپار،ملیر اور قائد آباد لانڈھی میں ہیلتھ کلینکس قائم کر رکھے ہیں۔ یہ تمام کلینکس 40 روپے فی مریض کی معمولی فیس کے ساتھ ضروری میڈیکل چیک اَپ، مشاورت اور ادویات فراہم کرتے ہیں۔ ہر سال 120,000 سے زیادہ مریض ان میڈی ہیلتھ کلینکس سے فائدہ اُٹھاتے ہیں۔