انٹرنیشنل اسپورٹس کمپنی ’کوکا بُورا‘ کا ہاکی کپتان محمد عمران سے معاہدہ

لاہور: انٹرنیشنل اسپورٹس کمپنی کوکابُورا نے قومی ہاکی ٹیم کے کپتان محمد عمران کے ساتھ باضابطہ طور پر معاہدہ کرلیا ۔ معاہدے کے تحت کمپنی محمد عمران کو ہاکی کا مکمل سامان بالکل مفت فراہم کرے گی ۔ کوکابُوراکے پاکستان میںنمائندے خرم خواجہ نے قومی ہاکی ٹیم کے کپتان محمد عمران کے ساتھ معاہدے کی تفصیلات طے کیں ۔اس موقع پر خرم خواجہ کا کہنا تھا کہ ہاکی ہمارا قومی کھیل ہے اور مجھے خوشی ہے کہ کمپنی نے باضابطہ طور پر پاکستان میں اپنے کام کا آغاز کردیا ہے ۔ان کا کہنا تھا کہ محمد عمران کے علاوہ ہم نے گول کیپر عمران شاہ کے ساتھ بھی معاہدہ کرلیا ہے اور ہم مزید کھلاڑیوں کے ساتھ معاہدے کریں گے ۔