پیکج، مویشیوں کے لیے ویکسین اور مویشیوں کے لیے چارہ فراہم
کراچی (پی پی آئی)اقوام متحدہ کے ادارہ برائے خوراک و زراعت نے حکومت پاکستان کے اشتراک سے دریائے سندھ کے علاقے کو ماحولیاتی آلودگی سے بچانے کے ایک منصوبے پر کام شروع کردیاہے۔پی پی آئی کے مطابق یہ بات تنظیم کی نمائندہ رولے فلورنس نے ریڈیوپاکستان کو بتائی رولے فلورنس نے کہا کہ دریائے سندھ کے علاقے کی انسانی زندگیوں اور ملک کی کثیرجہتی میں اہم کردار ہے جس میں لوگوں کی سماجی، اقتصادی اور ثقافتی سرگرمیاں شامل ہیں۔ ایف اے او کی نمائندے نے کارکردگی اور پیداواری صلاحیت کو بڑھانے کے لیے زرعی شعبے میں اصلاحات کی ضرورت پر زور دیا۔پاکستان کے سیلاب سے متاثرہ علاقوں میں ایف اے او کی کوششوں کے بارے میں،پی پی آئی کے مطابق فلورنس رولے نے کہا کہ یہ تنظیم کسانوں کو گندم کی کاشت کے لیے ربیع کے پیکجز، مویشیوں کے لیے ویکسین اور مویشیوں کے لیے چارہ فراہم کر رہی ہے۔