اوتھل سٹی نے بیلہ کمبائنڈ کو 3-1گول سے شکست دیکر فائنل کے لیے کوالیفائی کرلیا
اوتھل (پی پی آئی)محکمہ کھیل لسبیلہ بلوچستان کے زیر اہتمام ڈسٹرکٹ فٹبال کوالیفائی راؤنڈ کے سلسلے میں پہلا سیمی فائنل اوتھل جام محمد یوسف عالیانی فٹبال اسٹیڈیم میں میزبان اوتھل سٹی اور بیلہ کمبائنڈ کے درمیان کھیلا گیا،پی پی آئی کے مطابق اوتھل سٹی نے عبدالمجید لاسی اور عمران مگسی کے شاندار گولوں کی بدولت 3-1گول سے شکست دیکر فائنل کے لیے کوالیفائی کرلیا، بیلہ کمبائنڈ کا واحد گول دوران کھیل پنلٹی شوٹ میں سلیم نے کیا، میچ میں ریفری کے فرائض لالہ غوث بخش (اوتھل) اور اسٹنٹ ریفریز استاد نبی وارث (بیلہ) اور استاد حفیظ دانش (اوتھل) نے سپروایز کئے، میچ کمشنر وسیم سومرو تھے۔