حضرت سخی سلطان المعروف سخی سرور ؒکے عرس مقدس کی تیاریاں جاری

سخی سرور(پی پی آئی)حضرت سخی سلطان المعروف سخی سرور ؒکے عرس مقدس کی تیاریاں جاری ہیں، ڈپٹی کمشنر جمیل احمد جمیل اور ڈی پی او محمد راشد کی زیر صدارت اجلاس میں سالانہ عرس میں سیکیورٹی و دیگر انتظامات کا جائزہ لیا، اس موقع پر ڈپٹی کمشنر جمیل احمد جمیلنے افسران کو ہدایت کی کہ عرس مبارک کے موقع پر سیکیورٹی و دیگر تمام انتظامات کو جلد حتمی شکل دی جائے تاکہ زائرین کو کسی بھی قسم کی پریشانی کا سامنا کرنا نہ پڑے۔ ڈپٹی کمشنر نے کہا کہ بزرگان دین کی تعلیمات ہمارے لئے ہدایت کا ذریعہ ہیں، زائرین ہمارے مہمان ہیں،ان کے لئے بہترین سہولیات فراہم کی جائیں، محکمہ اوقاف انتظامات کیلئے پولیس سمیت دیگر محکموں سے رابطے میں رہے، مقامی لوگوں کے معاشی مفادات کا بھی خیال رکھا جائے، ڈپٹی کمشنر نے کہا کہ لائٹس، واک تھرو گیٹس، ویڈیو کیمرے مکمل طور پر فعال کئے جائیں