دنیا بھر کی جیلوں میں مقید خواتین کا عالمی دن منایا گیا

کراچی(پی پی آئی)پاکستان میں بھی دنیا بھر کی جیلوں میں مقید خواتین کا عالمی دن اتوار کو منایا گیا۔پی پی آئی کے مطابق اس موقع پر منعقدہ تقاریب سے خطاب میں مقررین نے کہا کہ معاشرے کی سب سے ابتر زندگی گزارنے والی ان خواتین کیساتھ کبھی کسی نے اظہار یکجہتی نہیں کیا، کبھی مدرز ڈے پر کسی خواتین کی تنظیم کو احساس نہ ہوا کہ ان جیل جھیلتی خواتین کیساتھ بھی ماں، بہن،بیٹی بن کردن گزارا جائے کہ انہیں اپنے رشتے یاد رہیں اور کوئی رونق و رمق کی وہ بھی یادیں تازہ کرکے خوش ہو جائیں۔ حتیٰ کہ خواتین کے عالمی دن پرخواتین کی آزادی اور حقوق کی جنگ لڑنے والیوں نے بھی جیلوں میں مقید خواتین کا احساس نہ کیا۔