رکن قومی اسمبلی حسین الٰہی کا بھی تحریک انصاف چھوڑنے کا فیصلہ

لاہور(پی پی آ ئی)رکن قومی اسمبلی حسین الٰہی نے بھی تحریک انصاف چھوڑنے کا فیصلہ کر لیا ہے۔پاکستان تحریک انصاف کی وکٹیں گرنے کا سلسلہ جاری ہے،کئی اہم رہنما اور ارکان اسمبلی ابتک پی ٹی آئی سے الگ ہو چکے ہیں، چوہدری وجاہت حسین کے بعد رکن قومی اسمبلی حسین الٰہی نے بھی تحریک انصاف کو خیرباد کہنے کا فیصلہ کرلیا ہے،ذرا ئع کے مطابق حسین الٰہی پریس کانفرنس کریں گے۔حسین الٰہی چوہدری پرویز الٰہی کے ساتھ تحریک انصاف میں شامل ہوئے تھے۔یاد رہے کہ حسین الٰہی کے والد وجاہت حسین چند روز قبل تحریک انصاف سے علیحدہ ہوئے تھے۔واضح رہے کہ گزشتہ روز پی ٹی آئی کی سینئر رہنما اور سابق رکن قومی اسمبلی شیریں مزاری نے پی ٹی آئی کے ساتھ سیاست چھوڑنے کا اعلان کیا تھا۔