سندھ نے سستی بجلی کے لیے صوبائی گرڈ کا خاکہ پیش کیا؛ ڈنمارک کی سبز سرمایہ کاری پر نظر

کراچی (پی پی آئی) ای او بی آئی کے بورڈ آف ٹرسٹیز پنشن میں ڈیڑھ ہزار روپے اضافہ کی منظوری دی ہے جس کے بعدمجموعی پنشن دس ہزار روپے ہو جائے گی۔فیصلہ کا اطلاق یکم جولائی سے ہوگا اور اضافہ شفہ پنشن یکم اگست کو ملے گی۔ذرائع کے مطابق ای او بی آئی کے بورڈ آف ٹرسٹیز نے ایکچورل ویلیوایشن رپورٹ پر کئی گھنٹے کی بحث کے بعد زوم اجلاس میں یہ فیصلہ کیا پی پی آئی کے مطابق ای او بی آئی کے پنشن یافتگان کی کل پاکستان نمائندہ تنظیم ای او بی آئی پنشنرز فورم نے اس اضافہ کو اونٹ کے منہ میں زیرہ کے مترادف قرار دیا ہے کیونکہ مہنگائی کے بدترین دور میں ساڑھے آٹھ ہزار روپے کی قلیل پنشن سے مہینہ بھر باعزت گزارہ اور علاج ومعالجہ ناممکن تھا بجٹ میں عائد نئے ٹیکسز کے بعد دوائیں اور اشیائے خوردونوش مزید مہنگی ہو جائیں گی اس لئے یہ اضافی کسی کام کا نہیں اس لئے ای او بی آئی پنشن مزید بڑھائی جائے اور ایک فارمولہ کے تحت کم از کم پنشن کو کم از کم تنخواہ سے ہمیشہ کیلئے مساوی کردیاجائے یا پھر عالمی سطح پر خط افلاس سے نیچے کی زندگی گزارنے والوں کیلئے مقررہ پیمانہ 2.09ڈالر کو معیار بنا کر پنشن کا تعین کیا جائے تاکہ جیسے جیسے مہنگائی میں اضافہ ہو کم از کم ای او بی آئی پنشن بھی خود بخود بڑھتی رہے۔ ای او بی آئی کے پنشن یافتگان کی کل پاکستان نمائندہ تنظیم ای او بی آئی پنشنرز فورم نے یاد دلایا کہ ای او بی آئی پنشنرز میں کارخانہ یا فیکٹری مزدور ہی نہیں صحافی،سیکوریٹی گارڈز، ریسٹورنٹ ورکر اور مختلف دیگر نجی اداروں کے پانچ لاکھ سے زیادہ افراد شامل ہیں۔ لہذاوقت کا تقاضہ ہے کہ ای او بی آئی پنشن میں فوری طور پر معقول اضافہ کیا جائے۔