کفن باندھنے سے پہلے کالا کنستر تو منہ سے اتاریں:طلال چوہدری

لاہور(پی پی آ ئی) مسلم لیگ ن کے رہنما طلال چوہدری نے فواد چوہدری کے بیان پر ردعمل دیتے ہوئے کہا کہ پہلے فیصلہ کرلیں کہ رونا ہے یا انقلاب لانا ہے۔کفن باندھنے سے پہلے کالا کنستر تو منہ سے اتاریں، پہلے فیصلہ کرلیں کہ قبل از انقلاب ضمانت کرانی ہے کہ بعد از انقلاب ضمانت؟۔لیگی رہنما طلال چوہدری فواد چوہدری کو تنقید کا نشا نہ بناتے ہو ئے کہا کہ کیسا انقلاب ہے کہ آپ ضمانت پارک کے اندر نہیں جا سکتے، عمران نیازی ضمانت پارک کے بنکر سے باہر نہیں آ سکتا۔انہوں نے کہا کہ قومی اسمبلی توڑنے سے پہلے آئین مقدم رکھنا تھا،الیکشن کمیشن بے وقعت ہوگئی ہے کیونکہ اس نے فارن فنڈنگ جو پکڑی۔عدلیہ کے ذریعے اقتدار پر قبضے کا خواب چکنا چور ہو گا،بیان اس بات کا اعتراف ہے کہ کالعدم دہشتگرد تنظیموں کے ذریعے شرانگیزی کا پلان ہے۔