پہلے مرحلے پر گرفتار ملزمان میں عاطف،توصیف اور غفار عرف بلا شامل
اسلام آباد (پی پی آئی)اسلام آباد کی ماتحت عدالتوں میں جعلی مچلکے جمع کرائے جانے کا انکشاف ہوا ہے۔اسلام آباد پولیس نے عدالتی ناظر کی مدعیت میں جعلی ضمانتی مچلکے جمع کرانے کے دھندے میں ملوث افراد کے خلاف مقدمہ درج کیا تھا۔پی پی آئی کے مطابق پولیس نے پہلے مرحلے پرعاطف، توصیف اور غفار عرف بلا نامی 3 ملزمان کو گرفتار کرلیا۔اسلام آباد پولیس کا کہنا ہے کہ ملزمان ایف ایٹ کچہری میں جعلی مچلکوں کا کاروبار کر رہے تھے، نیٹ ورک کے دیگر کارندوں کی گرفتاری کے لئے کارروائی جاری ہے۔