اسٹیل ٹاؤن کراچی میں پولیس مقابلہ،2ملزمان گرفتار،2فرار

کراچی (پی پی آئی)کراچی میں اسٹیل ٹاؤن پولیس نے دو موٹر سائیکلوں پر سوارچار ملزمان کو رکنے کا اشارہ کیا توملزمان نے رکنے کی بجائے پولیس پارٹی پر فائرنگ شروع کر دی۔پی پی آئی کے مطابق جوابی فائرنگ سے دو ملزمان گلزار اور اللہ بخش زخمی ہو گئے جنھیں پولیس نے زخمی حالت میں گرفتار کر لیا جبکہ دو ملزمان نور محمد اور کشور کمار موقع سے فرارہو گئے زخمی ملزمان کے قبضے سے 2 پستول 30 بور، ایک موٹرسائیکل اور موبائل فون برآمد ہوئے ہیں ملزمان ڈکیتی کی کئی وارداتوں میں پہلے بھی گرفتار ہو چکے ہیں۔